章節 | 全民台語聖經全羅經文 | 註釋 |
3:1 | Sè-kài ê Boa̍t-ji̍tLí tio̍h chai, tī sè-kài ê boa̍t-ji̍t ū chióng-chióng ê khó͘-lān. | 註釋 串珠 盧華 盧導讀台 |
3:2 | Hit sî, lâng ē chū-su, tham-châi, khoa-kháu, kiau-ngō͘, húi-pòng, pōe-ge̍k pē-bú, bōng-un, bô sèng-kiat, | 註釋 串珠 盧華 盧導讀台 |
3:3 | Bô chêng-gī, pōe-iok, tiòng-siong, hêng-ge̍k, chân-jím, oàn-hūn hó sū, | 註釋 串珠 盧華 盧導讀台 |
3:4 | Kan-kúi, chip-phiah, phòng-hong, ài hióng-lo̍k khah kòe-thâu tī thiàⁿ Siōng-tè; | 註釋 串珠 盧華 盧導讀台 |
3:5 | Ū kèng-khiân ê gōa-māu, m̄ koh, bô kèng-khiân ê si̍t-chit. Lí tio̍h siám-phiah chit khoán lâng. | 註釋 串珠 盧華 盧導讀台 |
3:6 | In tiong-kan ū lâng thau-thau-á ji̍p-khì lâng ê chhù, bê-he̍k gû-gōng ê hū-jîn-lâng, to̍h-sī hiahê siū chōe-ok kah chêng-io̍k chi-phòe ê hū-jîn-lâng. | 註釋 串珠 盧華 盧導讀台 |
3:7 | Chiahê hū-jîn-lâng put-sî to teh ha̍k-si̍p, kàu bóe mā lóng bô hoat-tō͘ bêng-pe̍k chin-lí. | 註釋 串珠 盧華 盧導讀台 |
3:8 | Chhin-chhiūⁿ chá-chêng ê Iâ-nê í-ki̍p Iâm-bù kah Mô͘-se tùi-te̍k, chitmá chiahê lâng mā ánne teh kah chin-lí tùi-te̍k. In ê sim-chì í-keng pāi-hoāi, tī sìn-gióng siōng bô hoat-tō͘ koh siū khó-giām. | 註釋 串珠 盧華 盧導讀台 |
3:9 | M̄ koh, chiahê lâng bē tàng koh hoat-hui siáⁿ-mi̍h chok-iōng, in-ūi in ê gû-gōng ē chhin-chhiūⁿ téng-bīn hit nn̄g-ê lâng kāng-khoán, tī chèng lâng ê bīn-chêng lō͘-hiān. | 註釋 串珠 盧華 盧導讀台 |
3:10 | Í Páu-lô Chò Bô͘-hoānLí ū sūn-ho̍k góa ê kà-sī, koh o̍h tio̍h góa ê phín-hēng, chì-hiòng, sìn-sim, khoan-iông, thiàⁿ-sim, thun-lún, í-ki̍p só͘ siū ê pek-hāi kah khó͘-lān. | 註釋 串珠 盧華 盧導讀台 |
3:11 | Lí mā chai góa tī Ai-ti-o-khè, Í-ko-ni-óng, Lú-su-toh só͘ tú-.tio̍h ê pek-hāi kah jím-siū, chóng-.sī, Chú lóng kiù góa thoat-lī chiahê khó͘-lān. | 註釋 串珠 盧華 盧導讀台 |
3:12 | Só͘-ū ài beh kah Ki-tok I-é-su kiat-liân lâi kòe kèng-khiân seng-oa̍h ê lâng, lóng ē siū pek-hāi. | 註釋 串珠 盧華 盧導讀台 |
3:13 | To̍k-to̍k pháiⁿ lâng kah pián-sian-á ē ná lâi ná pháiⁿ, in khi-phiàn lâng, kakī mā siū khi-phiàn. | 註釋 串珠 盧華 盧導讀台 |
3:14 | M̄ koh, lí tio̍h chhî-siú só͘ ha̍k-si̍p kah só͘ khak-sìn ê tō-lí, in-ūi lí chai chiahê tō-lí sī tùi siáⁿ lâng o̍h ê. | 註釋 串珠 盧華 盧導讀台 |
3:15 | Lí mā chai lí tùi sè-hàn to̍h bat chiahê keng-tián, chiahê keng-tián ē-tàng hō͘ lí ū tì-hūi, thang thong-kòe sìn Ki-tok I-é-su lâi tit-kiù. | 註釋 串珠 盧華 盧導讀台 |
3:16 | Só͘-ū siū Siōng-tè be̍k-sī lâi siá ê keng-tián, tùi kà-sī kah tok-chek, í-ki̍p hō͘ lâng kui-chèng kah ín-chhōa lâng o̍h gī-lí, lóng ū lī-ek, | 註釋 串珠 盧華 盧導讀台 |
3:17 | Hō͘ ho̍k-sāi Siōng-tè ê lô͘-po̍k tit tio̍h chhiong-hun ê chong-pī, thang chò ta̍k chióng ê hó sū. | 註釋 串珠 盧華 盧導讀台 |