| 章節 | 全民台語聖經全羅經文 | 註釋 |
| 1:1 | Chhéng-anGóa Páu-lô kah Se-la̍h í-ki̍p Tî-mó͘-theh siá phoe hō͘ The-sa-lô-nî-ke, sio̍k Thiⁿ-pē Siōng-tè kah Chú I-é-su Ki-tok ê kàu-hōe. | 註釋 串珠 盧華 盧導讀台 |
| 1:2 | Goān lín tùi Thiⁿ-pē Siōng-tè kah Chú I-é-su Ki-tok tit tio̍h un-tián kah pêng-an. | 註釋 串珠 盧華 盧導讀台 |
| 1:3 | Kám-siā kah Kó͘-lēHiaⁿ-tī chí-mōe, goán eng-kai ūi tio̍h lín put-sî kám-siā Siōng-tè, ánne chò sī tong-jiân, in-ūi lín ê sìn-sim ū tōa sêng-tióng, lín sio-thiàⁿ ê sim mā it-ti̍t teh ke-thiⁿ. | 註釋 串珠 盧華 盧導讀台 |
| 1:4 | Só͘-í, goán tī Siōng-tè ê chèng kàu-hōe, lóng ēng lín lâi chò khoa-kháu, in-ūi lín siū pek-hāi kah jím-siū hoān-lān ê sî, ū pó-chhî jím-nāi kah sìn-sim. | 註釋 串珠 盧華 盧導讀台 |
| 1:5 | Che chèng-bêng Siōng-tè phòaⁿ-tēng lín ē kham-tit sêng-siū Siōng-tè kok-tō͘, lín to̍h-sī ūi tio̍h che teh kè-sio̍k siū khó͘. | 註釋 串珠 盧華 盧導讀台 |
| 1:6 | In-ūi Siōng-tè chiàu kong-gī teh sím-phòaⁿ, I ē ēng chai-lān pò-èng hiahê hō͘ lín tú tio̍h chai-lān ê lâng, | 註釋 串珠 盧華 盧導讀台 |
| 1:7 | Mā ē hō͘ lín chiahê tú tio̍h chai-lān ê lâng kah goán tâng-chê tit tio̍h an-hioh, to̍h-sī Chú I-é-su kah ū koân-lêng ê thiⁿ-sài tī hóe-iām tiong tùi thiⁿ hián-hiān ê sî, thang kah goán chò-hóe tit tio̍h tháu-pàng. | 註釋 串珠 盧華 盧導讀台 |
| 1:8 | Hit sî, I ē hêng-hoa̍t hiahê m̄ bat Siōng-tè kah m̄ sūn-ho̍k lán ê Chú I-é-su ê hok-im ê lâng. | 註釋 串珠 盧華 盧導讀台 |
| 1:9 | Chit khoán lâng ē siū éng-oán bia̍t-bông ê hêng-hoa̍t kah Siōng-tè keh-lī, lī-khui I êng-iāu ê khùi-la̍t. | 註釋 串珠 盧華 盧導讀台 |
| 1:10 | Chú chài-lîm ê ji̍t, I ē tùi chiahê sìn-tô͘ tit tio̍h êng-iāu, koh tit tio̍h só͘-ū sìn I ê lâng ê oló, in-ūi lín ū sìn goán tùi lín só͘ chò ê kiàn-chèng. | 註釋 串珠 盧華 盧導讀台 |
| 1:11 | Ūi tio̍h ánne, goán mā put-sî thè lín kî-tó, goān lán ê Siōng-tè hō͘ lín ê seng-oa̍h ē hû-ha̍p I ê ho͘-tiàu, mā siúⁿ-sù hō͘ lín ū khùi-la̍t, lâi oân-sêng it-chhè hiòng-siān ê goān-bōng kah khò sìn-sim só͘ chò ê kang, | 註釋 串珠 盧華 盧導讀台 |
| 1:12 | Thang hō͘ lán ê Chú I-é-su ê miâ, tùi lín tit tio̍h êng-kng, lín mā tùi I tit tio̍h êng-kng. Che lóng sī lán ê Siōng-tè kah Chú I-é-su Ki-tok ê un-tián. | 註釋 串珠 盧華 盧導讀台 |