Thê-mô͘-thài Hō͘ su/提摩太後書簡介 線上收聽:中文和合本 台語聖經 台語聖經(長老會傳播中心授權） 客語聖經 福州話聖經 粵語和合本 希臘文 下載檔案 關於語音聖經
1 Chhéng-an
Góa sī Páu-lô, hōng Siōng-tè ê chí-ì chò Ki-tok I-é-su ê sù-tô͘, lâi thoân Siōng-tè só͘ èng-ín, thong-kòe kah Ki-tok I-é-su kiat-liân chiah ē-tàng tit tio̍h ê oa̍h-miā.
2 Góa siá phoe kià hō͘ góa só͘ thiàⁿ ê kiáⁿ Tî-mó͘-theh. Goān lí tùi Thiⁿ-pē Siōng-tè kah lán ê Chú Ki-tok I-é-su, tit tio̍h un-tián, liân-bín kah pêng-an.
3 Kám-siā kah Kî-tó
Góa kám-siā Siōng-tè, to̍h-sī góa kah goán lia̍t-chó͘ kāng-khoán ēng sûn-kiat ê liông-sim teh kèng-pài ê Siōng-tè. Góa mê-ji̍t tī kî-tó tiong put-sî lóng teh siàu-liām lí bô soah.
4 Góa nā siūⁿ-khí lán lī-pia̍t ê sî lí teh lâu ba̍k-sái, góa chiū chin ài koh kah lí kìⁿ-bīn, thang hō͘ góa móa-sim hoaⁿ-hí.
5 Góa ē kì-tit lí ū sûn chin ê sìn-gióng, to̍h-sī lí ê gōa-má Lô-í kah lí ê lāu-bú Iû-nî-ke khah chá to̍h ū ê, góa khak-sìn lí chitmá mā ū chit khoán ê sìn-gióng.
6 In-ūi ánne, góa kā lí thê-chhéⁿ, góa kā lí hōaⁿ-chhiú ê sî Siōng-tè hō͘ lí ê un-sù, lí tio̍h hō͘ i chhin-chhiūⁿ hō͘ hóe koh tiám-to̍h khí-.lâi.
7 In-ūi Siōng-tè siúⁿ-sù hō͘ lán ê Sèng-lêng, m̄-sī beh hō͘ lán kiaⁿ-hiâⁿ, tian-tò sī beh hō͘ lán ū khùi-la̍t, thiàⁿ-sim kah siú-kí ê sim-sîn.
8 M̄-thang Ūi Kiàn-chèng Kiàn-siàu
Só͘-í, lán ūi Chú chò kiàn-chèng m̄ thang kám-kak kiàn-siàu, mā m̄ thang in-ūi góa ūi tio̍h Chú chiâⁿ-chò siû-hoān, lâi kám-kak kiàn-siàu; tio̍h chiàu Siōng-tè só͘ sù ê koân-lêng, lâi kah góa ūi tio̍h hok-im chò-hóe siū khó͘.
9 Siōng-tè chín-kiù lán, ho͘-tiàu lán chò I ê chú-bîn, m̄-sī kin-kì lán ê hêng-ûi, sī chiàu I kakī ê chí-ì kah un-tián. Chit-ê un-tián sī tī bān sè í-chêng, to̍h thong-kòe Ki-tok I-é-su siúⁿ-sù hō͘ lán ê.
10 Chit-ê un-tián chitmá thong-kòe lán ê Kiù-chú Ki-tok I-é-su ê hián-hiān lâi si̍t-hiān. Ki-tok í-keng húi-bia̍t sí-bông ê koân-sè, koh thong-kòe hok-im, kā bē pāi-hoāi ê oa̍h-miā koh-chài hián-bêng chhut-.lâi.
11 Ūi tio̍h chit-ê hok-im, Siōng-tè kā góa siat-li̍p chò thoân-tō-chiá, chò sù-tô͘, chò kàu-su,
12 Só͘-í, góa chiah teh siū khó͘, m̄ koh, góa bô kám-kak kiàn-siàu, in-ūi góa bat góa só͘ sìn ê Siōng-tè, mā khak-sìn I ē pó-siú góa chò I kau-thok góa chò ê kang-chok, it-ti̍t kàu Chú chài-lîm ê ji̍t.
13 Tio̍h ēng lí tùi góa só͘ thiaⁿ-.tio̍h ê hiahê kiān-choân ê tō-lí chò bô͘-hoān, lâi chhî-siú lán thong-kòe kah Ki-tok I-é-su kiat-liân só͘ tit tio̍h ê sìn-sim kah thiàⁿ-sim.
14 Tio̍h óa-khò Sèng Sîn, lâi kò͘-siú Siōng-tè kau-thok lán ê hó sū.
15 Lí chai, tī A-si-a séng ê lâng lóng pōe-ge̍k góa, pau-koat Hu-gé-loh kah He̍k-mô͘-ge-neh.
16 Goān Chú liân-bín O͘-ne-sí-ho͘h chi̍t ke ê lâng, in-ūi i tiāⁿtiāⁿ kā góa kó͘-lē, mā bô In-ūi góa kòa thih-liān lâi kám-kak kiàn-siàu,
17 Tian-tò chi̍t-ē lâi-kàu Lô-má to̍h phah-piàⁿ chhōe góa, it-ti̍t chhōe kàu tio̍h ūi chí.
18 Goān Chú hō͘ i tī Chú chài-lîm hit ji̍t, tùi Chú tit tio̍h liân-bín! I tī Ê-hu-soh hiahni̍h gâu ho̍k-sāi góa, lí mā chin chheng-chhó.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。