| 章節 | 全民台語聖經全羅經文 | 註釋 |
| 12:1 | I-é-hú-thah kah E-hu-laim LângE-hu-laim lâng chū-chi̍p kàu pak-hong, tùi I-é-hú-thah kóng, " Lí kòe-khì kah Am-móng lâng kau-chiàn, án-chóaⁿ bô kiò goán kah lí khì? Goán beh ēng hóe sio lí kah lí ê chhù. " | 註釋 串珠 盧華 盧導讀台 |
| 12:2 | I-é-hú-thah tùi in kóng, " Góa kah góa ê jîn-bîn kah Am-móng lâng tōa kè-kàu, góa chio lín lâi, lín kèng-jiân bô kiù góa thoat-lī in ê chhiú. | 註釋 串珠 盧華 盧導讀台 |
| 12:3 | Góa khòaⁿ tio̍h lín bô lâi kiù góa, góa chiū piàⁿ-miā chìn-chêng khì kong-kek Am-móng lâng, Siōng-chú kā in kau tī góa ê chhiú tiong, lín kin-á-ji̍t ná ē lâi góa chia beh kah góa kau-chiàn? | 註釋 串珠 盧華 盧導讀台 |
| 12:4 | I-é-hú-thah chiū chū-chi̍p Gi-lia̍t ê kûn-chiòng, khì kah E-hu-laim lâng kau-chiàn. Gi-lia̍t lâng phah-sí E-hu-laim lâng, in-ūi in kóng, " Lín Gi-lia̍t lâng tī E-hu-laim kah Má-ná-se ê tiong-kan, chí-put-kò sī E-hu-laim tô-cháu ê lâng. " | 註釋 串珠 盧華 盧導讀台 |
| 12:5 | Gi-lia̍t lâng tī E-hu-laim lâng ê thâu-chêng pé-siú Iol-tàn hô ê tō͘-kháu, E-hu-laim tô-cháu ê lâng nā kóng, " Chhiáⁿ hō͘ goán kòe-.khì. " Gi-lia̍t lâng chiū mn̄g i kóng, " Lí sī E-hu-laim lâng á m̄-sī? " | 註釋 串珠 盧華 盧導讀台 |
| 12:6 | I nā kóng, " M̄-sī. " Chiū kā i kóng, " Lí kóng "Sī-pò͘-lia̍t". " I kóng chò "Se-pò͘-lia̍t", in-ūi in ê im kóng bē chiàⁿ, in chiū kā i lia̍h khí-.lâi, tī Iol-tàn hô ê tō͘-kháu kā i thâi-sí. Hit sî, E-hu-laim lâng siū thâi ê ū sì-bān nn̄g-chheng lâng. | 註釋 串珠 盧華 盧導讀台 |
| 12:7 | I-é-hú-thah chò I-su-la-el ê sū-su la̍k nî. Gi-lia̍t lâng I-é-hú-thah sí, bâi-chòng tī Gi-lia̍t ê chi̍t-ê siâⁿ. | 註釋 串珠 盧華 盧導讀台 |
| 12:8 | Ip-chàn, E-lóng, Ap-tóngI-é-hú-thah liáu-āu, ū Bia̍t-lé-hèm lâng Ip-chàn chò I-su-la-el ê sū-su. | 註釋 串珠 盧華 盧導讀台 |
| 12:9 | I ū saⁿ-cha̍p-ê kiáⁿ, koh saⁿ-cha̍p-ê chabó͘ kiáⁿ kè kòe tī gōa-kháu, mā tùi gōa-kháu kā i ê kiáⁿ chhōa saⁿ-cha̍p-ê sim-pū. I chò I-su-la-el ê sū-su chhit nî. | 註釋 串珠 盧華 盧導讀台 |
| 12:10 | Ip-chàn sí, bâi-chòng tī Bia̍t-lé-hèm. | 註釋 串珠 盧華 盧導讀台 |
| 12:11 | Ip-chàn liáu-āu, ū Che-bú-lông lâng E-lóng chò I-su-la-el ê sū-su, i chò I-su-la-el ê sū-su cha̍p nî. | 註釋 串珠 盧華 盧導讀台 |
| 12:12 | Che-bú-lông lâng E-lóng sí, bâi-chòng tī Che-bú-lông tē ê A-iah-lūn. | 註釋 串珠 盧華 盧導讀台 |
| 12:13 | E-lóng liáu-āu, ū Pí-la̍h-tòng lâng, Hi-lia̍t ê kiáⁿ Ap-tóng, chò I-su-la-el ê sū-su. | 註釋 串珠 盧華 盧導讀台 |
| 12:14 | I ū sì-cha̍p-ê kiáⁿ, saⁿ-cha̍p-ê sun, khiâ chhit-cha̍p chiah lî-á, i chò I-su-la-el ê sū-su peh nî. | 註釋 串珠 盧華 盧導讀台 |
| 12:15 | Pi-la-tòng lâng Hi-lia̍t ê kiáⁿ Ap-tóng sí, bâi-chòng tī E-hu-laim tē ê Pi-la-tòng, tī A-má-le̍k lâng ê soaⁿ-tē. | 註釋 串珠 盧華 盧導讀台 |