| 章節 | 全民台語聖經全羅經文 | 註釋 |
| 18:1 | Mi-ka kah Tàn Chi-cho̍kHit sî, I-su-la-el tiong bô ông. Hit sî, Tàn ê lâng ê chi-cho̍k chhōe tē chò sán-gia̍p thang tòa, in-ūi kàu hit ji̍t, tī I-su-la-el chi-cho̍k tiong, in iáu-bōe tit tio̍h gia̍p. | 註釋 串珠 盧華 盧導讀台 |
| 18:2 | Tàn ê lâng tùi Cho-lah kah E-si-ta-ol, chhe pún cho̍k chèng lâng tiong gō͘-ê ióng-sū, khì thau-khòaⁿ hit-ê tē lâi chhâ-khó, kā in hoan-hù kóng, " Lín khì chhâ-khó hit-ê tē. " In lâi-kàu E-hu-laim soaⁿ, ji̍p-khì Mi-ka ê chhù, chiū hioh tī hia. | 註釋 串珠 盧華 盧導讀台 |
| 18:3 | In chiap-kīn Mi-ka ê chhù, jīn tio̍h hit-ê siàu-liân Lē-bī lâng ê siaⁿ-im, chiū ji̍p-khì mn̄g i, " Siáⁿ lâng chhōa lí lâi chia? Lí tī chia chò siáⁿ-mi̍h? Lí tī chia tit tio̍h siáⁿ-mi̍h? " | 註釋 串珠 盧華 盧導讀台 |
| 18:4 | I kóng, " Mi-ka khoán-thāi góa ánne, ánne, i ū chhiàⁿ góa, góa chò i ê chè-si. " | 註釋 串珠 盧華 盧導讀台 |
| 18:5 | In kā i kóng, " Chhiáⁿ lí mn̄g Siōng-tè, hō͘ goán chai goán só͘ teh kiâⁿ ê lō͘, ē heng-thong á-bô? " | 註釋 串珠 盧華 盧導讀台 |
| 18:6 | Chè-si kā in kóng, " Lín thang pêng-an khì, lín só͘ kiâⁿ ê lō͘ sī tī Siōng-chú ê bīn-chêng. " | 註釋 串珠 盧華 盧導讀台 |
| 18:7 | Gō͘ lâng chiū chhut-hoat, lâi-kàu La-i-si, khòaⁿ tio̍h hia ê jîn-bîn, an-jiân tòa, pêng-an, bô chhau-hoân, chhin-chhiūⁿ Si-tòng lâng. Τī hia bô ū chiáng-koân-chiá ēng siáⁿ-mi̍h tāichì lâi kā in kiáu-jiáu, in lī-khui Si-tòng lâng hn̄g-hn̄g, bô kah pa̍t lâng óng-lâi. | 註釋 串珠 盧華 盧導讀台 |
| 18:8 | Gō͘ lâng tńg-lâi-kàu Cho-lah kah E-si-ta-ol in ê hiaⁿ-tī hia, hiaⁿ-tī mn̄g in kóng, " Lín ū siáⁿ-mi̍h ōe? " | 註釋 串珠 盧華 盧導讀台 |
| 18:9 | In ìn kóng, " Khí-.lâi, lán lâi-khì kong-kek in, in-ūi goán í-keng khòaⁿ tio̍h hit-ê tē, lí khòaⁿ, hit-ê tē chin hó, lín án-chóaⁿ tiām-tiām? Tio̍h ji̍p-.khì, thang tit tio̍h hit-ê tē chò sán-gia̍p, m̄ thang iân-chhiân. | 註釋 串珠 盧華 盧導讀台 |
| 18:10 | Lín kàu hia, ē khòaⁿ tio̍h an-jiân teh tòa ê jîn-bîn, só͘-chāi mā khui-khoah. Siōng-tè í-keng kā hit-ê só͘-chāi kau tī lín ê chhiú, tē-chiūⁿ só͘-ū ê mi̍h, hit só͘-chāi bô khiàm kah chi̍t hāng. " | 註釋 串珠 盧華 盧導讀台 |
| 18:11 | Chiū ánne, Tàn cho̍k ê la̍k pah lâng, ta̍k-ê tòa kun-khì, tùi Cho-lah kah E-si-ta-ol chìn-chêng khì. | 註釋 串珠 盧華 盧導讀台 |
| 18:12 | In khì tī Iô-tah ê Ki-lia̍t-iâ-lîm chat iâⁿ, só͘-í, kā chit só͘-chāi ê miâ kiò-chò Ma-hat-lī-tàn, kàu kin-á-ji̍t. Lí khòaⁿ, che sī tī Ki-lia̍t-iâ-lîm ê āu-bīn. | 註釋 串珠 盧華 盧導讀台 |
| 18:13 | In tùi hia khì E-hu-laim soaⁿ-tē, lâi-kàu Mi-ka ê chhù. | 註釋 串珠 盧華 盧導讀台 |
| 18:14 | Chá-chêng thau-khòaⁿ La-i-si tē ê gō͘ lâng kā in ê hiaⁿ-tī kóng, " Chiahê chhù lāi ū chè-si ho̍k kah chhù lāi ê ngó͘-siōng, koh ū tiau-khek ê siōng kah chù ê siōng, lín kám chai? Taⁿ lín tio̍h siūⁿ, khòaⁿ beh án-chóaⁿ chò chiah hó? " | 註釋 串珠 盧華 盧導讀台 |
| 18:15 | In chiū oat-khì hia, kàu hit-ê siàu-liân ê Lē-bī lâng ê chhù, to̍h-sī Mi-ka ê chhù, kā i chhéng-an. | 註釋 串珠 盧華 盧導讀台 |
| 18:16 | Tàn cho̍k hiahê la̍k pah lâng tòa kun-khì, lóng khiā tī mn̂g-kháu. | 註釋 串珠 盧華 盧導讀台 |
| 18:17 | Thau-khòaⁿ tē ê gō͘-ê lâng chiū ji̍p-.khì, kā tiau-khek ê siōng, chè-si ho̍k, chhù lāi ê siōng kah chù ê siōng lóng the̍h-.khì. Chè-si kah tòa kun-khì ê la̍k pah lâng chò-hóe khiā tī mn̂g-kháu. | 註釋 串珠 盧華 盧導讀台 |
| 18:18 | Hit gō͘-ê lâng ji̍p-khì Mi-ka ê chhù, the̍h tiau-khek ê ngó͘-siōng, chè-si ho̍k, chhù lāi ê ngó͘-siōng kah chù ê siōng, chè-si chiū mn̄g in kóng, " Lín teh chò siáⁿ-mi̍h? " | 註釋 串珠 盧華 盧導讀台 |
| 18:19 | In ìn kóng, " M̄-thang chhut siaⁿ, ēng chhiú am chhùi, tòe goán lâi-.khì, chò goán ê pē, chò goán ê chè-si. Lí chò chi̍t-ê lâng ê ke ê chè-si khah hó, á-.sī chò I-su-la-el chi̍t chi-cho̍k ê chè-si khah hó? " | 註釋 串珠 盧華 盧導讀台 |
| 18:20 | Chè-si sim-lāi hoaⁿ-hí, chiū the̍h chè-si ho̍k kah chhù lāi ê ngó͘-siōng, í-ki̍p tiau-khek ê siōng, kiâⁿ tī jîn-bîn ê tiong-kan. | 註釋 串珠 盧華 盧導讀台 |
| 18:21 | In chiū oa̍t tńg-sin lī-khui hia, hō͘ gín'á, chengseⁿ, châi-bu̍t chò thâu-chêng. | 註釋 串珠 盧華 盧導讀台 |
| 18:22 | Lī-khui Mi-ka ê chhù chám-jiân hn̄g ê sî, Mi-ka hiahê chhù-piⁿ lóng chū-chi̍p óa-.lâi, jiok Tàn ê lâng, tōa-siaⁿ hoah Tàn ê lâng. | 註釋 串珠 盧華 盧導讀台 |
| 18:23 | Tàn ê lâng oa̍t thâu khòaⁿ, mn̄g Mi-ka kóng, " Lí chū-chi̍p hiahê lâng lâi, sī siáⁿ-mi̍h tāichì? " | 註釋 串珠 盧華 盧導讀台 |
| 18:24 | Mi-ka kóng, " Góa só͘ chng ê sîn-bêng kah chè-si, lín lóng tòa-.khì, góa iáu ū chhun siáⁿ-mi̍h? Ná ē iáu mn̄g góa kóng, lí siáⁿ-mi̍h tāichì? " | 註釋 串珠 盧華 盧導讀台 |
| 18:25 | Tàn ê lâng kā i kóng, " Lí m̄ thang hō͘ goán thiaⁿ tio̍h lí ê siaⁿ, khióng-kiaⁿ sò-sèng ê lâng lâi tùi lín tāng chhiú, tì-sú lí kah choân ke lóng ē sit-lo̍h sèⁿ-miā. " | 註釋 串珠 盧華 盧導讀台 |
| 18:26 | Tàn ê lâng chò in kè-sio̍k kiâⁿ lo̍h-.khì, Mi-ka khòaⁿ tio̍h in pí i khah kiông, chiū oa̍t tńg-sin tńg-khì i ê chhù. | 註釋 串珠 盧華 盧導讀台 |
| 18:27 | In tòa Mi-ka só͘ chò ê kah i só͘-ū ê chè-si lâi-kàu La-i-si, khòaⁿ tio̍h an-jiân bô chhau-hoân ê jîn-bîn, chiū ēng to kā in thâi-sí, koh pàng hóe sio hit-ê siâⁿ, | 註釋 串珠 盧華 盧導讀台 |
| 18:28 | mā bô lâng lâi chín-kiù, in-ūi lī-khui Si-tòng chin hn̄g, in koh bô kah pa̍t lâng óng-lâi. Hitê siâⁿ tī hit-ê óa-kīn Biat-le-ho͘p ê soaⁿ-kok. | 註釋 串珠 盧華 盧導讀台 |
| 18:29 | Tàn ê lâng koh tī hia khí siâⁿ lâi tòa, chiàu in chó͘-sian I-su-la-el ê kiáⁿ Tàn ê miâ, kā hit-ê siâⁿ ê miâ kiò-chò Tàn. Hitê siâⁿ khí-thâu ê miâ kiò-chò La-i-si. | 註釋 串珠 盧華 盧導讀台 |
| 18:30 | Tàn ê lâng chiū ūi kakī chhāi hit-ê tiau-khek ê siōng. Mô͘-se ê sun, Kel-sióng ê kiáⁿ Io-ná-than kah i ê kiáⁿ-sun, chò Tàn ê chi-cho̍k ê chè-si, it-ti̍t kàu hit tē-hng ê lâng tú tio̍h siū lia̍h ê ji̍t. | 註釋 串珠 盧華 盧導讀台 |
| 18:31 | Siōng-tè ê chhù tī Sī-lô hiahê ji̍t, Tàn ê lâng ūi kakī chhāi Mi-ka só͘ chò tiau-khek ê siōng. | 註釋 串珠 盧華 盧導讀台 |