| 章節 | 全民台語聖經全羅經文 | 註釋 |
| 3:1 | Ūi Goán Kî-tóHiaⁿ-tī chí-mōe, goán iáu-ū ōe beh kā lín kóng, chhiáⁿ lín tio̍h ūi goán kî-tó, hō͘ Chú ê sìn-sit ē-tàng chhin-chhiūⁿ tī lín tiong-kan ánne, chin kín to̍h thoân-khui koh tit tio̍h êng-kng. | 註釋 串珠 盧華 盧導讀台 |
| 3:2 | Mā kî-kiû Siōng-tè hō͘ goán ē-tàng thoat-lī hiahê siâ-ok ê lâng, in-ūi m̄-sī só͘-ū ê lâng lóng ū sìn Chú. | 註釋 串珠 盧華 盧導讀台 |
| 3:3 | Siōng-tè sī sìn-si̍t khó-khò ê, I ē hō͘ lín kian-kiông, koh pó-siú lín thoat-lī hiahê pháiⁿ lâng ê hām-hāi. | 註釋 串珠 盧華 盧導讀台 |
| 3:4 | Chú hō͘ goán tùi lín ū sìn-sim, siong-sìn goán kau-tài lín ê tāichì, lín chitmá ū teh chò, chiong-lâi mā ē kè-sio̍k chò. | 註釋 串珠 盧華 盧導讀台 |
| 3:5 | Goān Chú ín-chhōa lín ê sim, lâi thé-giām Siōng-tè ê thiàⁿ kah Ki-tok ê thun-lún. | 註釋 串珠 盧華 盧導讀台 |
| 3:6 | Ū Kí-lu̍t kah Bô Kí-lu̍tHiaⁿ-tī chí-mōe, goán hōng lán ê Chú I-é-su Ki-tok ê miâ bēng-lēng lín, Tio̍h siám-phiah hiahê seng-oa̍h pîn-tōaⁿ, bô chun-siú goán thoân-siū hō͘ lín ê kà-sī lâi kiâⁿ ê sìn-tô͘. | 註釋 串珠 盧華 盧導讀台 |
| 3:7 | Lín kakī mā chai tio̍h án-chóaⁿ o̍h goán, in-ūi goán tī lín tiong-kan ê sî, seng-oa̍h lóng m̄ bat pîntōaⁿ, | 註釋 串珠 盧華 盧導讀台 |
| 3:8 | Mā m̄ bat pe̍h-pe̍h chia̍h lâng ê pn̄g, tian-tò sī mê-ji̍t sin-khó͘ kang-chok, chiah bián chō-sêng lín tiong-kan jīm-hô lâng ê hū-tām. | 註釋 串珠 盧華 盧導讀台 |
| 3:9 | Goán ánne chò m̄-sī kóng goán bô koân thang iau-kiû lín kiòng-èng, chí-sī ài beh ēng goán kakī chò lín ê bô͘-hoān, hō͘ lín thang o̍h goán ê khoán-sit. | 註釋 串珠 盧華 盧導讀台 |
| 3:10 | Goán iáu kah lín chò-hóe ê sî bat bēng-lēng lín kóng, " Bô-ài chò-kang ê lâng, mā tio̍h m̄ thang chia̍h. " | 註釋 串珠 盧華 盧導讀台 |
| 3:11 | Goán ánne kóng, sī in-ūi ū thiaⁿ tio̍h lín tiong-kan ū lâng pîntōaⁿ m̄ chò-kang, kantaⁿ ài chhap lâng ê êng-á-sū. | 註釋 串珠 盧華 盧導讀台 |
| 3:12 | Goán hōng Chú I-é-su Ki-tok ê miâ kéng-kò chit khoán lâng, khó͘-khǹg in tio̍h an-hūn chò-kang, kakī thó-thàn lâi î-chhî kakī ê seng-oa̍h. | 註釋 串珠 盧華 盧導讀台 |
| 3:13 | Hiaⁿ-tī chí-mōe, lín tio̍h chò hó sū, m̄ thang siūⁿ siān. | 註釋 串珠 盧華 盧導讀台 |
| 3:14 | Nā ū lâng bô sūn-ho̍k goán chit tiuⁿ phoe só͘ kóng ê, lín tio̍h kā i kì-teh, mā m̄ thang kah i lâi-óng, thang hō͘ i kám-kak kiàn-siàu. | 註釋 串珠 盧華 盧導讀台 |
| 3:15 | Chóng-.sī, m̄ thang kā i khòaⁿ-chò te̍k-jîn, tio̍h kā i tòng-chò hiaⁿ-tī chí-mōe lâi khoàn-bián. | 註釋 串珠 盧華 盧導讀台 |
| 3:16 | Kiat-bóe ê Chhéng-anGoān siúⁿ-sù pêng-an ê Chú tiāⁿtiāⁿ ēng ta̍k chióng hong-hoat chhin-sin siúⁿ-sù hō͘ lín pêng-an. Goān Chú kah lín tāi-ke tông-chāi! | 註釋 串珠 盧華 盧導讀台 |
| 3:17 | Góa Páu-lô chhin-pit kā lín chhéng-an, góa tī ta̍k tiuⁿ phoe lóng ū chhiam-jī. Góa lóng ánne siá, | 註釋 串珠 盧華 盧導讀台 |
| 3:18 | Goān lán ê Chú I-é-su Ki-tok ê un-tián kah lín tāi-ke tông-chāi! | 註釋 串珠 盧華 盧導讀台 |