| 章節 | 全民台語聖經全羅經文 | 註釋 |
| 10:1 | To͘-la̍hA-mí-me-le̍k liáu-āu, ū It-sa-kal lâng, Tó-to ê sun, Phu-oah ê kiáⁿ To͘-la̍h khí-.lâi, chín-kiù I-su-la-el lâng, i tòa tī E-hu-laim soaⁿ-tē ê Sa-bi̍t. | 註釋 串珠 盧華 盧導讀台 |
| 10:2 | I chò I-su-la-el ê sū-su jī-cha̍p saⁿ nî, chiū sí, bâi-chòng tī Sa-bi̍t. | 註釋 串珠 盧華 盧導讀台 |
| 10:3 | Ia-ilTo͘-la̍h liáu-āu, ū Gi-lia̍t lâng Ia-il khí-.lâi, chò I-su-la-el ê sū-su jī-cha̍p jī nî. | 註釋 串珠 盧華 盧導讀台 |
| 10:4 | I ū saⁿ-cha̍p-ê kiáⁿ, khiâ saⁿ-cha̍p chiah ê lî-á, in ū saⁿ-cha̍p chō siâⁿ, miâ kiò-chò Ha-bo̍͘t-ia-il, kàu kin-á-ji̍t, lóng sī tī Gi-lia̍t tē. | 註釋 串珠 盧華 盧導讀台 |
| 10:5 | Ia-il sí, chiū bâi-chòng tī Ka-bûn. | 註釋 串珠 盧華 盧導讀台 |
| 10:6 | I-su-la-el lâng koh kiâⁿ Siōng-chú só͘ khòaⁿ-chò pháiⁿ ê tāichì, khì ho̍k-sāi chiahê Ba-al kah A-si-tha-lot, í-ki̍p A-lâm ê sîn-bêng, Si-tòng hiahê sîn-bêng, Mô͘-ap ê sîn-bêng, Am-móng lâng ê sîn-bêng, Hui-lī-sū lâng ê sîn-bêng, khì-sak Siōng-chú bô koh ho̍k-sāi I. | 註釋 串珠 盧華 盧導讀台 |
| 10:7 | Siōng-chú siū-khì I-su-la-el lâng, kā in bē hō͘ Hui-lī-sū lâng ê chhiú tiong kah Am-móng lâng ê chhiú tiong. | 註釋 串珠 盧華 盧導讀台 |
| 10:8 | In tùi hit nî khí, jiáu-loān ap-chè I-su-la-el lâng cha̍p-peh nî, to̍h-sī tī Iol-tàn hô hit pêng, chèng I-su-la-el lâng tòa tī A-mô͘-lī lâng ê tē, to̍h-sī tī Gi-lia̍t ê. | 註釋 串珠 盧華 盧導讀台 |
| 10:9 | Am-móng lâng koh kòe Iol-tàn hô, khì kong-kek Iô-tah, Biān-iá-mín, E-hu-laim cho̍k, I-su-la-el lâng chiū siū tio̍h hui-siông ê pek-hāi. | 註釋 串珠 盧華 盧導讀台 |
| 10:10 | I-su-la-el lâng ai-kiû Siōng-chú, kóng, " Goán tek-chōe Lí, in-ūi ū khì-sak goán ê Siōng-tè, khì ho̍k-sāi chiahê Ba-al. " | 註釋 串珠 盧華 盧導讀台 |
| 10:11 | Siōng-chú tùi I-su-la-el lâng kóng, " Góa kám bô kiù lín thoat-lī Ai-gi̍p lâng, A-mô͘-lī lâng, Am-móng lâng kah Hui-lī-sū lâng? | 註釋 串珠 盧華 盧導讀台 |
| 10:12 | Si-tòng lâng, A-má-le̍k lâng kah Ma-óng lâng mā lóng kā lín ap-chè; lín tùi Góa ai-kiû, Góa mā chín-kiù lín lâi thoat-lī in ê chhiú. | 註釋 串珠 盧華 盧導讀台 |
| 10:13 | Lín kèng-jiân pàng-sak Góa, khì ho̍k-sāi pa̍t-ê sîn-bêng, só͘-í, Góa bô koh kiù lín. | 註釋 串珠 盧華 盧導讀台 |
| 10:14 | Lín khì ai-kiû lín só͘ kéng ê sîn-bêng, lín tú tio̍h hoān-lān ê sî, thang hō͘ in kā lín kiù! " | 註釋 串珠 盧華 盧導讀台 |
| 10:15 | I-su-la-el lâng tùi Siōng-chú kóng, " Goán hoān chōe à, chhut-chāi Lí ê ì-sù khoán-thāi goán, to̍k-to̍k kiû Lí kin-á-ji̍t kiù goán. " | 註釋 串珠 盧華 盧導讀台 |
| 10:16 | In chiū tùi in tiong-kan tû-khì gōa-pang ê sîn-bêng, lâi ho̍k-sāi Siōng-chú. Siōng-chú ê sim in-ūi I-su-la-el lâng ê kan-khó͘, chiū iu-būn. | 註釋 串珠 盧華 盧導讀台 |
| 10:17 | Hit tong-sî, Am-móng lâng chū-chi̍p óa-.lâi, chat iâⁿ tī Gi-lia̍t. I-su-la-el lâng mā chū-chi̍p óa-.lâi, chat iâⁿ tī Mi-su-peh. | 註釋 串珠 盧華 盧導讀台 |
| 10:18 | Gi-lia̍t ê jîn-bîn kah chèng siú-léng, tāi-ke chò-hóe gī-lūn kóng, " Siáⁿ lâng ē tāi-seng khì kong-kek Am-móng lâng? Hitê lâng beh chò Gi-lia̍t chèng lâng ê thâu-lâng. " | 註釋 串珠 盧華 盧導讀台 |