| 章節 | 全民台語聖經全羅經文 | 註釋 |
| 15:1 | Koh ū hiah-.kú, kàu koah be̍h ê sî, Sâm-sóng tòa chi̍t chiah soaⁿ-iûⁿ-á khì chhōe i ê bó͘, kóng, " Góa beh ji̍p pâng chhōe góa ê bó͘. " I ê tiūⁿ-lâng m̄-chún i ji̍p-.khì. | 註釋 串珠 盧華 盧導讀台 |
| 15:2 | Tiūⁿ-lâng kóng, " Góa àn-sǹg lí si̍t-chāi oàn-hūn i, in-ūi ánne góa kā i hō͘ lí ê pôe-phōaⁿ, i ê sió-mōe kám m̄-sī pí i khah súi? Chhiáⁿ lí chhōa lâi tāi-thè i. " | 註釋 串珠 盧華 盧導讀台 |
| 15:3 | Sâm-sóng kā in kóng, " Chit pái góa siong-hāi Hui-lī-sū lâng, in bô thang kā góa chek-chōe. " | 註釋 串珠 盧華 盧導讀台 |
| 15:4 | Sâm-sóng chiū khì lia̍h saⁿ pah chiah hô͘-lî, koh tòa hóe-pé, kā hô͘-lî bóe nn̄g chiah nn̄g chiah pa̍k sio-liân, kā hóe-pé pa̍k tī nn̄g ki bóe ê tiong-kan, | 註釋 串珠 盧華 盧導讀台 |
| 15:5 | hóe-pé tiám-to̍h chiū pàng hô͘-lî ji̍p-khì Hui-lī-sū lâng iáu-bōe siu-koah ê ngó͘-kok, kā kui khún ê kah iáu-bōe siu-koah ê ngó͘-kok, í-ki̍p kaⁿ-ná hn̂g lóng sio-tiāu. | 註釋 串珠 盧華 盧導讀台 |
| 15:6 | Hui-lī-sū lâng kóng, " Chit-ê tāichì sī siáⁿ lâng chò ê? " In kóng, " Sī Tim-nah lâng ê kiáⁿ-sài Sâm-sóng, in-ūi i ê tiūⁿ-lâng kā i ê bó͘ hō͘ i ê pôe-phōaⁿ. " Hui-lī-sū lâng chiū tńg-.khì, ēng hóe sio chabó͘ lâng kah i ê lāu-pē. | 註釋 串珠 盧華 盧導讀台 |
| 15:7 | Sâm-sóng tùi Hui-lī-sū lâng kóng, " Lín kì-jiân ánne chò, góa beh tùi lín pò-siû, chiah ē soah. " | 註釋 串珠 盧華 盧導讀台 |
| 15:8 | Sâm-sóng chiū tōa-tōa kā in phah-sí, sin-si sio-tha̍h. Chiū lo̍h-khì tòa tī E-tám ê chio̍h-thâu khang. | 註釋 串珠 盧華 盧導讀台 |
| 15:9 | Sâm-sóng Phah-iâⁿ Hui-lī-sū LângHui-lī-sū lâng tńg-khì chat iâⁿ tī Iô-tah, hun-sòaⁿ tī Le-hi. | 註釋 串珠 盧華 盧導讀台 |
| 15:10 | Iô-tah lâng kóng, " Lín ná ē khí-lâi kong-kek goán? " In kóng, " Goán khí-lâi sī beh khún-pa̍k Sâm-sóng, i khoán-thāi goán án-chóaⁿ, goán mā beh ánne kā i khoán-thāi. " | 註釋 串珠 盧華 盧導讀台 |
| 15:11 | Chiū ánne, Iô-tah saⁿ chheng lâng lâi-kàu E-tám ê chio̍h-thâu khang, tùi Sâm-sóng kóng, " Hui-lī-sū lâng koán-hat lán, lí kám m̄-chai? Lí ná ē tùi goán chò chit khoán tāichì? " Ìn kóng, " In án-chóaⁿ khoán-thāi góa, góa mā ánne kā in khoán-thāi. " | 註釋 串珠 盧華 盧導讀台 |
| 15:12 | Iô-tah lâng kā i kóng, " Goán lo̍h-.lâi sī beh khún-pa̍k lí, kā lí kau tī Hui-lī-sū lâng ê chhiú tiong. " Sâm-sóng kā in kóng, " Lín tio̍h tùi góa chiùchōa, lín pún-sin bô beh hāi góa. " | 註釋 串珠 盧華 盧導讀台 |
| 15:13 | In tùi i kóng, " Bô, chí ū beh kā lí khún-pa̍k lâi kau tī in ê chhiú, goán it-tēng bē hāi-sí lí. " Chiū ēng nn̄g tiâu sin ê soh-á kā i khún-pa̍k, tùi chio̍h-pôaⁿ chhōa i chiūⁿ-.khì. | 註釋 串珠 盧華 盧導讀台 |
| 15:14 | Sâm-sóng-lâi-kàu Le-hi, Hui-lī-sū lâng tú tio̍h chiū hoah. Siōng-chú ê Sèng Sîn tōa-tōa lîm-kàu tī Sâm-sóng, i chhiú-.ni̍h ê soh-á chiū chhin-chhiūⁿ kòe hóe-sio ê môa, kā i pa̍k-.leh ê soh-á chiū tùi i ê chhiú lak lo̍h-.khì. | 註釋 串珠 盧華 盧導讀台 |
| 15:15 | I khòaⁿ tio̍h chi̍t ki sin ê lî ê chhùi-phóe kut, chiū chhun chhiú kā i khioh khí-.lâi, ēng lâi phah-sí chi̍t chheng lâng. | 註釋 串珠 盧華 盧導讀台 |
| 15:16 | Sâm-sóng kóng, " Góa ēng lî ê chhùi-phóe kut, phah-sí-lâng chi̍t-tui chi̍t-tui, góa ēng lî ê chhùi-phóe kut phah-sí chi̍t chheng lâng. " | 註釋 串珠 盧華 盧導讀台 |
| 15:17 | Kóng soah, chiū kā chhiú-.ni̍h ê chhùi-phóe kut hiat-ka̍k, hit só͘-chāi chiū kiò-chò La-mat-le-hi（ Chù, Hi-bú-lâi gí ê ì-sù sī " Ē-hoâi-kut ê lûn á"）. | 註釋 串珠 盧華 盧導讀台 |
| 15:18 | Sâm-sóng chhùi-ta kàu-ke̍k, chiū kiû-kiò Siōng-chú kóng, " Lí kì-jiân ēng Lí ê lô͘-po̍k ê chhiú kiâⁿ chiah tōa ê chín-kiù, chóng-bô góa taⁿ tio̍h chhùi-ta lâi sí, hām-lo̍h tī bô siū kat-lé ê lâng ê chhiú? " | 註釋 串珠 盧華 盧導讀台 |
| 15:19 | Siōng-chú chiū hō͘ Le-hi naih-o ê só͘-chāi li̍h-.khui, ū chúi tùi hia chhèng chhut-.lâi, Sâm-sóng lim-liáu cheng-sîn hôe-ho̍k, koh oa̍h-tāng khí-.lâi. Chiū ánne, kā hit-ê chúi-chôaⁿ hō-chò Ún-hap-ko-lī, hit-ê chúi-chôaⁿ kàu kin-á-ji̍t iáu tī Le-hi. | 註釋 串珠 盧華 盧導讀台 |
| 15:20 | Tng Hui-lī-sū lâng ê sî, Sâm-sóng chò I-su-la-el ê sū-su jī-cha̍p nî. | 註釋 串珠 盧華 盧導讀台 |