| 章節 | 全民台語聖經全羅經文 | 註釋 |
| 17:1 | Hoeh ê Sîn-sèngSiōng-chú hoan-hù Mô͘-se kóng, | 註釋 串珠 盧華 盧導讀台 |
| 17:2 | " Lí tio̍h hoan-hù A-lông kah i hiahê kiáⁿ kah I-su-la-el ê kûn-chiòng kóng, Siōng-chú só͘ bēng-lēng ê to̍h-sī ánne kóng: | 註釋 串珠 盧華 盧導讀台 |
| 17:3 | Kiàn-nā sio̍k I-su-la-el ê chú-bîn ê lâng, thâi gû-káng, á-.sī mî-iûⁿ-á, á-.sī soaⁿ-iûⁿ, bô-lūn tī iâⁿ lāi á-.sī tī iâⁿ gōa thâi, | 註釋 串珠 盧華 盧導讀台 |
| 17:4 | nā bô tāi-seng khan kàu hōe-bō͘ mn̂g-kháu, lâi Siōng-chú ê hōe-bō͘ chêng, hiàn hō͘ Siōng-chú chò lé-mi̍h, lâu hoeh ê chōe beh kui tī hit-ê lâng, i ū lâu hoeh, hit-ê lâng ē tùi i ê jîn-bîn tiong chián-tû. | 註釋 串珠 盧華 盧導讀台 |
| 17:5 | Che sī ūi tio̍h I-su-la-el lâng kā in tī chhân-iá só͘ hiàn ê chè, tòa kàu hōe-bō͘ mn̂g-kháu, Siōng-chú ê bīn-chêng, kau hō͘ chè-si, hiàn hō͘ Siōng-chú chò siā-un ê chè. | 註釋 串珠 盧華 盧導讀台 |
| 17:6 | Chè-si tio̍h kā hoeh hiù tī hōe-bō͘ mn̂g-kháu Siōng-chú ê tôaⁿ téng, kā iû sio chò phang-phang ê bī, hiàn hō͘ Siōng-chú. | 註釋 串珠 盧華 盧導讀台 |
| 17:7 | In m̄ thang koh hiàn chè tī in kiâⁿ siâ-îm só͘ chun-thàn ê kúi-koài; che beh chò in ta̍k sè-tāi éng-oán ê lē. | 註釋 串珠 盧華 盧導讀台 |
| 17:8 | " Lí tio̍h tùi in kóng: Kiàn-nā sio̍k I-su-la-el ê chú-bîn ê lâng, á-.sī kià-kha tī in tiong-kan ê chhut-gōa lâng, hiàn sio-chè á-.sī chè-mi̍h; | 註釋 串珠 盧華 盧導讀台 |
| 17:9 | nā bô tòa kàu hōe-bō͘ mn̂g-kháu, hiàn hō͘ Siōng-chú, hit-ê lâng tio̍h tùi i ê jîn-bîn tiong siū chián-tû. | 註釋 串珠 盧華 盧導讀台 |
| 17:10 | " Kiàn-nā sio̍k I-su-la-el ê chú-bîn ê lâng, á-.sī kià-kha tī in tiong-kan ê chhut-gōa lâng, nā chia̍h siáⁿ-mi̍h hoeh, Góa beh tùi hit-ê chia̍h hoeh ê lâng pìⁿ-bīn, kā i tùi jîn-bîn tiong chián-tû. | 註釋 串珠 盧華 盧導讀台 |
| 17:11 | In-ūi bah ê oa̍h-miā chāi tī hoeh, Góa kā i siúⁿ-sù hō͘ lín, thang tī tôaⁿ téng ūi lín ê oa̍h-miā sio̍k-chōe, in-ūi hoeh lāi ū oa̍h-miā, só͘-í ē sio̍k-chōe. | 註釋 串珠 盧華 盧導讀台 |
| 17:12 | Só͘-í, Góa tùi I-su-la-el lâng kóng: Lín lóng m̄ thang chia̍h hoeh; kià-kha tī lín tiong-kan ê chhut-gōa lâng, mā m̄ thang chia̍h hoeh. | 註釋 串珠 盧華 盧導讀台 |
| 17:13 | " Kiàn-nā I-su-la-el lâng, á-.sī kià-kha tī in tiong-kan ê chhut-gōa lâng, nā phah-la̍h tit tio̍h ē chia̍h-tit ê khîm-siù, tio̍h chhì i ê hoeh chhut-.lâi, ēng thô͘ khàm khí-.lâi. | 註釋 串珠 盧華 盧導讀台 |
| 17:14 | Koan-hē it-chhè ū jio̍k-sin ê oa̍h-miā, i ê hoeh to̍h-sī i ê oa̍h-miā, só͘-í, Góa tùi I-su-la-el lâng kóng, bô-lūn siáⁿ-mi̍h jio̍k-sin ê hoeh lín lóng m̄ thang chia̍h, in-ūi só͘-ū jio̍k-sin ê oa̍h-miā to̍h-sī i ê hoeh. Kiàn-nā chia̍h hoeh ê lâng it-tēng tio̍h kā i chián-tû. | 註釋 串珠 盧華 盧導讀台 |
| 17:15 | " Kiàn-nā chia̍h kakī sí ê mi̍h á-.sī hō͘ iá-siù thiah-li̍h ê, bô-lūn sī pún-tē-lâng á-.sī chhut-gōa lâng, it-tēng bô chheng-khì-kàu ê-hng, lóng tio̍h sé i ê saⁿ, ēng chúi sé seng-khu, kàu ê-hng chiah chheng-khì. | 註釋 串珠 盧華 盧導讀台 |
| 17:16 | Chóng-.sī, i nā bô sé saⁿ, bô sé seng-khu, chiū tio̍h tam-tng i kakī ê chōe-kò. | 註釋 串珠 盧華 盧導讀台 |