Chim-giân/箴言簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
2:1 Tì-hūi ê Kè-ta̍t
Góa ê kiáⁿ, lí nā chiap-siū góa ê ōe, kā góa ê kài-bēng khǹg tī sim-lāi,
2:2 àⁿ hīⁿ-khang lâi thiaⁿ tì-hūi, choan-sim lâi kiû chhong-bêng;
2:3 Lí nā kiû tit tio̍h bêng-lí, tōa-siaⁿ kiû chhong-bêng;
2:4 Koh lí nā cháu-chhōe bêng-lí chhin-chhiūⁿ teh chhōe chîⁿ-gîn, chhiau-chhōe bêng-lí chhin-chhiūⁿ teh chhiau-chhōe ún-ba̍t ê pó-pòe;
2:5 ánne lí chiū ē bêng-pe̍k kèng-ùi Siōng-chú ê tāichì, koh ē chhōe tio̍h bat Siōng-tè ê hong-hoat.
2:6 In-ūi Siōng-chú siúⁿ-sù tì-hūi, tì-sek kah chhong-bêng lóng tùi I ê chhùi chhut-.lâi.
2:7 I kā chèng-ti̍t ê lâng chek-chū chin ê tì-hūi, kā hêng-ûi toan-chiàⁿ ê lâng pó-hō͘.
2:8 In-ūi I pó-siú kong-pêⁿ ê lō͘, pó-hō͘ sèng-tô͘ ê tō-lō͘.
2:9 Lí chiū ē bêng-pe̍k kong-gī ê phòaⁿ-toàn, kiâⁿ chèng-ti̍t kah só͘-ū ê hó lō͘.
2:10 In-ūi tì-hūi ē ji̍p-khì lí ê sim, tì-sek ē chò lí ê sim-sîn só͘ hoaⁿ-hí ê.
2:11 Lí ê sīn-tiōng kè-ōe ē pó-hō͘ lí, lí ê chhong-bêng ē pó-siú lí.
2:12 Ē hō͘ lí siám-phiah pháiⁿ lō͘, thoat-lī kóng-ōe hêng-ge̍k ê lâng.
2:13 Hit khoán lâng pàng-sak chèng-ti̍t ê lō͘, kiâⁿ tī o͘-àm ê tō-lō͘.
2:14 In hoaⁿ-hí chò pháiⁿ, ì-ài pháiⁿ lâng ê hêng-ge̍k.
2:15 In ê lō͘ oan-khiau, in ê só͘ kiâⁿ hêng-ge̍k.
2:16 Tì-hūi ē hō͘ lí siám-phiah îm-hū, to̍h-sī hiahê kóng phô͘-tháⁿ ōe ê ki-lí.
2:17 I khì-sak siàu-liân sî ê phit-phòe, bē kì-tit i kah Siōng-tè ê iok.
2:18 In-ūi i ê chhù ǹg tī sí-bông, i ê lō͘ thàu kàu im-hú.
2:19 Kiàn-nā kàu i hia ê, bô kah chi̍t-ê ē-tàng tò tńg-lâi oa̍h-miā ê lō͘.
2:20 Só͘-í, tì-hūi ē hō͘ lí kiâⁿ hó lâng ê lō͘, chhî-siú gī lâng ê tō-lō͘.
2:21 In-ūi chèng-ti̍t ê lâng ē tòa tī tē-bīn, oân-choân ê lâng mā ē lâu tī hia.
2:22 To̍k-to̍k pháiⁿ lâng ē hông tùi tē-bīn siau-bia̍t, kan-chà ê lâng ē hông tùi hia hiat-ka̍k.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。