| 章節 | 全民台語聖經全羅經文 | 註釋 |
| 1:1 | Chhéng-anPáu-lô, Se-la̍h kah Tî-mó͘-theh, siá phoe hō͘ The-sa-lô-nî-ke lâng sio̍k Thiⁿ-pē Siōng-tè kah Chú I-é-su Ki-tok ê kàu-hōe. Goān lín tit tio̍h un-tián kah pêng-an! | C註釋 註釋 串珠 盧華 盧華 盧導讀台 |
| 1:2 | Tùi Siōng-tè ê Kám-unGoán tiāⁿtiāⁿ ūi tio̍h lín tāi-ke lâi kám-siā Siōng-tè, tī kî-tó tiong put-sî to teh siàu-liām lín. | C註釋 註釋 串珠 盧華 盧華 盧導讀台 |
| 1:3 | Goán tī lán ê Thiⁿ-pē Siōng-tè ê bīn-chêng, siàu-liām lín óa-khò sìn-sim só͘ chò ê kang, chhut tī thiàⁿ-sim só͘ hù-chhut ê lô-khó͘ kah ū nāi-sim teh gióng-bōng Chú I-é-su Ki-tok. | C註釋 註釋 串珠 盧華 盧華 盧導讀台 |
| 1:4 | Hiaⁿ-tī chí-mōe, goán chai lín sī Siōng-tè só͘ thiàⁿ koh siū I kéng-soán ê kiáⁿ-jî. | 註釋 串珠 盧華 盧華 盧導讀台 |
| 1:5 | In-ūi goán thoân hok-im khì-kàu lín hia, m̄-sī kantaⁿ óa-khò giân-gí, mā sī óa-khò Siōng-tè ê tōa koân-lêng kah Sèng Sîn, í-ki̍p goán tùi hok-im ê khak-sìn. Lín lóng chai goán tī lín hia ê sî sī án-chóaⁿ, he lóng sī ūi tio̍h lín ê lī-ek. | C註釋 註釋 串珠 盧華 盧華 盧導讀台 |
| 1:6 | Lín ū o̍h goán, mā ū o̍h Chú, sûi-jiân tú tio̍h chin chē khó͘-lān, iáu koh ēng Sèng Sîn só͘ siúⁿ-sù ê hoaⁿ-hí, lâi niá-siū sìn-sit. | C註釋 註釋 串珠 盧華 盧華 盧導讀台 |
| 1:7 | Chiū ánne, lín chiâⁿ-chò Ma-ke-tó-niah kah A-kha-iah só͘-ū sìn-tô͘ ê bô͘-hoān. | 註釋 串珠 盧華 盧華 盧導讀台 |
| 1:8 | In-ūi Chú ê sìn-sit sī tùi lín thoân-chhut, m̄ nā tī Ma-ke-tó-niah kah A-kha-iah, lín tùi Siōng-tè ê sìn-gióng mā í-keng thoân khì-kàu ta̍k só͘-chāi. Só͘-í, goán m̄-bián koh kóng siáⁿ-mi̍h. | C註釋 註釋 串珠 盧華 盧華 盧導讀台 |
| 1:9 | In-ūi hia ê lâng lóng teh thoân-káng goán khì lín hia ê sî án-chóaⁿ siū lín ê hó khoán-thāi, koh lín án-chóaⁿ lī-khui ngó͘-siōng, kui-ǹg Siōng-tè, lâi ho̍k-sāi oa̍h koh chin ê Siōng-tè, | 註釋 串珠 盧華 盧華 盧導讀台 |
| 1:10 | Koh teh thèng-hāu I ê Kiáⁿ tùi thiⁿ kàng-lîm. Siōng-tè hō͘ I ê Kiáⁿ I-é-su tùi sí-lâng tiong koh-oa̍h, lâi chín-kiù lán thoat-lī chiong-lâi ê sím-phòaⁿ. | C註釋 註釋 串珠 盧華 盧華 盧導讀台 |