| 章節 | 全民台語聖經全羅經文 | 註釋 |
| 13:1 | Sâm-sóng ê Chhut-sìI-su-la-el lâng koh kiâⁿ Siōng-chú só͘ khòaⁿ-chò pháiⁿ ê tāichì, Siōng-chú kā in kau tī Hui-lī-sū lâng ê chhiú tiong sì-cha̍p nî. | 註釋 串珠 盧華 盧導讀台 |
| 13:2 | Hit sî, ū chi̍t-ê Cho-lah lâng, sī Tàn ê cho̍k, miâ kiò-chò Ma-no-oah, i ê bó͘ bô hoâi-īn, bô seⁿ. | 註釋 串珠 盧華 盧導讀台 |
| 13:3 | Siōng-chú ê sù-chiá tùi hit-ê chabó͘ lâng hián-hiān, kā i kóng, " Lí pêng-sî bô hoâi-īn, bô seⁿ, taⁿ lí ē hoâi-īn seⁿ chi̍t-ê kiáⁿ. | 註釋 串珠 盧華 盧導讀台 |
| 13:4 | Só͘-í, lí tio̍h sè-jī, po̍h chiú kāu chiú lóng m̄ thang lim, bô chheng-khì ê mi̍h mā lóng m̄ thang chia̍h. | 註釋 串珠 盧華 盧導讀台 |
| 13:5 | In-ūi lí hoâi-īn beh seⁿ chi̍t-ê kiáⁿ, thì thâu-mn̂g ê to m̄ thang kàu tī i ê thâu-khak, in-ūi chit-ê gín'á tùi thai-.ni̍h chiū kui Siōng-chú chò hiàn-sin-chiá （ Chù, Goân e̍k-pún im-e̍k chò " Na-chil / Ná-sè-jíⁿ lâng. "）, i beh chò kiù I-su-la-el ê thâu chi̍t-chām, thoat-lī Hui-lī-sū lâng ê chhiú. " | 註釋 串珠 盧華 盧導讀台 |
| 13:6 | Cha-bó͘ lâng lâi kā i ê tiōng-hu kóng, " Ū chi̍t-ê Siōng-chú ê lâng lâi-kàu góa chia, i ê iông-māu chhin-chhiūⁿ Siōng-chú sù-chiá ê iông-māu, chin thang kiaⁿ. Góa bô mn̄g i tùi tó-ūi lâi, i mā bô kā góa kóng i ê miâ, | 註釋 串珠 盧華 盧導讀台 |
| 13:7 | Chóng-.sī, i kā góa kóng, ' Lí hoâi-īn ē seⁿ chi̍t-ê kiáⁿ, só͘-í, po̍h chiú kāu chiú lóng m̄ thang lim, bô chheng-khì ê mi̍h mā lóng m̄ thang chia̍h, in-ūi chit-ê gín'á tùi thai-.ni̍h kàu i sí ê ji̍t, lóng beh kui Siōng-chú chò hiàn-sin-chiá ê lâng. '" | 註釋 串珠 盧華 盧導讀台 |
| 13:8 | Ma-no-oah chiū kiû Siōng-chú kóng, " Chú ah, kiû Lí hō͘ Lí só͘ chhe Siōng-chú ê lâng koh lâi goán chia, thang kà-sī goán án-chóaⁿ lâi khoán-thāi chit-ê beh seⁿ ê kiáⁿ. " | 註釋 串珠 盧華 盧導讀台 |
| 13:9 | Siōng-chú thiaⁿ Ma-no-oah ê ōe; chabó͘ lâng chē tī chhân-.ni̍h ê sî, Siōng-chú ê sù-chiá koh lâi-kàu i hia, chóng-.sī, i ê tiōng-hu Ma-no-oah bô kah i chò-hóe. | 註釋 串珠 盧華 盧導讀台 |
| 13:10 | Cha-bó͘ lâng kóaⁿ-kín chàu khì pò i ê tiōng-hu, kā i kóng, " Hit ji̍t lâi góa chia hit-ê lâng koh tùi góa chhut-hiān. " | 註釋 串珠 盧華 盧導讀台 |
| 13:11 | Ma-no-oah khí-lâi tòe i ê bó͘ khì-kàu hit-ê lâng hia, kā i kóng, " Bat kah chit-ê chabó͘ lâng kóng-ōe ê, kám sī lí? " I kóng, " Sī góa. " | 註釋 串珠 盧華 盧導讀台 |
| 13:12 | Ma-no-oah kóng, " Goān lí ê ōe èng-giām, chit-ê gín'á tio̍h chiàu siáⁿ-mi̍h hoat-tō͘, goán tio̍h tùi i án-chóaⁿ kiâⁿ? " | 註釋 串珠 盧華 盧導讀台 |
| 13:13 | Siōng-chú ê sù-chiá tùi Ma-no-oah kóng, " Góa kā chabó͘ lâng só͘ kóng it-chhè ê tāichì, i lóng tio̍h chim-chiok. | 註釋 串珠 盧華 盧導讀台 |
| 13:14 | Kiàn-nā phû-tô só͘ chhut ê, i m̄ thang chia̍h, po̍h chiú kāu chiú lóng m̄ thang lim, it-chhè bô chheng-khì ê mi̍h mā m̄ thang chia̍h. Kiàn-nā góa só͘ bēng-lēng ê, i lóng tio̍h chun-siú. " | 註釋 串珠 盧華 盧導讀台 |
| 13:15 | Ma-no-oah tùi Siōng-chú ê sù-chiá kóng, " Chhiáⁿ lí hō͘ góa kā lí lâu-.leh, goán thang kā lí chún-pī chi̍t chiah soaⁿ-iûⁿ-á. " | 註釋 串珠 盧華 盧導讀台 |
| 13:16 | Siōng-chú ê sù-chiá kā Ma-no-oah kóng, " Lí sûi-jiân lâu góa, góa m̄-chia̍h lí ê mi̍h, lí nā chún-pī sio-chè, chiū tio̍h hiàn hō͘ Siōng-chú. " In-ūi Ma-no-oah m̄-chai i sī Siōng-chú ê sù-chiá. | 註釋 串珠 盧華 盧導讀台 |
| 13:17 | Ma-no-oah kā Siōng-chú ê sù-chiá kóng, " Lí miâ kiò-chò siáⁿ-mi̍h? Kàu lí ê ōe èng-giām ê sî, goán thang chun-kèng lí. " | 註釋 串珠 盧華 盧導讀台 |
| 13:18 | Siōng-chú ê sù-chiá kā i kóng, " Lí ná ē mn̄g góa ê miâ? Góa ê miâ sī kî-biāu ê. " | 註釋 串珠 盧華 盧導讀台 |
| 13:19 | Ma-no-oah kā chi̍t chiah soaⁿ-iûⁿ-á kah sò͘-chè, hē tī chio̍h-pôaⁿ téng lâi hiàn hō͘ Siōng-chú. Sù-chiá kiâⁿ kî-koài ê tāichì, Ma-no-oah kah i ê bó͘ ū khòaⁿ-.tio̍h. | 註釋 串珠 盧華 盧導讀台 |
| 13:20 | In-ūi hóe-iām tùi tôaⁿ téng chhèng chiûⁿ thiⁿ ê sî, Siōng-chú ê sù-chiá tī tôaⁿ téng ê hóe-iām tiong mā chiūⁿ-.khì. Ma-no-oah kah i ê bó͘ khòaⁿ-.tio̍h, chiū phak lo̍h-khì thô͘-kha. | 註釋 串珠 盧華 盧導讀台 |
| 13:21 | Siōng-chú ê sù-chiá bô koh chhut-hiān hō͘ Ma-no-oah kah i ê bó͘ khòaⁿ, Ma-no-oah chiah chai i sī Siōng-chú ê sù-chiá. | 註釋 串珠 盧華 盧導讀台 |
| 13:22 | Ma-no-oah kā i ê bó͘ kóng, " Lán it-tēng ē sí, in-ūi lán ū khòaⁿ tio̍h Siōng-chú. " | 註釋 串珠 盧華 盧導讀台 |
| 13:23 | I ê bó͘ chiū kā i kóng, " Siōng-chú nā beh hō͘ lán sí, it-tēng bô tùi lán ê chhiú chiap-la̍p sio-chè kah sò͘-chè, koh bô kā chiahê it-chhè ê tāichì chí-sī lán, chit sî mā bô kā lán kóng chit-ê tāichì. " | 註釋 串珠 盧華 盧導讀台 |
| 13:24 | Āu-lâi, chabó͘ lâng seⁿ chi̍t-ê kiáⁿ, chiū kā i hō-miâ kiò-chò Sâm-sóng. Gín-á tōa-hàn, Siōng-chú kā i sù-hok. | 註釋 串珠 盧華 盧導讀台 |
| 13:25 | Tī Ma-hat-nî-tàn, to̍h-sī Cho-lah kah E-si-ta-ol ê tiong-kan, Siōng-chú ê Sèng Sîn tē-it pái kā i kám-tōng. | 註釋 串珠 盧華 盧導讀台 |