| 章節 | 全民台語聖經全羅經文 | 註釋 |
| 10:1 | Ná-tap kah A-mí-huh ê ChōeA-lông ê kiáⁿ Ná-tap kah A-mí-huh, ta̍k-ê the̍h kakī ê hiuⁿ-lô͘, té hóe kah hiuⁿ, tī Siōng-chú ê bīn-chêng hiàn pa̍t chióng ê hóe, sī I só͘ bô bēng-lēng in ê. | 註釋 串珠 盧華 盧導讀台 |
| 10:2 | Chiū ū hóe tùi Siōng-chú ê bīn-chêng hoat-chhut, lâi kā in sio, in chiū sí tī Siōng-chú ê bīn-chêng. | 註釋 串珠 盧華 盧導讀台 |
| 10:3 | Mô͘-se tùi A-lông kóng, " Che sī Siōng-chú só͘ kóng ê, I kóng: Góa ē tī chhin-kīn Góa ê lâng hián-bêng chò sèng, tī chèng lâng ê bīn-chêng, Góa ē tit tio̍h êng-kng. " A-lông mā tiām-tiām bô chhut siaⁿ. | 註釋 串珠 盧華 盧導讀台 |
| 10:4 | Mô͘-se kiò A-lông ê a-chek U-chi-el ê kiáⁿ Mi-sa-el kah E-li-cha-hoán lâi, kā in kóng, " Chìn-chêng lâi kā lín ê chhin-lâng tùi sèng-só͘ ê bīn-chêng kng khì iâⁿ gōa. " | 註釋 串珠 盧華 盧導讀台 |
| 10:5 | In nn̄g lâng kiâⁿ chìn-chêng lâi, chiū khiú in só͘ chhēng ê saⁿ, kā si-thé kng chhut-khì iâⁿ gōa, sī chiàu Mô͘-se só͘ bēng-lēng ê. | 註釋 串珠 盧華 盧導讀台 |
| 10:6 | Mô͘-se tùi A-lông kah i ê kiáⁿ Ê-lī-a-chal, I-tha-mal kóng, " M̄-thang phah-sòaⁿ thâu-mn̂g, mā m̄ thang thiah-li̍h saⁿ, bián-tit lín sí-bông, koh bián-tit Siōng-chú tùi hōe-chiòng siū-khì; chóng-.sī, lín ê hiaⁿ-tī I-su-la-el choân ke ūi tio̍h Siōng-chú só͘ hoat-chhut ê hóe lâi ai-khàu. | 註釋 串珠 盧華 盧導讀台 |
| 10:7 | Lín mā m̄ thang chhut hōe-bō͘ ê mn̂g, khióng-kiaⁿ lín ē sí, in-ūi Siōng-chú ê iû boah tī lín ê seng-khu. " In chiū chiàu Mô͘-se ê ōe lâi kiâⁿ. | 註釋 串珠 盧華 盧導讀台 |
| 10:8 | Chè-si ê Kui-tēngSiōng-chú hoan-hù A-lông kóng, | 註釋 串珠 盧華 盧導讀台 |
| 10:9 | " Lí kah lí ê kiáⁿ ji̍p-khì hōe-bō͘ ê sî, po̍h chiú, kāu chiú lóng m̄ thang lim, bián-tit lín ē sí-bông, che beh chò lín ta̍k sè-tāi éng-oán ê lē. | 註釋 串珠 盧華 盧導讀台 |
| 10:10 | Hō͘ lín thang hun-pia̍t sèng kah bô sèng ê, chheng-khì kah bô chheng-khì ê. | 註釋 串珠 盧華 盧導讀台 |
| 10:11 | Koh hō͘ lín thang kā Siōng-chú kau-thok Mô͘-se hoan-hù I-su-la-el lâng it-chhè ê lu̍t-lē kā in kà-sī. " | 註釋 串珠 盧華 盧導讀台 |
| 10:12 | Mô͘-se tùi A-lông kah i só͘ chhun lo̍h-.lâi ê kiáⁿ Ê-lī-a-chal, I-tha-mal kóng, " Lín the̍h Siōng-chú hóe-chè só͘ chhun lo̍h-.lâi ê sò͘-chè, tio̍h tī tôaⁿ piⁿ chia̍h, m̄ thang chham kàⁿ, in-ūi che sī chì-sèng ê. | 註釋 串珠 盧華 盧導讀台 |
| 10:13 | Lín tio̍h tī sèng ê só͘-chāi chia̍h, in-ūi tī hiàn hō͘ Siōng-chú ê hóe-chè tiong, che sī lí ê hūn-gia̍h kah lí ê kiáⁿ ê hūn-gia̍h; Siōng-chú só͘ bēng-lēng góa ê to̍h-sī ánne. | 註釋 串珠 盧華 盧導讀台 |
| 10:14 | Só͘ iô ê heng kah só͘ kí-khí ê thúi, lín tio̍h tī chheng-khì ê só͘-chāi chia̍h, lí kah lí ê kiáⁿ, í-ki̍p lí ê chabó͘ kiáⁿ, lóng tio̍h chò-hóe chia̍h, in-ūi chiahê sī tùi I-su-la-el lâng siā-un-chè tiong hō͘ lí ê, chò lí ê hūn-gia̍h kah lí ê kiáⁿ ê hūn-gia̍h. | 註釋 串珠 盧華 盧導讀台 |
| 10:15 | Só͘ kí-khí ê thúi kah só͘ iô ê heng, in tio̍h kah hóe-chè ê iû chò-hóe tòa-.lâi, tī Siōng-chú ê bīn-chêng iô lâi chò iô-chè; che tio̍h kui lí kah lí ê kiáⁿ, chò éng-oán tit tio̍h ê hūn-gia̍h, lóng sī chiàu Siōng-chú só͘ bēng-lēng ê. " | 註釋 串珠 盧華 盧導讀台 |
| 10:16 | Hit sî, Mô͘-se tì-ì chhōe chò sio̍k-chōe-chè ê soaⁿ-iûⁿ-káng, lí khòaⁿ, í-keng sio-.khì, chiū tùi A-lông só͘ chhun lo̍h-.lâi ê kiáⁿ Ê-lī-a-chal kah I-tha-mal siū-khì, kóng, | 註釋 串珠 盧華 盧導讀台 |
| 10:17 | " Chit-ê sio̍k-chōe-chè í-keng sī chì-sèng ê, Siōng-chú koh kā hit-ê kui hō͘ lín, lâi tam-tng hōe-chiòng ê chōe-kò, tī Siōng-chú ê bīn-chêng kā in sio̍k-chōe, lín án-chóaⁿ bô tī sèng ê só͘-chāi chia̍h hiahê mi̍h-kiāⁿ? | 註釋 串珠 盧華 盧導讀台 |
| 10:18 | Lí khòaⁿ, hit-ê hoeh bô tòa-ji̍p sèng-só͘ lāi, lín pún-lâi tio̍h chiàu góa só͘ bēng-lēng ê, tī sèng-só͘ chia̍h hiahê mi̍h-kiāⁿ. " | 註釋 串珠 盧華 盧導讀台 |
| 10:19 | A-lông tùi Mô͘-se kóng, " Lí khòaⁿ, kin-á-ji̍t in tī Siōng-chú ê bīn-chêng hiàn in ê sio̍k-chōe-chè kah sio-chè, góa koh tú tio̍h chhin-chhiūⁿ ánne, góa nā kin-á-ji̍t chia̍h sio̍k-chōe-chè, Siōng-chú kám ē khòaⁿ-chò sī hó? " | 註釋 串珠 盧華 盧導讀台 |
| 10:20 | Mô͘-se thiaⁿ-.tio̍h, chiū lia̍h chit-ê ōe chò hó. | 註釋 串珠 盧華 盧導讀台 |