| 章節 | 全民台語聖經全羅經文 | 註釋 |
| 22:1 | Chè-mi̍h ê Sèng-kiatSiōng-chú hoan-hù Mô͘-se kóng, | 註釋 串珠 盧華 盧導讀台 |
| 22:2 | " Lí tio̍h kā A-lông kah i hiahê kiáⁿ kóng: Tio̍h lī-khui I-su-la-el lâng só͘ hun-pia̍t chò sèng kui hō͘ Góa ê sèng-mi̍h, bián-tit siat-to̍k Góa ê sèng-miâ. Góa sī Siōng-chú. | 註釋 串珠 盧華 盧導讀台 |
| 22:3 | Tio̍h kā in kóng: Lín tāi-tāi ê kiáⁿ-sun, kiàn-nā seng-khu ū ù-òe lâi chhin-kīn I-su-la-el lâng só͘ hun-pia̍t chò sèng, kui hō͘ Siōng-chú chò sèng-mi̍h ê, hit-ê lâng tio̍h tī Góa ê bīn-chêng chián-tû. Góa sī Siōng-chú. | 註釋 串珠 盧華 盧導讀台 |
| 22:4 | " A-lông ê kiáⁿ-sun, kiàn-nā ū thái-ko ê á-.sī ē-sin lâu-lâng ê, m̄ thang chia̍h sèng-mi̍h, tio̍h thèng-hāu i chheng-khì. Bô-lūn siáⁿ lâng bong tio̍h hit-ê tùi si-thé bak tio̍h lahsap ê mi̍h á-.sī bāng-siat ê lâng, | 註釋 串珠 盧華 盧導讀台 |
| 22:5 | á-.sī bong tio̍h siáⁿ-mi̍h bô chheng-khì ē pê ê mi̍h, á-.sī bong tio̍h hiahê hō͘ i bô chheng-khì ê lâng, put-koán hit-ê lâng ū siáⁿ-mi̍h bô chheng-khì, | 註釋 串珠 盧華 盧導讀台 |
| 22:6 | bong tio̍h hiahê ê lâng, it-tēng bô chheng-khì-kàu ê-hng; nā bô ēng chúi sé seng-khu, chiū m̄ thang chia̍h sèng ê mi̍h. | 註釋 串珠 盧華 盧導讀台 |
| 22:7 | Ji̍t-lo̍h ê sî, i chiū chheng-khì, jiân-āu chiū thang chia̍h sèng-mi̍h, in-ūi che sī i ê chia̍h-mi̍h. | 註釋 串珠 盧華 盧導讀台 |
| 22:8 | Ka-kī sí ê á-.sī hō͘ iá-siù thiah-li̍h ê, i m̄ thang chia̍h, in-ūi chit-ê ē òe lahsap kakī. Góa sī Siōng-chú. | 註釋 串珠 盧華 盧導讀台 |
| 22:9 | " Só͘-í, in tio̍h siú Góa só͘ kau-tài ê, bián-tit in kā I siat-to̍k, chiū ánne tam-tng chōe lâi sí. Góa sī hō͘ in chiâⁿ-sèng ê Siōng-chú. | 註釋 串珠 盧華 盧導讀台 |
| 22:10 | " Só͘-ū ê chhut-gōa lâng m̄ thang chia̍h sèng-mi̍h, hioh tī chè-si ê ke ê á-.sī chò-kang lâng, lóng m̄ thang chia̍h sèng-mi̍h. | 註釋 串珠 盧華 盧導讀台 |
| 22:11 | Siat-sú chè-si bé lâng lâi, sī i ēng gîn bé-ê, hit-ê lâng thang chia̍h sèng-mi̍h; chhut-sì tī i ê ke ê mā thang chia̍h i ê bí-niûⁿ. | 註釋 串珠 盧華 盧導讀台 |
| 22:12 | Chè-si ê chabó͘ kiáⁿ nā-sī kè chhut-gōa lâng, chiū m̄ thang chia̍h só͘ kí khí-.lâi ê sèng-mi̍h. | 註釋 串珠 盧華 盧導讀台 |
| 22:13 | Chóng-.sī, chè-si ê chabó͘ kiáⁿ nā-sī kóaⁿ-hū á-.sī hông lî-chhut ê, bô kiáⁿ-jî koh tńg-lâi lāu-pē ê ke kah i siàu-liân ê sî sio-siâng, chiū thang chia̍h i ê lāu-pē ê chia̍h-mi̍h, chóng-.sī, chhut-gōa lâng m̄ thang chia̍h. | 註釋 串珠 盧華 盧導讀台 |
| 22:14 | " Nā ū lâng bô tiuⁿ-tî chia̍h sèng-mi̍h, tio̍h chiàu hiahê sèng-mi̍h ke gō͘-hūn chi-it kau hō͘ chè-si. | 註釋 串珠 盧華 盧導讀台 |
| 22:15 | M̄-thang siat-to̍k I-su-la-el lâng só͘ hiàn hō͘ Siōng-chú ê sèng-mi̍h, | 註釋 串珠 盧華 盧導讀台 |
| 22:16 | bián-tit in tī chia̍h sèng-mi̍h ê sî, tam-tng kòe-sit ê chōe-kò, in-ūi Góa sī hō͘ in chiâⁿ-sèng ê Siōng-chú. " | 註釋 串珠 盧華 盧導讀台 |
| 22:17 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 22:18 | " Lí tio̍h hoan-hù A-lông kah i hiahê kiáⁿ, í-ki̍p I-su-la-el ê kûn-chiòng, tùi in kóng: I-su-la-el ê chú-bîn, á-.sī tī I-su-la-el tiong kià-kha ê, kiàn-nā hiàn lé-mi̍h, bô-lūn sī só͘ hē ê goān, á-.sī kam-sim hiàn ê, to̍h-sī hiàn hō͘ Siōng-chú chò sio-chè ê, | 註釋 串珠 盧華 盧導讀台 |
| 22:19 | chiū tio̍h hiàn gû, á-.sī mî-iûⁿ, á-.sī soaⁿ-iûⁿ, lóng tio̍h ēng kang ê, bô khoat-tiám ê, chiah ē tit tio̍h hoaⁿ-hí chiap-la̍p. | 註釋 串珠 盧華 盧導讀台 |
| 22:20 | Kiàn-nā ū khoat-tiám ê, lín m̄ thang hiàn, in-ūi che bô beh kā lín chiap-la̍p. | 註釋 串珠 盧華 盧導讀台 |
| 22:21 | Kiàn-nā tùi gû-kûn á-.sī iûⁿ-kûn tiong, kā siā-un-chè hiàn hō͘ Siōng-chú, ūi tio̍h beh siā te̍k-pia̍t hē ê goān, á-.sī chò kam-sim hiàn ê, só͘ hiàn ê tio̍h sûn-choân, bô khoat-tiám, chiah ē tit tio̍h chiap-la̍p. | 註釋 串珠 盧華 盧導讀台 |
| 22:22 | Chheⁿ-mê-ê, tio̍h-siong ê, phòa-siùⁿ ê, seⁿ liû ê, seⁿ chhng ê, seⁿ sián ê, chiahê lóng m̄ thang hiàn hō͘ Siōng-chú, mā m̄ thang tī tôaⁿ téng hiàn hō͘ Siōng-chú chò hóe-chè. | 註釋 串珠 盧華 盧導讀台 |
| 22:23 | Bô-lūn sī gû-káng á-.sī iûⁿ-á, nā-sī ki-thé ki-hêng ê, hit khoán thang chò kam-sim-chè lâi hiàn; chóng-.sī, ēng he lâi siā goān chiū bē tàng chiap-la̍p. | 註釋 串珠 盧華 盧導讀台 |
| 22:24 | Gōa-sin sún-siong ê, á-.sī teh chhùi ê, á-.sī phòa-li̍h ê, á-.sī iam ê, m̄ thang hiàn hō͘ Siōng-chú, tī lín ê thó͘-tē mā m̄ thang ánne kiâⁿ. | 註釋 串珠 盧華 盧導讀台 |
| 22:25 | Chit khoán ê mi̍h lín mā m̄ thang tùi gōa-kok lâng ê chhiú chiap-siū lâi hiàn chò lín ê Siōng-tè ê chia̍h-mi̍h, in-ūi chit khoán mi̍h lóng ū húi-hoāi, ū khoat-tiám ê, bē tàng kā lín chiap-la̍p. " | 註釋 串珠 盧華 盧導讀台 |
| 22:26 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 22:27 | " Gû á-.sī mî-iûⁿ, á-.sī soaⁿ-iûⁿ chhut-seⁿ liáu-āu, thâu chhit ji̍t tòe i ê bó, tùi tē-peh ji̍t í-āu, chiū thang chò Siōng-chú hóe-chè ê lé-mi̍h, ē tit tio̍h chiap-la̍p. | 註釋 串珠 盧華 盧導讀台 |
| 22:28 | Bô-lūn gû-bó á-.sī iûⁿ-bó, lí m̄ thang siâng ji̍t thâi bó kah i ê kiáⁿ. | 註釋 串珠 盧華 盧導讀台 |
| 22:29 | " Lín hiàn siā-un-chè hō͘ Siōng-chú ê sî, tio̍h hiàn thang tit tio̍h chiap-la̍p ê. | 註釋 串珠 盧華 盧導讀台 |
| 22:30 | Tio̍h tī hit ji̍t lâi chia̍h, m̄ thang lâu chi̍t-tiám-á kàu keh kang chá-khí. Góa sī Siōng-chú. | 註釋 串珠 盧華 盧導讀台 |
| 22:31 | " Só͘-í, lín tio̍h siú Góa chiahê kài-bēng lâi kiâⁿ. Góa sī Siōng-chú. | 註釋 串珠 盧華 盧導讀台 |
| 22:32 | Lín m̄ thang siat-to̍k Góa ê sèng-miâ, in-ūi Góa tī I-su-la-el lâng ê tiong-kan, beh siū chun-kèng lâi chò sèng. Góa sī hō͘ lín chiâⁿ-sèng ê Siōng-chú, | 註釋 串珠 盧華 盧導讀台 |
| 22:33 | Chhōa lín chhut Ai-gi̍p tē, chò lín ê Siōng-tè ê. Góa sī Siōng-chú. " | 註釋 串珠 盧華 盧導讀台 |