| 章節 | 全民台語聖經全羅經文 | 註釋 |
| 21:1 | Chè-si Sèng-kiat ê Kui-tēngSiōng-chú tùi Mô͘-se kóng, " Lí tio̍h hoan-hù A-lông ê kiáⁿ-sun chò chè-si ê, kóng: Ka-cho̍k tiong nā ū lâng sí, m̄ thang ūi tio̍h i lâi òe lahsap kakī. | 註釋 串珠 盧華 盧導讀台 |
| 21:2 | Chóng-.sī, ūi tio̍h i kut-jio̍k ê chhin, to̍h-sī ūi tio̍h i ê lāu-bú, ūi tio̍h i ê lāu-pē, ūi tio̍h i ê kiáⁿ, ūi tio̍h i ê chabó͘ kiáⁿ, ūi tio̍h i ê hiaⁿ-tī, | 註釋 串珠 盧華 盧導讀台 |
| 21:3 | í-ki̍p kah i chì-chhin chò chāi-sek-lí ê chí-mōe, to̍h thang ūi tio̍h i òe lahsap kakī. | 註釋 串珠 盧華 盧導讀台 |
| 21:4 | I nā í-keng tī jîn-bîn tiong chò thâu, chiū m̄ thang sûi sio̍k lâi òe lahsap kakī. | 註釋 串珠 盧華 盧導讀台 |
| 21:5 | " Thâu-khak m̄ thang thì kng-kng, chhùi-chhiu ê sì-kho͘-ûi m̄ thang khun, mā m̄ thang koah kakī ê bah. | 註釋 串珠 盧華 盧導讀台 |
| 21:6 | Tio̍h kui in ê Siōng-tè lâi chiâⁿ-sèng, m̄ thang siat-to̍k in ê Siōng-tè ê miâ, in-ūi Siōng-chú ê hóe-chè sī in ê Siōng-tè ê chia̍h-mi̍h, sī in só͘ hiàn ê, só͘-í, in tio̍h chiâⁿ-chò sèng. | 註釋 串珠 盧華 盧導讀台 |
| 21:7 | In m̄ thang chhōa ki-lí chò bó͘ á-.sī hông òe lahsap ê chabó͘ lâng chò bó͘, mā m̄ thang chhōa hō͘ tiōng-hu lî-chhut ê chabó͘ lâng chò bó͘, in-ūi in sī kui in ê Siōng-tè chò sèng. | 註釋 串珠 盧華 盧導讀台 |
| 21:8 | Só͘-í, lí tio̍h kā i hun-pia̍t chò sèng, in-ūi i hiàn lí ê Siōng-tè ê chia̍h-mi̍h, lí tio̍h khòaⁿ i chò sèng, in-ūi hō͘ lín chiâⁿ-sèng ê Siōng-chú, to̍h-sī sèng ê. | 註釋 串珠 盧華 盧導讀台 |
| 21:9 | Chè-si ê chabó͘ kiáⁿ nā kiâⁿ kan-îm, lêng-jio̍k kakī, to̍h-sī lêng-jio̍k i ê lāu-pē, tio̍h ēng hóe kā i sio sí. | 註釋 串珠 盧華 盧導讀台 |
| 21:10 | " Tī hiaⁿ-tī tiong chò tōa-chè-si, ēng boah ê iû thîn tī i ê thâu-khak, koh siat-li̍p tam-tng sèng-chit, chhēng sèng-saⁿ ê, m̄ thang phah-sòaⁿ thâu-mn̂g, mā m̄ thang thiah-li̍h saⁿ. | 註釋 串珠 盧華 盧導讀台 |
| 21:11 | M̄-thang óa-kīn si-thé, mā m̄ thang ūi tio̍h i ê lāu-pē á-.sī i ê lāu-bú lâi òe lahsap kakī. | 註釋 串珠 盧華 盧導讀台 |
| 21:12 | M̄-thang lī-khui sèng-só͘, mā m̄ thang siat-to̍k Siōng-tè ê sèng-só͘, in-ūi i ê Siōng-tè ū boah iû ê bián-liû tī i ê thâu-khak. Góa sī Siōng-chú. | 註釋 串珠 盧華 盧導讀台 |
| 21:13 | I tio̍h chhōa chāi-sek-lí chò bó͘. | 註釋 串珠 盧華 盧導讀台 |
| 21:14 | Kóaⁿ-hū á-.sī hông lî ê chabó͘ lâng, á-.sī hông òe lahsap-ê, á-.sī chhiong-ki chiahê, lóng m̄ thang chhōa; to̍k-to̍k thang chhōa pún cho̍k ê chāi-sek-lí chò bó͘. | 註釋 串珠 盧華 盧導讀台 |
| 21:15 | Tī i ê jîn-bîn tiong m̄ thang lêng-jio̍k i ê kiáⁿ-sun, in-ūi Góa sī hō͘ i chiâⁿ-sèng ê Siōng-chú. " | 註釋 串珠 盧華 盧導讀台 |
| 21:16 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 21:17 | " Lí tio̍h kā A-lông kóng: Lí ta̍k sè-tāi ê kiáⁿ-sun kiàn-nā ū phòa-siùⁿ ê, lóng m̄ thang kiâⁿ óa-lâi hiàn i ê Siōng-tè ê chia̍h-mi̍h. | 註釋 串珠 盧華 盧導讀台 |
| 21:18 | In-ūi kiàn-nā ū phòa-siùⁿ ê lâng, bô-lūn sī chheⁿmê-.ê, pái-kha-.ê, nah-phīⁿ ê, ki-thé ki-hêng ê, | 註釋 串珠 盧華 盧導讀台 |
| 21:19 | tn̄g-kha tn̄g-chhiú ê, | 註釋 串珠 盧華 盧導讀台 |
| 21:20 | ún-ku ê, é-sè ê, Ba̍k-chiu ū mô͘-pēⁿ ê, seⁿ sián ê, seⁿ chhng ê, á-.sī sún-hoāi gōa-sin ê, lóng m̄ thang kīn óa-.lâi. | 註釋 串珠 盧華 盧導讀台 |
| 21:21 | Chè-si A-lông ê kiáⁿ-sun, hoān-nā ū phòa-siùⁿ ê lóng m̄ thang kiâⁿ óa-lâi hiàn Siōng-chú ê hóe-chè. I ū phòa-siùⁿ, m̄ thang kiâⁿ óa-lâi hiàn i ê Siōng-tè ê chia̍h-mi̍h. | 註釋 串珠 盧華 盧導讀台 |
| 21:22 | Siōng-tè ê chia̍h-mi̍h, bô-lūn sī chì-sèng ê, sī sèng ê, i lóng thang chia̍h. | 註釋 串珠 盧華 盧導讀台 |
| 21:23 | Chóng-.sī, m̄ thang lâi-kàu tiùⁿ-lî, mā m̄ thang kīn-óa tôaⁿ chêng, in-ūi i ū phòa-siùⁿ, bián-tit siat-to̍k Góa hiahê sèng-só͘. In-ūi Góa sī hō͘ in chiâⁿ-sèng ê Siōng-chú. " | 註釋 串珠 盧華 盧導讀台 |
| 21:24 | Mô͘-se chiū hoan-hù A-lông kah i hiahê kiáⁿ, í-ki̍p I-su-la-el jîn-bîn ánne kóng. | 註釋 串珠 盧華 盧導讀台 |