| 章節 | 全民台語聖經全羅經文 | 註釋 |
| 17:1 | Mi-ka ê Ngó͘-siōngE-hu-laim soaⁿ-tē ū chi̍t-ê lâng, miâ kiò-chò Mi-ka. | 註釋 串珠 盧華 盧導讀台 |
| 17:2 | I kā lāu-bú kóng, " Lí hit chi̍t-chheng chi̍t-pah gîn hō͘ lâng the̍h-.khì, lí in-ūi ánne chiù-chó͘, koh kóng hō͘ góa thiaⁿ, lí khòaⁿ, chit-ê gîn tī góa chia, sī góa the̍h-.khì. " I ê lāu-bú kóng, " Goān Siōng-chú kā góa ê kiáⁿ sù-hok. " | 註釋 串珠 盧華 盧導讀台 |
| 17:3 | I chiū kā chheng-it gîn hêng i ê lāu-bú, i ê lāu-bú kóng, " Góa í-keng tùi góa ê chhiú ēng chit-ê gîn, ūi góa ê kiáⁿ hiàn hō͘ Siōng-chú, thang tiau-khek chi̍t sian siōng, chù chi̍t sian siōng. Τaⁿ góa iû-goân koh kau lí. " | 註釋 串珠 盧華 盧導讀台 |
| 17:4 | Mi-ka kā gîn hêng i ê lāu-bú, i ê lāu-bú ēng nn̄g-pah gîn hō͘ chù-chō ê lâng, i chiū ēng hit-ê chò tiau-khek ê ngó͘-siōng, chù ê ngó͘-siōng, kā i hē tī Mi-ka ê chhù. | 註釋 串珠 盧華 盧導讀台 |
| 17:5 | Chit-ê Mi-ka ū sîn-bêng ê chhù, koh chè-chō chè-si ho̍k kah chhù lāi hiahê ngó͘-siōng, kiâⁿ siat-li̍p ê lé, hun-pia̍t i chi̍t-ê kiáⁿ chò i ê chè-si. | 註釋 串珠 盧華 盧導讀台 |
| 17:6 | Hit sî, I-su-la-el tiong bô ông, ta̍k lâng lóng chiàu i kakī só͘ khòaⁿ-chò tio̍h ê lâi kiâⁿ. | 註釋 串珠 盧華 盧導讀台 |
| 17:7 | Iô-tah Bia̍t-lé-hèm ū chi̍t-ê siàu-liân lâng, sio̍k Iô-tah cho̍k ê Lē-bī lâng, i tī hia kià-kha. | 註釋 串珠 盧華 盧導讀台 |
| 17:8 | Chit-ê lâng lī-khui Iô-tah Bia̍t-lé-hèm, beh chhōe chi̍t-ê thang tòa ê só͘-chāi. Kiâⁿ- lō͘ ê sî, lâi-kàu E-hu-laim ê soaⁿ-tē, Mi-ka ê chhù. | 註釋 串珠 盧華 盧導讀台 |
| 17:9 | Mi-ka mn̄g i kóng, " Lí tùi tó-ūi lâi? " I ìn kóng, " Góa sī Iô-tah Bia̍t-lé-hèm ê Lē-bī lâng, beh chhōe chi̍t-ê thang tòa ê só͘-chāi. " | 註釋 串珠 盧華 盧導讀台 |
| 17:10 | Mi-ka kā i kóng, " Lí lâi kah góa tòa, chò góa ê lāu-pē, chò góa ê chè-si. Góa ta̍k nî hō͘ lí cha̍p-ê gîn-á, chi̍t hù saⁿ-khò͘ kah lí ê ji̍t-si̍t. " Lē-bī lâng chiū ji̍p-.khì. | 註釋 串珠 盧華 盧導讀台 |
| 17:11 | Lē-bī lâng kam-goān kah hit-ê lâng chò-hóe tòa, Mi-ka khòaⁿ chit-ê siàu-liân lâng chhin-chhiūⁿ kakī ê kiáⁿ. | 註釋 串珠 盧華 盧導讀台 |
| 17:12 | Mi-ka kā Lē-bī lâng kiâⁿ siat-li̍p ê lé, siàu-liân lâng chiū chò i ê chè-si, lâi tòa tī i ê chhù. | 註釋 串珠 盧華 盧導讀台 |
| 17:13 | Mi-ka kóng, " Taⁿ góa chai Siōng-chú beh hó khoán-thāi góa, in-ūi góa ū chi̍t-ê Lē-bī lâng chò chè-si. " | 註釋 串珠 盧華 盧導讀台 |