| 章節 | 全民台語聖經全羅經文 | 註釋 |
| 24:1 | Teng-tâi ê Kui-tēng( CAG 27: 20-21) Siōng-chú hoan-hù Mô͘-se kóng, | 註釋 串珠 盧華 盧導讀台 |
| 24:2 | " Tio̍h bēng-lēng I-su-la-el lâng, ēng Kaⁿ-ná kheh chiâⁿ chheng ê iû, the̍h-lâi hō͘ lí, thang tiám teng hō͘ i tiāⁿtiāⁿ kng. | 註釋 串珠 盧華 盧導讀台 |
| 24:3 | Tī hōe-bō͘ lāi hoat-kūi ê tiùⁿ-lî gōa, A-lông tio̍h ánne pān-lí, tùi ê-hng kàu chá-khí, tiāⁿtiāⁿ tī Siōng-chú ê bīn-chêng. Che sī chò lín tāi-tāi éng-oán ê lē. | 註釋 串珠 盧華 盧導讀台 |
| 24:4 | I tio̍h tī Siōng-chú ê bīn-chêng, tī chheng-khì ê teng-tâi téng tiāⁿtiāⁿ pān-lí chiahê teng. " | 註釋 串珠 盧華 盧導讀台 |
| 24:5 | Hiàn hō͘ Siōng-chú ê Piáⁿ" Lí tio̍h the̍h iù ê mī-hún lâi piak cha̍p-jī tè piáⁿ, múi tè ēng gō͘-hūn chi-it e-hoat. | 註釋 串珠 盧華 盧導讀台 |
| 24:6 | Tio̍h tī Siōng-chú ê bīn-chêng sèng-kiat ê toh téng kā piáⁿ pâi chò nn̄g chōa, múi chōa la̍k tè. | 註釋 串珠 盧華 盧導讀台 |
| 24:7 | Koh tio̍h ēng chheng-khì ê jú-hiuⁿ hē tī ta̍k chōa, kā piáⁿ chò kì-hō, to̍h-sī chò hóe-chè hiàn hō͘ Siōng-chú. | 註釋 串珠 盧華 盧導讀台 |
| 24:8 | Ta̍k-ê An-hioh-ji̍t, i tio̍h tiāⁿtiāⁿ pâi tī Siōng-chú ê bīn-chêng. Che sī ūi tio̍h I-su-la-el lâng chò éng-oán ê iok. | 註釋 串珠 盧華 盧導讀台 |
| 24:9 | Chiahê piáⁿ tio̍h kui hō͘ A-lông kah i ê kiáⁿ-sun, in tio̍h tī sèng ê só͘-chāi chia̍h, in-ūi tī Siōng-chú ê hóe-chè tiong, chit-ê sī chì-sèng kui tī i, chò éng-oán ê lē. | 註釋 串珠 盧華 盧導讀台 |
| 24:10 | Kong-tō ê Sím-phòaⁿŪ chi̍t-ê lâng, i ê lāu-bú sī I-su-la-el lâng, i ê lāu-pē sī Ai-gi̍p lâng, chhut-lâi kiâⁿ tī I-su-la-el lâng ê tiong-kan. Chit-ê I-su-la-el chabó͘ lâng ê kiáⁿ kah chi̍t-ê I-su-la-el lâng tī iâⁿ-pâng lāi oan-ke. | 註釋 串珠 盧華 盧導讀台 |
| 24:11 | Chit-ê I-su-la-el chabó͘ lâng ê kiáⁿ siat-to̍k sèng-miâ, koh chiù-chó͘, chiū ū lâng kā i chhōa kàu Mô͘-se hia. I ê lāu-bú ê miâ kiò-chò Si-ló-mi̍t, sī Tàn ê chi-cho̍k, Tí-pek-lī ê chabó͘ kiáⁿ. | 註釋 串珠 盧華 盧導讀台 |
| 24:12 | In kā i koaiⁿ tī khu-liû-só͘, beh thèng-hāu Siōng-chú ê chí-sī. | 註釋 串珠 盧華 盧導讀台 |
| 24:13 | Siōng-chú hoan-hù Mô͘-se kóng, | 註釋 串珠 盧華 盧導讀台 |
| 24:14 | " Tio̍h kā hit-ê chiù-chó͘ ê lâng chhōa kàu iâⁿ gōa, hō͘ thiaⁿ-.tio̍h ê lâng tī i ê thâu-khak téng hōaⁿ-chhiú; choân hōe-chiòng tio̍h ēng chio̍h-thâu kā i tìm-sí. | 註釋 串珠 盧華 盧導讀台 |
| 24:15 | Lí tio̍h hoan-hù I-su-la-el lâng kóng: Kiàn-nā chiù-chó͘ i ê Siōng-tè ê, tio̍h tam-tng i kakī ê chōe. | 註釋 串珠 盧華 盧導讀台 |
| 24:16 | Lâng siat-to̍k Siōng-chú ê miâ, tio̍h hō͘ i sí; choân hōe-chiòng tio̍h ēng chio̍h-thâu kā i tìm-sí. Put-koán sī chhut-gōa lâng á-.sī pún-tē-lâng, i siat-to̍k Siōng-chú ê miâ ê sî, tio̍h hō͘ i sí. | 註釋 串珠 盧華 盧導讀台 |
| 24:17 | Kiàn-nā phah-sí-lâng ê, it-tēng tio̍h hō͘ i sí. | 註釋 串珠 盧華 盧導讀台 |
| 24:18 | Phah-sí chengseⁿ ê, tio̍h pôe-sióng, ēng miā pôe miā. | 註釋 串珠 盧華 盧導讀台 |
| 24:19 | Lâng nā sún-siong i ê chhù-piⁿ, i ánne kiâⁿ, mā tio̍h ánne kā i khoán-thāi. | 註釋 串珠 盧華 盧導讀台 |
| 24:20 | Ēng siong pôe siong, ēng ba̍k-chiu pôe ba̍k-chiu, ēng chhùi-khí pôe chhùi-khí, i sún-siong lâng án-chóaⁿ, mā tio̍h ánne kā i tùi-thāi. | 註釋 串珠 盧華 盧導讀台 |
| 24:21 | Phah-sí chengseⁿ ê, tio̍h pôe-sióng; phah-sí-lâng ê, it-tēng tio̍h hō͘ i sí. | 註釋 串珠 盧華 盧導讀台 |
| 24:22 | Put-koán sī chhut-gōa lâng á-.sī pún-tē-lâng, tio̍h chun-siú sio-siâng ê lu̍t-hoat, in-ūi Góa sī Siōng-chú — lín ê Siōng-tè. " | 註釋 串珠 盧華 盧導讀台 |
| 24:23 | Mô͘-se chiū kā I-su-la-el lâng kóng, in chiū kā hit-ê chiù-chó͘ ê lâng chhōa kàu iâⁿ gōa, ēng chio̍h-thâu tìm-sí. I-su-la-el lâng chiū chiàu Siōng-chú só͘ bēng-lēng Mô͘-se ê lâi kiâⁿ. | 註釋 串珠 盧華 盧導讀台 |