| 章節 | 全民台語聖經全羅經文 | 註釋 |
| 2:1 | Kàu-hōe ê Chông-pàiSó͘-í, góa tāi-seng khoàn-bián lí, tio̍h thè só͘-ū ê lâng hiòng Siōng-tè khún-kiû, kî-tó, tāi-tó kah kám-siā. | 註釋 串珠 盧華 盧導讀台 |
| 2:2 | Mā tio̍h thè kun-ông kah só͘-ū ê koaⁿ-oân kî-tó, hoân-sū kèng-khiân toan-chiàⁿ, hō͘ lán thang an-jiân pêng-chēng lâi kòe-ji̍t. | 註釋 串珠 盧華 盧導讀台 |
| 2:3 | Án-ne chò chin hó, sī lán ê Kiù-chú Siōng-tè hoaⁿ-hí chiap-la̍p ê. | 註釋 串珠 盧華 盧導讀台 |
| 2:4 | Siōng-tè ài lán lóng ē-tàng tit-kiù, jīn-bat chin-lí. | 註釋 串珠 盧華 盧導讀台 |
| 2:5 | In-ūi Siōng-tè sī chi̍t ūi, Siōng-tè kah lâng tiong-kan ê tiong-pó mā sī chi̍t ūi, to̍h-sī chiâⁿ-chò lâng ê Ki-tok I-é-su. | 註釋 串珠 盧華 盧導讀台 |
| 2:6 | I hi-seng kakī ê sèⁿ-miā lâi sio̍k-hôe chèng lâng, chit-ê tāichì tī Siōng-tè chí-tēng ê ji̍t-chí ē tit tio̍h chèng-si̍t. | 註釋 串珠 盧華 盧導讀台 |
| 2:7 | Ūi tio̍h ánne, góa siū siat-li̍p chò thoân-tō-chiá, chò sù-tô͘ kah gōa-pang lâng ê kàu-su, hō͘ in siong-sìn Siōng-tè, jīn-bat chin-lí. Góa sī teh kóng chin-si̍t-ōe, bô kóng pe̍h-chha̍t. | 註釋 串珠 盧華 盧導讀台 |
| 2:8 | Tùi Lâm-jîn kah Lú-jîn ê Kà-sīSó͘-í, góa ài chapo͘ lâng bô-lūn tī siáⁿ-mi̍h só͘-chāi, lóng bô siū-khì, mā bô giâu-gî, gia̍h-khí sîn-sèng ê siang chhiú lâi kî-tó. | 註釋 串珠 盧華 盧導讀台 |
| 2:9 | Góa mā ài hū-jîn-lâng chhēng-chhah pho̍k-sò͘ chéng-chê; tio̍h ēng liâm-thí siú-kí ê thài-tō͘, m̄ thang ēng kî-hêng koài-chōng ê thâu-mn̂g, kim-khì, chin-chu, á-.sī ta̍t-chîⁿ ê saⁿ-khò͘ lâi táⁿ-pān kakī. | 註釋 串珠 盧華 盧導讀台 |
| 2:10 | Tio̍h ēng hó hêng-ûi chò táⁿ-pān, piáu-sī kakī sī kèng-ùi Siōng-tè ê hū-jîn-lâng. | 註釋 串珠 盧華 盧導讀台 |
| 2:11 | Hū-jîn lâng tio̍h tiām-tiām-á ha̍k-si̍p, ta̍k hāng tāichì lóng tio̍h khiam-pi sūn-ho̍k. | 註釋 串珠 盧華 盧導讀台 |
| 2:12 | Góa m̄-chún hū-jîn-lâng kà-sī tō-lí á-.sī koán-hat chapo͘ lâng; in tio̍h tiām-tiām. | 註釋 串珠 盧華 盧導讀台 |
| 2:13 | In-ūi Siōng-tè seng chō A-tám liáu-āu chiah chō E-bah; | 註釋 串珠 盧華 盧導讀台 |
| 2:14 | Jî-chhiáⁿ m̄-sī A-tám siū khi-phiàn, sī hū-jîn-lâng siū iú-he̍k lâi hām-lo̍h chōe. | 註釋 串珠 盧華 盧導讀台 |
| 2:15 | M̄ koh, hū-jîn-lâng nā an-hūn siú-kí, chhî-siú sìn-gióng, ū thiàⁿ-sim koh sèng-kiat, chiū ē in-ūi seⁿ kiáⁿ lâi tit tio̍h kiù. | 註釋 串珠 盧華 盧導讀台 |