| 章節 | 全民台語聖經全羅經文 | 註釋 |
| 4:1 | Ké ê Kàu-suSèng Sîn bêng-bêng kóng, Tī āu-lâi ê sî-kî ē ū lâng khì-sak sìn-gióng, ì-ài hiahê bê-he̍k lâng ê siâ-lêng kah kúi-sîn ê kà-sī. | 註釋 串珠 盧華 盧導讀台 |
| 4:2 | Chit khoán ê kà-sī sī tùi kóng pe̍h-chha̍t ê lâng ê gūi-siān lâi ê; in ê liông-sim í-keng hō͘ Mô͘-kúi ēng jia̍t ê thih-ìn ù chò kì-hō, lâi kui-sio̍k Mô͘-kúi à. | 註釋 串珠 盧華 盧導讀台 |
| 4:3 | In kìm-chí kè-chhōa, kìm-kài chi̍t-kóa chia̍h-mi̍h, to̍h-sī Siōng-tè só͘ chhòng-chō, beh hō͘ sìn koh liáu-kái chin-lí ê lâng ēng kám-siā ê sim lâi niá-siū ê. | 註釋 串珠 盧華 盧導讀台 |
| 4:4 | In-ūi Siōng-tè só͘ chhòng-chō ê mi̍h lóng sī hó, nā ēng kám-siā ê sim lâi niá-siū, chiū bô chi̍t hāng sī kìm-khī. | 註釋 串珠 盧華 盧導讀台 |
| 4:5 | Só͘-ū ê chia̍h-mi̍h, thong-kòe Siōng-tè ê ōe kah lâng ê kî-tó, chiū chiâⁿ chò sèng-kiat. | 註釋 串珠 盧華 盧導讀台 |
| 4:6 | Ki-tok I-é-su ê Hó Chhe-ēngLí nā kā chiahê tāichì thê-chhéⁿ hiaⁿ-tī chí-mōe, chiū ē chiâⁿ-chò Ki-tok I-é-su ê hó chhe-ēng, tùi só͘ sìn ê tō-lí kah só͘ sūn-ho̍k ê hó kà-sī lâi tit tio̍h pôe-ióng. | 註釋 串珠 盧華 盧導讀台 |
| 4:7 | Tio̍h khì-sak chho͘-sio̍k ê ōe kah bô-iáⁿ bô-chiah ê thoân-soat. Ūi tio̍h beh ū kèng-khiân ê seng-oa̍h, tio̍h kè-sio̍k chhau-liān kakī. | 註釋 串珠 盧華 盧導讀台 |
| 4:8 | Chhau-liān seng-khu chí ū tām-po̍h-á lī-ek; m̄ koh, kèng-khiân tùi ta̍k hāng tāichì lóng ū lī-ek, in-ūi ū èng-ín thang tit tio̍h hiān-kim kah chiong-lâi ê oa̍h-miā. | 註釋 串珠 盧華 盧導讀台 |
| 4:9 | Chit-kù ōe lán thang siong-sìn, ta̍t-tit lán oân-choân chiap-siū. | 註釋 串珠 盧華 盧導讀台 |
| 4:10 | Ūi tio̍h chit-ê bo̍k-tek, lán lô-khó͘ phah-piàⁿ, in-ūi lán ê ǹg-bāng chāi tī éng-oán oa̍h ê Siōng-tè, I sī jîn-lūi ê Kiù-chú, te̍k-pia̍t sī sìn-tô͘ ê Kiù-chú. | 註釋 串珠 盧華 盧導讀台 |
| 4:11 | Lí tio̍h kā chiahê tāichì kā in khoàn-bián kah kà-sī. | 註釋 串珠 盧華 盧導讀台 |
| 4:12 | M̄-thang in-ūi lí ê siàu-liân hō͘ lâng khòaⁿ-khin, tio̍h tī kóng-ōe, hêng-ûi, thiàⁿ-sim, sìn-sim kah sûn-kiat ta̍k hong-bīn, chò sìn-tô͘ ê bô͘-hoān. | 註釋 串珠 盧華 盧導讀台 |
| 4:13 | Tio̍h tì-ì tha̍k keng-tián, khoàn-bián kah kà-sī, it-ti̍t kàu góa lâi. | 註釋 串珠 盧華 盧導讀台 |
| 4:14 | M̄-thang hut-lio̍k lí só͘ niá-siū ê sio̍k-lêng un-sù, to̍h-sī thong-kòe sian-ti ê ōe kah tiúⁿ-ló-thoân ê hōaⁿ-chhiú sù hō͘ lí ê. | 註釋 串珠 盧華 盧導讀台 |
| 4:15 | Lí tio̍h tì-ì choan-sim khì chò chiahê tāichì, hō͘ chèng lâng khòaⁿ tio̍h lí ê chìn-pō͘. | 註釋 串珠 盧華 盧導讀台 |
| 4:16 | Lí kakī tio̍h kín-sīn, mā tio̍h chù-ì lí ê kà-sī, tio̍h tiāⁿtiāⁿ koan-sim koh chò chiahê tāichì, in-ūi ánne chò chiah ē kiù lí pún-sin kah thiaⁿ lí kà-sī ê lâng. | 註釋 串珠 盧華 盧導讀台 |