| 章節 | 全民台語聖經全羅經文 | 註釋 |
| 14:1 | Thái-ko Pēⁿ ê Kiat-chēng Kui-tēngSiōng-chú hoan-hù Mô͘-se kóng, | 註釋 串珠 盧華 盧導讀台 |
| 14:2 | " Thái-ko ê tit tio̍h chheng-khì ê ji̍t, i ê kui-lē to̍h-sī ánne: tio̍h chhōa i khì kìⁿ chè-si. | 註釋 串珠 盧華 盧導讀台 |
| 14:3 | Chè-si tio̍h chhut-lâi iâⁿ gōa, chè-si tio̍h kā i giām, lí khòaⁿ, thái-ko ê, nā i ê thái-ko chèng í-keng hó, | 註釋 串珠 盧華 盧導讀台 |
| 14:4 | chè-si tio̍h hoan-hù lâng ūi tio̍h hit-ê beh tit tio̍h chheng-khì ê, chhú nn̄g chiah chheng-khì oa̍h-oa̍h ê chiáu kah pek-hiuⁿ chhâ, chu-âng sek ê liāu kah gû-chhek-chháu. | 註釋 串珠 盧華 盧導讀台 |
| 14:5 | Chè-si tio̍h hoan-hù lâng tī oa̍h-chúi ê téng-bīn thâi hit nn̄g chiah chiáu ê chi̍t chiah, tī hûi-khì lāi. | 註釋 串珠 盧華 盧導讀台 |
| 14:6 | Koan-hē hit chiah oa̍h-chiáu, i tio̍h lia̍h-. lâi, ēng pek-hiuⁿ chhâ, chu-âng sek ê liāu, gû-chhek-chháu kah oa̍h-chiáu, lóng ùn tī hit chiah tī oa̍h-chúi téng-bīn thâi ê chiáu ê hoeh. | 註釋 串珠 盧華 盧導讀台 |
| 14:7 | Tio̍h hiù hit-ê thái-ko beh tit tio̍h chheng-khì ê lâng chhit pái, chiū toàn-tēng i chò chheng-khì, koh pàng hit chiah oa̍h-chiáu khì soaⁿ-.ni̍h. | 註釋 串珠 盧華 盧導讀台 |
| 14:8 | Beh tit tio̍h chheng-khì ê lâng tio̍h sé i ê saⁿ-khò͘, thì i choân-pō͘ ê mn̂g, ēng chúi sé seng-khu chiū chheng-khì; jiân-āu thang ji̍p-khì iâⁿ lāi, chóng-.sī, tio̍h tī kakī ê pò͘-pêⁿ gōa tòa chhit ji̍t. | 註釋 串珠 盧華 盧導讀台 |
| 14:9 | Kàu tē-chhit ji̍t, tio̍h thì i choân-pō͘ ê thâu-mn̂g kah chhùi-chhiu, ba̍k-bâi, to̍h-sī thì i só͘-ū ê mn̂g, koh tio̍h sé i ê saⁿ-khò͘, ēng chúi sé seng-khu, chiū chheng-khì. | 註釋 串珠 盧華 盧導讀台 |
| 14:10 | " Kàu tē-peh ji̍t, i tio̍h chhú nn̄g chiah bô khoat-tiám ê iûⁿ-káng-á kah chi̍t chiah bī-móa-nî bô khoat-tiám ê iûⁿ-chéng-á, koh tio̍h ēng tiâu-hô iû ê mī-hún cha̍p-hūn chi saⁿ e-hoat chò sò͘-chè kah iû chi̍t lok. | 註釋 串珠 盧華 盧導讀台 |
| 14:11 | Kiâⁿ chheng-khì ê lé ê chè-si, tio̍h kā hit-ê ài tit tio̍h chheng-khì ê lâng kah hiahê mi̍h, an-tì tī hōe-bō͘ mn̂g-kháu, Siōng-chú ê bīn-chêng. | 註釋 串珠 盧華 盧導讀台 |
| 14:12 | Chè-si tio̍h chhú iûⁿ-káng-á chi̍t chiah, hiàn chò pó͘ kòe-si̍t ê chè kah iû chi̍t lô-kek, lóng iô tī Siōng-chú ê bīn-chêng chò iô-chè. | 註釋 串珠 盧華 盧導讀台 |
| 14:13 | Koh tio̍h thâi iûⁿ-káng-á tī sèng-só͘ ê só͘-chāi, to̍h-sī thâi sio̍k-chōe-chè kah sio-chè ê só͘-chāi. Pó͘ kòe-si̍t chè tio̍h kui hō͘ chè-si, chhin-chhiūⁿ sio̍k-chōe-chè kāng-khoán, sī chì-sèng ê. | 註釋 串珠 盧華 盧導讀台 |
| 14:14 | Chè-si tio̍h the̍h tām-po̍h-á pó͘ kòe-si̍t chè ê hoeh, boah tī ài tit tio̍h chheng-khì ê lâng chiàⁿ pêng ê hīⁿ-á-sôe kah chiàⁿ chhiú ê tōa-thâu-bú, í-ki̍p chiàⁿ-kha ê tōa-thâu-bú. | 註釋 串珠 盧華 盧導讀台 |
| 14:15 | Chè-si tio̍h tùi hit chi̍t lô-kek ê iû tiong-kan the̍h tām-po̍h-á, tò tī kakī tò chhiú ê chhiú tiong-sim. | 註釋 串珠 盧華 盧導讀台 |
| 14:16 | Chè-si tio̍h ēng chiàⁿ chhiú ê chi̍t ki chéng-thâu-á ùn tò chhiú tiong-sim ê iû, tī Siōng-chú ê bīn-chêng, ēng chéng-thâu-á hiù iû chhit pái. | 註釋 串珠 盧華 盧導讀台 |
| 14:17 | Chè-si kā chhiú tiong só͘ chhun lo̍h-.lâi ê iû, boah tī hit-ê ài tit tio̍h chheng-khì ê lâng chiàⁿ pêng ê hīⁿ-á-sôe kah chiàⁿ chhiú ê tōa-thâu-bú, í-ki̍p chiàⁿ-kha ê tōa-thâu-bú, to̍h-sī boah tha̍h tī pó͘ kòe-si̍t chè ê hoeh téng-bīn. | 註釋 串珠 盧華 盧導讀台 |
| 14:18 | Chè-si chhiú tiong só͘ chhun lo̍h-.lâi ê iû, tio̍h piàⁿ tī hit-ê ài tit tio̍h chheng-khì ê lâng ê thâu-khak téng, chè-si tī Siōng-chú ê bīn-chêng kā i sio̍k-chōe. | 註釋 串珠 盧華 盧導讀台 |
| 14:19 | " Chè-si tio̍h hiàn sio̍k-chōe-chè, kā hit-ê ài tit tio̍h chheng-khì ê lâng, ūi tio̍h i ê bô chheng-khì sio̍k-chōe, jiân-āu thâi hit-ê sio-chè ê chengseⁿ. | 註釋 串珠 盧華 盧導讀台 |
| 14:20 | Chè-si tio̍h tī tôaⁿ téng hiàn sio-chè kah sò͘-chè, chè-si tio̍h ūi i sio̍k-chōe, i chiū chheng-khì. | 註釋 串珠 盧華 盧導讀台 |
| 14:21 | " I nā sànchhiah bē tàng chún-pī kàu hiah chē, chiū tio̍h chhú chi̍t chiah iûⁿ-káng-á chò pó͘ kòe-si̍t ê chè, thang iô lâi ūi i sio̍k-chōe, mā tio̍h tòa tiâu-hô iû ê iù mī-hún cha̍p-hūn chi-it e-hoat kah iû chi̍t lô-kek lâi chò sò͘-chè. | 註釋 串珠 盧華 盧導讀台 |
| 14:22 | Koh chiàu i ê khùi-la̍t chhú nn̄g chiah pan-kah á-.sī nn̄g chiah hún-chiáu-kiáⁿ, chi̍t chiah chò sio̍k-chōe-chè, chi̍t chiah chò sio-chè. | 註釋 串珠 盧華 盧導讀台 |
| 14:23 | Kàu tē-peh ji̍t, ūi tio̍h i tit tio̍h chheng-khì, kā chiahê tòa kàu hōe-bō͘ mn̂g-kháu, Siōng-chú ê bīn-chêng, kau-tài chè-si. | 註釋 串珠 盧華 盧導讀台 |
| 14:24 | Chè-si tio̍h chhú pó͘ kòe-si̍t ê iûⁿ-á kah iû chi̍t lô-kek, chè-si tio̍h tī Siōng-chú ê bīn-chêng iô, lâi chò iô-chè. | 註釋 串珠 盧華 盧導讀台 |
| 14:25 | I tio̍h thâi pó͘ kòe-si̍t chè ê iûⁿ-á, chè-si chhú tām-po̍h-á pó͘ kòe-si̍t chè ê hoeh, boah tī hit-ê ài tit tio̍h chheng-khì ê lâng chiàⁿ pêng ê hīⁿ-á-sôe kah chiàⁿ chhiú ê tōa-thâu-bú kah chiàⁿ-kha ê tōa-thâu-bú. | 註釋 串珠 盧華 盧導讀台 |
| 14:26 | Chè-si tio̍h kā tām-po̍h iû tò tī kakī tò chhiú ê chhiú tiong-sim. | 註釋 串珠 盧華 盧導讀台 |
| 14:27 | Chè-si ēng tò chhiú-.ni̍h ê iû, tī Siōng-chú ê bīn-chêng, ēng chiàⁿ chhiú ê chi̍t ki chéng-thâu-á hiù iû chhit pái. | 註釋 串珠 盧華 盧導讀台 |
| 14:28 | Chè-si koh ēng chhiú tiong ê iû boah tām-po̍h tī hit-ê ài tit tio̍h chheng-khì ê lâng chiàⁿ pêng ê hīⁿ-á-sôe kah chiàⁿ chhiú ê tōa-thâu-bú, í-ki̍p chiàⁿ-kha ê tōa-thâu-bú, to̍h-sī boah tī pó͘ kòe-si̍t chè ê hoeh ê goân ūi. | 註釋 串珠 盧華 盧導讀台 |
| 14:29 | Chè-si chhiú tiong só͘ chhun lo̍h-.lâi ê iû, tio̍h boah tī hit-ê ài tit tio̍h chheng-khì ê lâng ê thâu-khak, tī Siōng-chú ê bīn-chêng ūi i sio̍k-chōe. | 註釋 串珠 盧華 盧導讀台 |
| 14:30 | I tio̍h chiàu i ê khùi-la̍t hiàn hiahê pan-kah ê chi̍t chiah á-.sī hún-chiáu-kiáⁿ ê chi̍t chiah, to̍h-sī chiàu i só͘ ē ê, | 註釋 串珠 盧華 盧導讀台 |
| 14:31 | Chi̍t chiah chò sio̍k-chōe-chè, chi̍t chiah chò sio-chè kah sò͘-chè chò-hóe hiàn; chè-si tio̍h tī Siōng-chú ê bīn-chêng, kā hit-ê ài tit tio̍h chheng-khì ê lâng sio̍k-chōe. | 註釋 串珠 盧華 盧導讀台 |
| 14:32 | Lâng hoān tio̍h thái-ko ê chèng-thâu, mā bô la̍t thang chún-pī tit tio̍h chheng-khì ê lé-mi̍h, hit-ê kui-lē sī ánne. " | 註釋 串珠 盧華 盧導讀台 |
| 14:33 | Chhù lāi Seⁿ Ko͘ ê Kui-tēngSiōng-chú hoan-hù Mô͘-se kah A-lông kóng, | 註釋 串珠 盧華 盧導讀台 |
| 14:34 | " Lín kàu Góa siúⁿ-sù hō͘ lín chò sán-gia̍p ê Ka-nân tē ê sî, Góa ēng thái-ko chèng jiám tio̍h chi̍t keng chhù, tī lín só͘ tit tio̍h chò sán-gia̍p ê tē; | 註釋 串珠 盧華 盧導讀台 |
| 14:35 | chhù-chú tio̍h khì thong-ti chè-si, kā i kóng, ' Chiàu góa khòaⁿ, chhù lāi chhin-chhiūⁿ ū chèng-thâu. ' | 註釋 串珠 盧華 盧導讀台 |
| 14:36 | Chè-si iáu-bōe ji̍p-khì giām chèng-thâu ê chìn-chêng, chè-si chiū tio̍h hoan-hù lâng, kā chhù piàⁿ khang, bián-tit chhù lāi só͘-ū ê bak tio̍h bô chheng-khì, jiân-āu chè-si tio̍h ji̍p-khì giām hit keng chhù. | 註釋 串珠 盧華 盧導讀台 |
| 14:37 | I tio̍h giām hit-ê chèng-thâu, lí khòaⁿ, chèng-thâu nā tī chhù ê piah ū hián-chhut chheⁿ á-.sī âng ê nah-hûn, khoán-sit chhim-ji̍p chhiûⁿ-piah, | 註釋 串珠 盧華 盧導讀台 |
| 14:38 | chè-si tio̍h chhut hit keng chhù, kàu chhù mn̂g-kháu, hong hit keng chhù chhit ji̍t. " | 註釋 串珠 盧華 盧導讀台 |
| 14:39 | Chhù Jiám tio̍h Thái-ko Chèng ê Kui-tēng" Kàu tē-chhit ji̍t, chè-si tio̍h koh khì giām, lí khòaⁿ, chèng-thâu nā thòaⁿ tī chhù ê chhiûⁿ-piah, | 註釋 串珠 盧華 盧導讀台 |
| 14:40 | chè-si chiū tio̍h hoan-hù lâng kā hiahê jiám tio̍h chèng-thâu ê chio̍h iah khí-.lâi, hiat tī siâⁿ gōa bô chheng-khì ê só͘-chāi. | 註釋 串珠 盧華 盧導讀台 |
| 14:41 | Mā tio̍h kiò lâng khau chhù lāi ê sì-kho͘-ûi, só͘ khau khí-.lâi ê hoe-thô͘, tio̍h piàⁿ tī siâⁿ gōa bô chheng-khì ê só͘-chāi. | 註釋 串珠 盧華 盧導讀台 |
| 14:42 | Koh tio̍h ēng pa̍t tè chio̍h tāi-thè hiahê chio̍h, koh ēng hoe-thô͘ boah hit keng chhù. | 註釋 串珠 盧華 盧導讀台 |
| 14:43 | " I iah chio̍h, khau chhù, boah hoe liáu-āu, chèng-thâu nā koh kàu, koh hoat-hiān tī hit keng chhù, | 註釋 串珠 盧華 盧導讀台 |
| 14:44 | chè-si tio̍h koh ji̍p-khì giām, chèng-thâu nā thòaⁿ tī hit keng chhù, hit keng chhù sī jiám tio̍h ok ê thái-ko, sī bô chheng-khì. | 註釋 串珠 盧華 盧導讀台 |
| 14:45 | I chiū tio̍h thiah hit keng chhù, i ê chio̍h, i ê chhâ kah i só͘-ū ê hoe-thô͘, lóng poaⁿ chhut-khì siâⁿ gōa, kàu bô chheng-khì ê só͘-chāi. | 註釋 串珠 盧華 盧導讀台 |
| 14:46 | Hit keng chhù hong ba̍t ê sî-kan, lâng nā ji̍p-khì chiū bô chheng-khì, kàu ê-hng. | 註釋 串珠 盧華 盧導讀台 |
| 14:47 | Khùn tī hit keng chhù ê, tio̍h sé i ê saⁿ-khò͘; tī hit keng chhù chia̍h ê mā tio̍h sé i ê saⁿ-khò͘. | 註釋 串珠 盧華 盧導讀台 |
| 14:48 | " Hit keng chhù boah hoe liáu-āu, chè-si ji̍p-khì giām, lí khòaⁿ, nā chèng-thâu bô thòaⁿ tī chhù lāi, chè-si chiū tio̍h toàn-tēng hit keng chhù chò chheng-khì, in-ūi chèng-thâu í-keng siau-bia̍t-.khì. | 註釋 串珠 盧華 盧導讀台 |
| 14:49 | Ūi tio̍h chheng-khì hit keng chhù, tio̍h chhú nn̄g chiah chiáu kah pek-hiuⁿ chhâ, chu-âng sek liāu kah gû-chhek-chháu. | 註釋 串珠 盧華 盧導讀台 |
| 14:50 | Tio̍h tī oa̍h-chúi téng, hûi-khì ê lāi-bīn thâi hit nn̄g chiah chiáu ê chi̍t chiah. | 註釋 串珠 盧華 盧導讀台 |
| 14:51 | I tio̍h the̍h hit-ê pek-hiuⁿ chhâ, gû-chhek-chháu, chu-âng sek ê liāu kah hit chiah oa̍h-chiáu, lóng ùn tī hit chiah siū thâi ê chiáu ê hoeh kah oa̍h-chúi, lâi hiù hit keng chhù chhit pái. | 註釋 串珠 盧華 盧導讀台 |
| 14:52 | I tio̍h ēng hit chiah chiáu ê hoeh, oa̍h-chúi, oa̍h-chiáu, pek-hiuⁿ chhâ, gû-chhek-chháu kah chu-âng sek liāu, lâi chheng-khì hit keng chhù. | 註釋 串珠 盧華 盧導讀台 |
| 14:53 | Chóng-.sī, tio̍h kā hit chiah oa̍h-chiáu pàng tī siâⁿ gōa ê soaⁿ-.ni̍h, ánne kā hit keng chhù sio̍k-chōe, hit keng chhù chiū chheng-khì. | 註釋 串珠 盧華 盧導讀台 |
| 14:54 | " Che sī ūi tio̍h ta̍k chióng thái-ko ê chèng-thâu kah chhng, | 註釋 串珠 盧華 盧導讀台 |
| 14:55 | saⁿ-khò͘ kah chhù ê thái-ko, | 註釋 串珠 盧華 盧導讀台 |
| 14:56 | í-ki̍p chéng, sián, hóe-pan só͘ li̍p ê kui-lē, | 註釋 串珠 盧華 盧導讀台 |
| 14:57 | lâi chí-bêng tang-sî sī bô chheng-khì, tang-sî sī chheng-khì, che sī thái-ko ê kui-lē. " | 註釋 串珠 盧華 盧導讀台 |