| 章節 | 全民台語聖經全羅經文 | 註釋 |
| 3:1 | Goán í-keng tán kah tòng bē tiâu, chiū koat-tēng kantaⁿ goán tòa tī A-thé-nè, | C註釋 註釋 串珠 盧華 盧導讀台 |
| 3:2 | Tông-sî chhe-phài goán ê hiaⁿ-tī Tî-mó͘-theh khì lín hia, i sī ūi tio̍h Siōng-tè lâi thoân Ki-tok ê hok-im chò goán ê tâng-kang. I thang lâi kian-kò͘ lín ê sìn-sim, koh ūi tio̍h lín ê sìn-sim lâi an-ùi lín, | C註釋 註釋 串珠 盧華 盧導讀台 |
| 3:3 | Hō͘ lín tiong-kan bô lâng ē in-ūi tú tio̍h khó͘-lān soah sìn-sim iô-tāng. Lín kakī mā chai, lán tú tio̍h khó͘-lān sī Siōng-tè ê chí-ì só͘ an-pâi. | C註釋 註釋 串珠 盧華 盧導讀台 |
| 3:4 | Goán iáu tī lín hia ê sî, ū seng tùi lín kóng-khí, lán ē tú tio̍h khó͘-lān, āu-lâi kó-jiân ánne hoat-seng; che sī lín só͘ chai ê. | C註釋 註釋 串珠 盧華 盧導讀台 |
| 3:5 | Só͘-í, góa tán kah tòng bē tiâu, chiah tio̍h chhe-phài Tî-mó͘-theh khì lín hia. Góa ài beh chai lín ê sìn tio̍h án-chóaⁿ chiah bē hō͘ Mô͘-kúi kā lín iú-he̍k, chiah bē hō͘ goán ê lô-khó͘ lóng óng-hùi khì. | C註釋 註釋 串珠 盧華 盧導讀台 |
| 3:6 | Páu-lô Ūi The-sa-lô-nî-ke Kàu-hōe Kî-tóTaⁿ Tî-mó͘-theh í-keng tùi lín hia tńg-.lâi, kā lín ê sìn-sim kah thiàⁿ-sim ê hó siau-sit pò goán chai, koh kóng-khí lín tiāⁿtiāⁿ teh siàu-liām goán, ài beh kah goán kìⁿ-bīn, chhin-chhiūⁿ goán ài beh kah lín kìⁿ-bīn kāng-khoán. | C註釋 註釋 串珠 盧華 盧導讀台 |
| 3:7 | Só͘-í, hiaⁿ-tī chí-mōe, goán tī it-chhè ê khùn-khó͘ hoān-lān tiong, ū tùi lín ê sìn-sim tit tio̍h an-ùi. | C註釋 註釋 串珠 盧華 盧導讀台 |
| 3:8 | Lín nā tùi Chú ū kian-kò͘ ê sìn-sim, goán chiū kám-kak ū chin-chiàⁿ teh oa̍h. | C註釋 註釋 串珠 盧華 盧導讀台 |
| 3:9 | Goán tī lán ê Siōng-tè bīn-chêng, ūi tio̍h lín chin-chiàⁿ hoaⁿ-hí; ūi tio̍h che it-chhè ê hoaⁿ-hí, goán tio̍h án-chóaⁿ lâi kám-siā Siōng-tè chiah ū kàu-gia̍h? | 註釋 串珠 盧華 盧導讀台 |
| 3:10 | Goán mê-ji̍t pek-chhiat kî-tó, ài beh kìⁿ tio̍h lín ê bīn, lâi pó͘-chiok lín sìn-sim bô kàu-gia̍h ê só͘-chāi. | C註釋 註釋 串珠 盧華 盧導讀台 |
| 3:11 | Goān lán ê Thiⁿ-pē Siōng-tè kah lán ê Chú I-é-su kā goán khui lō͘, hō͘ goán thang khì lín hia. | 註釋 串珠 盧華 盧導讀台 |
| 3:12 | Chhin-chhiūⁿ goán tùi lín ê thiàⁿ-sim ná ke-thiⁿ, goān Chú hō͘ lín hō͘-siong ê thiàⁿ-sim kah thiàⁿ chèng lâng ê sim mā ji̍t-ji̍t ke-thiⁿ. | 註釋 串珠 盧華 盧導讀台 |
| 3:13 | Án-ne, lín ê sìn-sim ē-tàng kian-kò͘, tī lán ê Chú I-é-su kah I ê chèng sìn-tô͘ koh-chài lâi-lîm ê sî, tī lán ê Thiⁿ-pē Siōng-tè ê bīn-chêng, ē-tàng sèng-kiat bô thang hiâm. | 註釋 串珠 盧華 盧導讀台 |