| 章節 | 全民台語聖經全羅經文 | 註釋 |
| 6:1 | Só͘-lô-móng Khí-chō Sèng-tiānI-su-la-el lâng chhut Ai-gi̍p tē liáu-āu sì-pah peh-cha̍p nî, Só͘-lô-móng chò I-su-la-el ông, tē-sì nî Ji-hu goe̍h, to̍h-sī jī goe̍h, tāng-kang khí Siōng-chú ê tiān. | 註釋 串珠 盧導讀台 |
| 6:2 | Só͘-lô-móng ông ūi Siōng-chú só͘ khí ê tiān, tn̂g la̍k-cha̍p tiú, khoah jī-cha̍p tiú, koân saⁿ-cha̍p tiú. | 註釋 串珠 盧導讀台 |
| 6:3 | Tiān-chêng ê mn̂g-lông tn̂g jī-cha̍p tiú kah tiān ê khoah pêⁿ, mn̂g-lông ê khoah cha̍p tiú. | 註釋 串珠 盧導讀台 |
| 6:4 | Koh ūi tiān chò thang, ū koaiⁿ-sí ê thang-á-keh. | 註釋 串珠 盧導讀台 |
| 6:5 | Óa tī tiān ê chhiûⁿ, sì-kho͘-ûi khí lâu; to̍h-sī óa tī tiān ê chhiûⁿ ê sì-kho͘-ûi, chêng-tiān kah āu-tiān lóng sī ánne, tī sì-kho͘-ûi khí piⁿ-pâng. | 註釋 串珠 盧導讀台 |
| 6:6 | Piⁿ-pâng ê ē-chàn khoah gō͘ tiú, tiong-chàn khoah la̍k tiú, tē-saⁿ chàn khoah chhit tiú. Tī tiān ê gōa-bīn chò piah-kai tī i ê sì-kho͘-ûi, hō͘ piⁿ-pâng ê êⁿ-á bô chhah ji̍p-khì tiān ê chhiûⁿ. | 註釋 串珠 盧導讀台 |
| 6:7 | Tiān teh khí ê sî, sī ēng soaⁿ tiong phah hó ê chio̍h. Khí tiān ê sî, thûi, pó͘-thâu kah kî-tha thih-khì ê siaⁿ-im lóng bô thiaⁿ-.tio̍h. | 註釋 串珠 盧導讀台 |
| 6:8 | Piⁿ-pâng ê tiong-pâng ê mn̂g, sī tī tiān ê chiàⁿ pêng, tùi kńg-lê-thui chiūⁿ tiong-chàn, tùi tiong-chàn koh chiūⁿ-kàu tē-saⁿ chàn. | 註釋 串珠 盧導讀台 |
| 6:9 | Chiū ánne, tiān khí kàu hó-sè, chiū ēng pek-hiuⁿ chhâ ê êⁿ, pek-hiuⁿ chhâ ê pán, jia-khàm tiān. | 註釋 串珠 盧導讀台 |
| 6:10 | I koh óa tī kui keng ê tiān khí saⁿ lâu ê piⁿ-pâng, ta̍k chàn koân gō͘ tiú; chiahê piⁿ-pâng lóng ēng pek-hiuⁿ chhâ khòa tī tiān gōa-chhiûⁿ ê piah-kai. | 註釋 串珠 盧導讀台 |
| 6:11 | Siōng-chú ê ōe lîm-kàu Só͘-lô-móng kóng, | 註釋 串珠 盧導讀台 |
| 6:12 | " Kóng tio̍h lí só͘ khí chit keng tiān, lí nā kiâⁿ Góa ê lu̍t-lē, chun-thàn Góa ê hoat-tō͘, siú Góa it-chhè ê kài-bēng, chiàu ánne kiâⁿ, Góa chiū ē chiàu Góa só͘ èng-ín lí ê lāu-pē Ta-bi̍t ê ōe, èng-giām tī lí. | 註釋 串珠 盧導讀台 |
| 6:13 | Góa ē tiàm tī I-su-la-el lâng ê tiong-kan, mā bô pàng-sak Góa ê chú-bîn — I-su-la-el lâng. " | 註釋 串珠 盧導讀台 |
| 6:14 | Só͘-lô-móng khí tiān í-keng oân-sêng. | 註釋 串珠 盧導讀台 |
| 6:15 | Sèng-tiān Lāi-pō͘ ê Chng-siat( LTH 3: 8-14)I ēng pek-hiuⁿ chhâ pán khí chò tiān ê lāi chhiûⁿ; tùi tiān ê thô͘-kha kàu êⁿ-á, lóng ēng chhâ kā i khàm, koh ēng siông chhiū pán pho͘ tiān ê thô͘-kha. | 註釋 串珠 盧導讀台 |
| 6:16 | I koh tī tiān ê āu-bīn, ēng pek-hiuⁿ chhâ pán tùi thô͘-kha kàu êⁿ-á khí keh chi̍t keng chhim jī-cha̍p tiú ê tiān, tùi thô͘-kha kàu êⁿ-á, kā i chò tī lāi-bīn, chiâⁿ-chò āu-tiān, to̍h-sī chì-sèng-só͘. | 註釋 串珠 盧導讀台 |
| 6:17 | Āu-tiān chêng ê tiān chhim sì-cha̍p tiú. | 註釋 串珠 盧導讀台 |
| 6:18 | Tiān lāi ê pek-hiuⁿ chhâ lóng ū khek pû-á kah hoe-lúi, tiān lāi lóng sī tah pek-hiuⁿ chhâ, bô khòaⁿ tio̍h chi̍t tè chio̍h. | 註釋 串珠 盧導讀台 |
| 6:19 | Tiān ê lāi-bīn ū chún-pī āu-tiān, beh tī hia an-tì Siōng-chú ê iok-kūi. | 註釋 串珠 盧導讀台 |
| 6:20 | Āu-tiān ê lāi-bīn tn̂g jī-cha̍p tiú, khoah jī-cha̍p tiú, koân jī-cha̍p tiú, lóng ēng sûn-kim lâi an, mā ēng pek-hiuⁿ chhâ khàm tôaⁿ. | 註釋 串珠 盧導讀台 |
| 6:21 | Tiān lāi, Só͘-lô-móng lóng ēng sûn-kim lâi an; āu-tiān ê thâu-chêng khan kim liān-á, mā ēng sûn-kim lâi an. | 註釋 串珠 盧導讀台 |
| 6:22 | Choân tiān lóng an kim, it-ti̍t kàu hit keng tiān lóng khí hó; tī āu-tiān ê tôaⁿ, mā lóng an kim. | 註釋 串珠 盧導讀台 |
| 6:23 | Tī āu-tiān ê lāi-bīn, i ēng kaⁿ-ná chhâ chò nn̄g-ê ki-lō͘-peng, ta̍k-ê koân cha̍p tiú. | 註釋 串珠 盧導讀台 |
| 6:24 | Ki-lō͘-peng chit pêng ê si̍t gō͘ tiú, hit pêng ê si̍t gō͘ tiú; tùi chit pêng ê si̍t-bóe kàu hit pêng ê si̍t-bóe, kiōng cha̍p tiú. | 註釋 串珠 盧導讀台 |
| 6:25 | Hitê ki-lō͘-peng mā sī cha̍p tiú, nn̄g-ê ki-lō͘-peng ê chhùn-chhioh kah khoán-sit lóng sio-kāng. | 註釋 串珠 盧導讀台 |
| 6:26 | Chit-ê ki-lō͘-peng koân cha̍p tiú, hit-ê ki-lō͘-peng mā sī ánne. | 註釋 串珠 盧導讀台 |
| 6:27 | I kā ki-lō͘-peng hē tī āu-tiān ê lāi-bīn, ki-lō͘-peng ê si̍t thí-khui; chit-ê ki-lō͘-peng chi̍t-ê si̍t kàu chit pêng ê chhiûⁿ, hit-ê ki-lō͘-peng chi̍t-ê si̍t kàu hit pêng ê chhiûⁿ, in nn̄g ki si̍t tī tiān lāi sio-chiap. | 註釋 串珠 盧導讀台 |
| 6:28 | I koh ēng kim an hiahê ki-lō͘-peng. | 註釋 串珠 盧導讀台 |
| 6:29 | Lāi-gōa tiān lāi bīn sì-kho͘-ûi ê chhiûⁿ lóng ū tiau-khek, to̍h-sī tiau-khek ki-lō͘-peng, chó chhiū kah hoe-lúi ê khoán-sit. | 註釋 串珠 盧導讀台 |
| 6:30 | Tiān ê tē-pán, lāi-gōa lóng an kim. | 註釋 串珠 盧導讀台 |
| 6:31 | Koh ēng kaⁿ-ná chhâ chò ji̍p āu-tiān ê mn̂g, i ê mn̂g-bâi kah mn̂g-kheng chiàm chhiûⁿ ê gō͘-hūn chi-it. | 註釋 串珠 盧導讀台 |
| 6:32 | Ēng kaⁿ-ná chhâ só͘ chō ê nn̄g-ê mn̂g-sìⁿ, téng-bīn ū khek ki-lō͘-peng, chó chhiū kah hoe-lúi ê khoán-sit, lóng an kim; koh ēng kim siuⁿ tī ki-lō͘-peng kah chó chhiū ê téng-bīn. | 註釋 串珠 盧導讀台 |
| 6:33 | I koh ēng kaⁿ-ná chhâ chò ji̍p gōa tiān ê mn̂g-kheng, chiàm chhiûⁿ ê sì-hūn chi-it. | 註釋 串珠 盧導讀台 |
| 6:34 | I koh ēng siông chhiū chhâ chò siang pêng ê mn̂g-sìⁿ, chit pêng mn̂g ê nn̄g sìⁿ ē áu-tit, hit pêng mn̂g ê nn̄g sìⁿ mā ē áu-tit. | 註釋 串珠 盧導讀台 |
| 6:35 | Mn̂g téng-bīn khek ki-lō͘-peng, chó chhiū kah hoe-lúi ê khoán-sit, lóng an kim, koh ēng kim siuⁿ tī tiau-khek ê kông ê téng-bīn. | 註釋 串珠 盧導讀台 |
| 6:36 | I koh ēng múi saⁿ ûn phah hó ê chio̍h, tha̍h chi̍t ûn pek-hiuⁿ chhâ, lâi khí lāi-īⁿ ê chhiûⁿ. | 註釋 串珠 盧導讀台 |
| 6:37 | Tī tē-sì nî, Ji-hu goe̍h, i hē Siōng-chú ê tiān ê tē-ki. | 註釋 串珠 盧導讀台 |
| 6:38 | Kàu cha̍p-it nî, pò͘-le̍k goe̍h, to̍h-sī peh goe̍h, sèng-tiān só͘-ū ê it-chhè lóng chiàu i ê sè-chiat chō-sêng. I khí-chō sèng-tiān kiōng chhit nî. | 註釋 串珠 盧導讀台 |