| 章節 | 全民台語聖經全羅經文 | 註釋 |
| 4:1 | Hō͘ Siōng-tè Hoaⁿ-hí ê Seng-oa̍hHiaⁿ-tī chí-mōe, goán iáu-ū ōe beh kā lín kóng. Lín í-chêng bat tùi goán ha̍k-si̍p tio̍h án-chóaⁿ seng-oa̍h, lâi hō͘ Siōng-tè hoaⁿ-hí. Kî-si̍t lín í-keng ū chiàu ánne teh seng-oa̍h, goán hōng Chú I-é-su ê miâ lâi khún-kiû koh khó͘-khǹg lín, taⁿ tio̍h koh khah ló͘-le̍k. | 註釋 串珠 盧華 盧導讀台 |
| 4:2 | In-ūi lín mā chai, goán ū hōng Chú I-é-su ê miâ kā lín kà-sī siáⁿ-mi̍h. | 註釋 串珠 盧華 盧導讀台 |
| 4:3 | Siōng-tè ê chí-ì sī ài lín chiâⁿ chò sèng-kiat, lī-khui îm-loān; | 註釋 串珠 盧華 盧導讀台 |
| 4:4 | I ài lín ta̍k lâng ē-hiáu ēng sèng-kiat kah chun-kùi, lâi siú kakī ê seng-khu, | 註釋 串珠 盧華 盧導讀台 |
| 4:5 | M̄-thang chhin-chhiūⁿ m̄ bat Siōng-tè ê gōa-pang lâng teh hòng-chhiòng su-io̍k. | 註釋 串珠 盧華 盧導讀台 |
| 4:6 | Koan-hē chit-hāng tāichì, mā m̄ thang chò pháiⁿ lâi chhim-hoān tâng-sìn ê hiaⁿ-tī chí-mōe. Goán bat kā lín kóng kòe, mā ū kā lín kéng-kò, Chú ē kā chò chit khoán tāichì ê lâng chhú-hoa̍t. | 註釋 串珠 盧華 盧導讀台 |
| 4:7 | Siōng-tè m̄-sī tiàu lán lâi kòe ù-òe ê seng-oa̍h, sī tiàu lán lâi kòe sèng-kiat ê seng-oa̍h. | 註釋 串珠 盧華 盧導讀台 |
| 4:8 | Só͘-í, kī-choa̍t chit-ê kà-sī, m̄-sī kī-choa̍t lâng, sī teh kī-choa̍t siúⁿ-sù hō͘ lín Sèng Sîn ê Siōng-tè. | 註釋 串珠 盧華 盧導讀台 |
| 4:9 | Koan-hē hiaⁿ-tī chí-mōe hō͘-siong thiàⁿ-sioh ê tāichì, goán m̄-bián koh siá siáⁿ-mi̍h hō͘ lín, in-ūi lín kakī í-keng siū tio̍h Siōng-tè ê kà-sī, ū teh sio-thiàⁿ. | 註釋 串珠 盧華 盧導讀台 |
| 4:10 | Kî-si̍t lín ū chiàu chit-ê kà-sī thiàⁿ choân Ma-ke-tó-niah ê hiaⁿ-tī chí-mōe, chóng-.sī, hiaⁿ-tī chí-mōe, goán khǹg lín tio̍h koh khah ló͘-le̍k. | 註釋 串珠 盧華 盧導讀台 |
| 4:11 | Lín mā tio̍h chiàu goán í-chêng kā lín hoan-hù ê, tio̍h li̍p-chì kòe pêng-chēng ê seng-oa̍h, chīn kakī ê pún-hūn chhin-chhiú chò-kang lâi î-chhî kakī ê seng-oa̍h, | 註釋 串珠 盧華 盧導讀台 |
| 4:12 | Án-ne, lín chiū ē-tàng hō͘ kàu-hōe gōa ê lâng chun-kèng, mā m̄-bián óa-khò pa̍t lâng. | 註釋 串珠 盧華 盧導讀台 |
| 4:13 | Sí-khì ê Sìn-tô͘Hiaⁿ-tī chí-mōe, koan-hē sí-.khì ê lâng, goán ài lín chai, ánne lín chiah bē chhin-chhiūⁿ hiahê bô ǹg-bāng ê lâng teh pi-siong. | 註釋 串珠 盧華 盧導讀台 |
| 4:14 | Lán kì-jiân siong-sìn I-é-su sí-khì koh-chài oa̍h khí-.lâi, lán mā siong-sìn Siōng-tè ē thong-kòe I-é-su chhōa hiahê sí-.khì ê lâng kah I-é-su chò-hóe lâi. | 註釋 串珠 盧華 盧導讀台 |
| 4:15 | Goán chiàu Chú ê ōe kā lín kóng chit-hāng tāichì, to̍h-sī lán chiahê tī Chú koh-chài-lîm ê sî iáu oa̍h-.leh ê lâng, bē pí hiahê í-keng sí-.khì ê lâng khah tāi-seng kìⁿ tio̍h Chú. | 註釋 串珠 盧華 盧導讀台 |
| 4:16 | In-ūi Chú pún-sin beh tùi thiⁿ kàng-lîm, thiⁿ-sài-tiúⁿ tōa-siaⁿ hoah, Siōng-tè ê sàu-kak chi̍t-ē hiáng, hiahê sio̍k Ki-tok í-keng sí ê lâng ē tāi-seng koh-oa̍h. | 註釋 串珠 盧華 盧導讀台 |
| 4:17 | Jiân-āu lán chiahê iáu oa̍h-.leh ê lâng ē kah in siū chiap-khì hûn lāi, tī khong-tiong kah Chú kìⁿ-bīn, ánne, lán chiū éng-oán kah Chú chò-hóe. | 註釋 串珠 盧華 盧導讀台 |
| 4:18 | Só͘-í, lín tio̍h ēng chiahê ōe hō͘-siong kó͘-lē. | 註釋 串珠 盧華 盧導讀台 |