| 章節 | 全民台語聖經全羅經文 | 註釋 |
| 11:1 | Koan-hē Chia̍h-mi̍h ê Kui-tēng( SBK 14: 3-21)Siōng-chú hoan-hù Mô͘-se kah A-lông, tùi in kóng, | 註釋 串珠 盧華 盧導讀台 |
| 11:2 | " Lín tio̍h hoan-hù I-su-la-el lâng kóng, ' Tī tē-chiūⁿ it-chhè cháu-siù tiong thang chia̍h ê oa̍h-mi̍h, to̍h-sī chiahê: | 註釋 串珠 盧華 盧導讀台 |
| 11:3 | Kiàn-nā pun-tê thiah-chhe kah hoan-chháu ê chengseⁿ, lín lóng thang chia̍h. | 註釋 串珠 盧華 盧導讀台 |
| 11:4 | To̍k-to̍k hoan-chháu á-.sī pun-tê ê tiong-kan m̄ thang chia̍h ê, to̍h-sī chiahê: lo̍k-tô — in-ūi i ū hoan-chháu, bô pun-tê, tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:5 | Soa-hoan — in-ūi ū hoan-chháu bô pun-tê, tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:6 | Thò͘-á — in-ūi ū hoan-chháu bô pun-tê, tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:7 | Ti in-ūi ū pun-tê thiah-chhe, chóng-.sī, bô hoan-chháu, tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:8 | Lín lóng m̄ thang chia̍h hiahê bah, sí ê lín lóng m̄ thang bong, tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:9 | " Chúi tiong lín só͘ thang chia̍h ê to̍h-sī chiahê: kiàn-nā tī chúi-.ni̍h, hái-.ni̍h, hô-.ni̍h, ū si̍t ū lân ê lóng thang chia̍h. | 註釋 串珠 盧華 盧導讀台 |
| 11:10 | Kiàn-nā tī hái-.ni̍h, hô-.ni̍h kah chúi lāi só͘-ū ê tōng-bu̍t, to̍h-sī chúi lāi só͘-ū ê oa̍h-mi̍h, kiàn-nā bô si̍t bô lân ê, lín lóng tio̍h lia̍h-chò sī khó-ò͘ⁿ ê. | 註釋 串珠 盧華 盧導讀台 |
| 11:11 | Hiahê tùi lín lâi kóng sī khó-ò͘ⁿ ê, lín m̄ thang chia̍h i ê bah; sí ê mā tio̍h lia̍h-chò sī khó-ò͘ⁿ ê. | 註釋 串珠 盧華 盧導讀台 |
| 11:12 | Kiàn-nā chúi lāi bô si̍t bô lân ê, lín lóng tio̍h lia̍h-chò sī khó-ò͘ⁿ ê. | 註釋 串珠 盧華 盧導讀台 |
| 11:13 | " Chiáu-chiah ê tiong-kan lín tio̍h lia̍h-chò khó-ò͘ⁿ ê, to̍h-sī chiahê: lín m̄ thang chia̍h, in-ūi sī khó-ò͘ⁿ ê, to̍h-sī eng, hiau, tiau, ian, | 註釋 串珠 盧華 盧導讀台 |
| 11:14 | sió-eng kah i ê lūi, | 註釋 串珠 盧華 盧導讀台 |
| 11:15 | o͘-a kah i ê lūi, | 註釋 串珠 盧華 盧導讀台 |
| 11:16 | tô-chiáu, kang ê tô-chiáu, hî-eng, chhiok-eng kah i ê lūi, | 註釋 串珠 盧華 盧導讀台 |
| 11:17 | àm-kong-chiáu, lô͘-chî, ko͘-n̂g, | 註釋 串珠 盧華 盧導讀台 |
| 11:18 | niau-thâu-eng, thê-ô͘, chhàu-thâu-eng, | 註釋 串珠 盧華 盧導讀台 |
| 11:19 | ho̍h, pe̍h-lēng-si kah i ê lūi, tì-kè-chiáu kah pián-hok. | 註釋 串珠 盧華 盧導讀台 |
| 11:20 | " Kiàn-nā ū si̍t ê thâng, ēng sì-kha kiâⁿ ê, lín lóng tio̍h lia̍h-chò sī khó-ò͘ⁿ ê. | 註釋 串珠 盧華 盧導讀台 |
| 11:21 | Chóng-.sī, ū si̍t ê thâng, ēng sì-kha kiâⁿ ê, kî-tiong ū kha ū thúi ēng lâi tī tē-.ni̍h thiàu ê, lín mā thang chia̍h. | 註釋 串珠 盧華 盧導讀台 |
| 11:22 | Kî-tiong ū chháu-meh, chháu-meh kong, tō͘-kâu kah i ê lūi, chháu-meh kah i ê lūi, chiahê lín lóng thang chia̍h. | 註釋 串珠 盧華 盧導讀台 |
| 11:23 | Chóng-.sī, kiàn-nā ū si̍t ū sì-kha teh pôe ê mi̍h, lín lóng tio̍h lia̍h-chò sī khó-ò͘ⁿ ê. | 註釋 串珠 盧華 盧導讀台 |
| 11:24 | " Tùi ē-bīn chiahê lóng ē hō͘ lín bô chheng-khì, kiàn-nā bong tio̍h hit-ê sí ê, it-tēng bô chheng-khì-kàu ê-hng sî. | 註釋 串珠 盧華 盧導讀台 |
| 11:25 | Kiàn-nā the̍h tio̍h si-thé ê chi̍t tè-á, tio̍h sé i ê saⁿ-khò͘, it-tēng bô chheng-khì-kàu ê-hng sî. | 註釋 串珠 盧華 盧導讀台 |
| 11:26 | Kiàn-nā chengseⁿ ū pun-tê bô thiah-chhe, mā bô hoan-chháu ê, tùi lín lâi kóng sī bô chheng-khì ê, kiàn-nā bong-.tio̍h ê lâng mā sǹg-chò sī bô chheng-khì. | 註釋 串珠 盧華 盧導讀台 |
| 11:27 | Kiàn-nā sì-kha ê siù, kî-tiong ēng kha-chiúⁿ kiâⁿ ê, tùi lín lâi kóng sī bô chheng-khì ê; bong i ê si-thé ê lâng it-tēng bô chheng-khì-kàu tī ê-hng sî. | 註釋 串珠 盧華 盧導讀台 |
| 11:28 | The̍h i ê si-thé ê lâng tio̍h sé i ê saⁿ-khò͘, i it-tēng bô chheng-khì-kàu ê-hng sî, chiahê tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:29 | " Tē chiūⁿ teh pôe ê mi̍h, tùi lín lâi kóng bô chheng-khì ê, to̍h-sī chiahê: chhiah-chhí, se̍k-chhí, tō͘-tēng kah i ê lūi, | 註釋 串珠 盧華 盧導讀台 |
| 11:30 | piah-hó͘, liông-chú, sian-ang-á, chôa-i, ián-têng. | 註釋 串珠 盧華 盧導讀台 |
| 11:31 | Teh pê ê mi̍h ê tiong-kan, chiahê tùi lín lâi kóng sī bô chheng-khì ê. In nā í-keng sí-.khì, kiàn-nā bong tio̍h si-thé ê, it-tēng bô chheng-khì-kàu ê-hng sî. | 註釋 串珠 盧華 盧導讀台 |
| 11:32 | Kî-tiong ū sí-khì ka-la̍uh tī siáⁿ-mi̍h mi̍h ê téng-bīn, hit-ê mi̍h chiū bô chheng-khì, bô-lūn sī chhâ-ê khì-kū, á-.sī saⁿ-khò͘, á-.sī phôe, á-.sī pò͘-tē, bô-lūn sī chò siáⁿ-mi̍h lō͘-ēng ê khì-kū, tio̍h hē tī chúi-.ni̍h, it-tēng bô chheng-khì-kàu ê-hng, hit sî chiah ē chheng-khì. | 註釋 串珠 盧華 盧導讀台 |
| 11:33 | Nā in ū chi̍t chiah poa̍h tī hûi-khì lāi, hit lāi-bīn bô-lūn ū siáⁿ-mi̍h mi̍h-kiāⁿ, chiū bak bô chheng-khì, lín tio̍h kā chit-ê hûi-khì phah-phòa. | 註釋 串珠 盧華 盧導讀台 |
| 11:34 | Hit lāi-bīn só͘-ū ē chia̍h-tit ê chia̍h-mi̍h, bak tio̍h chúi ê chiū bô chheng-khì, koh-chài hit-ê khì-kū lāi ē lim-.tit ê, mā sī bô chheng-khì. | 註釋 串珠 盧華 盧導讀台 |
| 11:35 | Hiahê si-thé, nā ū chi̍t tè ka-la̍uh tī siáⁿ-mi̍h mi̍h-kiāⁿ téng-bīn, hit-ê mi̍h-kiāⁿ chiū bô chheng-khì, bô-lūn sī hong-lô͘ á-.sī chàu, chiū tio̍h phah-phòa, lóng bô chheng-khì, mā tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:36 | Chóng-.sī, chúi-chôaⁿ á-.sī chū-chi̍p chúi ê tî iû-goân sī chheng-khì, nā kha̍p tio̍h hit-ê si-thé ê, chiū bô chheng-khì. | 註釋 串珠 盧華 盧導讀台 |
| 11:37 | Nā tī si-thé ū chi̍t tè ka-la̍uh tī beh chèng ê chéng-chí, chéng-chí iû-goân sī chheng-khì. | 註釋 串珠 盧華 盧導讀台 |
| 11:38 | Nā chúi í-keng kā i phah-tâm, hit-ê si-thé ū chi̍t tè ka-la̍uh tī i ê téng-bīn, hit-ê chéng-chí tùi lín lâi kóng sī bô chheng-khì ê. | 註釋 串珠 盧華 盧導讀台 |
| 11:39 | " Lín só͘ thang chia̍h ê chengseⁿ, i nā kakī sí-.khì, ū lâng bong tio̍h i ê si-thé, i it-tēng bô chheng-khì-kàu ê-hng sî. | 註釋 串珠 盧華 盧導讀台 |
| 11:40 | Ū lâng chia̍h hit-ê sí ê chengseⁿ, tio̍h sé i ê saⁿ-khò͘, it-tēng bô chheng-khì-kàu ê-hng sî; the̍h sí ê chengseⁿ ê lâng mā tio̍h sé i ê saⁿ-khò͘, it-tēng bô chheng-khì-kàu ê-hng sî. | 註釋 串珠 盧華 盧導讀台 |
| 11:41 | " Kiàn-nā tī tē-chiūⁿ teh pôe ê mi̍h sī khó-ò͘ⁿ ê, lóng m̄ thang chia̍h. | 註釋 串珠 盧華 盧導讀台 |
| 11:42 | Kiàn-nā ēng pak-tó͘ kiâⁿ ê kah ēng sì-kha kiâⁿ ê, á-.sī ū chin chē kha ê, to̍h-sī só͘-ū tī tē-chiūⁿ pê ê, lín lóng m̄ thang chia̍h, in-ūi he sī khó-ò͘ⁿ ê mi̍h. | 註釋 串珠 盧華 盧導讀台 |
| 11:43 | Lín m̄ thang in-ūi siáⁿ-mi̍h teh pôe ê mi̍h hō͘ kakī chiâⁿ-chò khó-ò͘ⁿ, mā m̄ thang in-ūi chiahê mi̍h hō͘ kakī bô chheng-khì, tì-sú lín bô chheng-khì. | 註釋 串珠 盧華 盧導讀台 |
| 11:44 | In-ūi Góa sī Siōng-chú — lín ê Siōng-tè, lín tio̍h kakī kiat-chēng lâi chiâⁿ-sèng, in-ūi Góa sī sèng. Lín mā m̄ thang ēng tī tē-chiūⁿ teh pôe ê mi̍h lâi òe lahsap kakī. | 註釋 串珠 盧華 盧導讀台 |
| 11:45 | In-ūi Góa sī chhōa lín chhut Ai-gi̍p tē ê Siōng-chú, beh chò lín ê Siōng-tè, só͘-í, lín tio̍h sèng-kiat, in-ūi Góa sī sèng-kiat ê. " | 註釋 串珠 盧華 盧導讀台 |
| 11:46 | " Che sī cháu-siù, poe-chiáu kah chúi tiong ē tín-tāng ê oa̍h-mi̍h, í-ki̍p tī tē-chiūⁿ ē pê ê mi̍h ê kui-lē. | 註釋 串珠 盧華 盧導讀台 |
| 11:47 | Tio̍h hun-pia̍t chheng-khì ê kah bô chheng-khì ê, ē chia̍h-tit ê oa̍h-mi̍h kah bē chia̍h-tit ê oa̍h-mi̍h. " | 註釋 串珠 盧華 盧導讀台 |