Hô-se-a su/何西阿書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
3 Hô-se-a kah Put-cheng ê Cha-bó͘ Lâng
Siōng-chú tùi góa kóng, " Lí tio̍h koh khì thiàⁿ hit-ê chabó͘ lâng, i sī îm-hū, mā sī i siong-hó ê lâng só͘ thiàⁿ ê, chhin-chhiūⁿ Siōng-chú thiàⁿ I-su-la-el lâng, chóng-.sī, in phian-ǹg pa̍t-ê sîn-bêng, ì-ài phû-tô-koaⁿ piáⁿ. "
2 Góa chiū ēng gîn cha̍p-gō͘ si-khel, tōa-be̍h chi̍t ho-mel koh pòaⁿ ho-mel, kā i bé-lâi kui góa.
3 Góa tùi i kóng, " Lí tio̍h kah góa kakī tòa chē-chē ji̍t, m̄ thang khì kiâⁿ kan-îm, mā m̄ thang tòe pa̍t lâng khì, góa mā ē ánne tùi-thāi lí. "
4 In-ūi I-su-la-el mā ē kakī tòa chē-chē ji̍t, bô kun-ông, bô siú-léng, bô chè-sū, bô tiau-khek ê thiāu, bô chè-si ho̍k, chhù lāi mā bô ngó͘-siōng.
5 Āu-lâi, I-su-la-el lâng ē oa̍t tńg-lâi chhōe in ê Siōng-tè kah in ê ông Ta-bi̍t. Jiân-āu, in ē kiaⁿ-ùi lâi ǹg Siōng-chú kah I ê un-hūi.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。