Iâ-lī-bí su/耶利米書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
45:1 Siōng-chú hō͘ Pa-lo-sih ê Èng-ín
Iô-tah ông Io-si-iah ê kiáⁿ E-hō͘-iá-kim sì nî, Nê-lé-iù ê kiáⁿ Pa-lo-sih kā I-é-lí-miah sian-ti só͘ thoân hiahê ōe, kì tī chheh-.ni̍h.
45:2 Hit sî, I-é-lí-miah tùi i kóng, " Pa-lo-sih, Siōng-chú — I-su-la-el ê Siōng-tè kóng tio̍h lí ū ánne kóng:
45:3 Lí bat kóng, ' Góa ū chai-hō ah! Siōng-chú tī góa thòng-khó͘ ê téng-bīn ke-thiⁿ iu-chhiû; góa thó͘-khùi kàu ià-siān, bē tàng pêng-an. '
45:4 " Taⁿ lí tio̍h ánne kā i kóng, Siōng-chú ánne kóng: Lí khòaⁿ, Góa só͘ kiàn-li̍p ê, Góa beh thiah-húi; Góa só͘ chai-chèng ê, Góa beh poe̍h khí-.lâi; choân tē lóng sī ánne.
45:5 Lí kám ū ūi kakī tô͘-bô͘ tōa tāichì? M̄-thang tô͘-bô͘! Lí khòaⁿ, in-ūi Góa beh hō͘ chai-hō kàng-lo̍h tī kiàn-nā ū hiat-khì ê. Chóng-.sī, lí bô-lūn khì tó-ūi, Góa beh hō͘ lí khioh tio̍h kakī ê sèⁿ-miā. Che sī Siōng-chú kóng ê. "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。