Iâ-lī-bí su/耶利米書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
47:1 Iú-koan Hui-lī-sū ê Ōe
Hôa-láu kong-kek Ga-jah ê chìn-chêng, ū Siōng-chú koan-hē Hui-lī-sū lâng ê ōe lîm-kàu I-é-lí-miah sian-ti.
47:2 Siōng-chú ánne kóng: Lí khòaⁿ, ū chúi tùi pak-hong chhèng khí-.lâi, chiâⁿ-chò tiòng móa ê hô, ē tiòng móa chit-ê tē kah kî-tiong só͘-ū ê, í-ki̍p siâⁿ kah kî-tiong só͘ tòa ê. Lâng ē tōa-siaⁿ hoah, tòa tī hit kéng lāi ê jîn-bîn ē thî-khàu.
47:3 Ūi tio̍h tùi-te̍k ê ióng bé ê tê kho̍k-kho̍k háu ê siaⁿ, mā ūi tio̍h i hiahê chiàn-chhia kóaⁿ-kín chàu, i ê chhia-lián hū-hū háu, chiahê chò lāu-pē ê chhiú chiū nńg, bô oa̍t thâu khòaⁿ i ê kiáⁿ.
47:4 In-ūi sî-ji̍t kàu à, beh húi-bia̍t só͘-ū ê Hui-lī-sū lâng, beh tùi Tu-lô, Si-tòng chián-tû só͘ chhun lo̍h-lâi kā in pang-chān ê. In-ūi Siōng-chú ē húi-bia̍t Hui-lī-sū lâng, Ka-hu-tok tó-sū só͘ chhun lo̍h-.lâi ê jîn-bîn.
47:5 Ga-jah í-keng bô pòaⁿ-ki thâu-mn̂g; A-si-ke-lông kui tī bô, soaⁿ-kok só͘ chhun lo̍h-.lâi ê, lí kakī koah bah ē kàu gōa kú?
47:6 Siōng-chú ê to-kiàm, lí beh kàu tang-sî chiah soah? Tio̍h kiu ji̍p-khì lí ê to-siù, tiām-tiām bô tín-tāng.
47:7 Siōng-chú í-keng bēng-lēng lí khì kong-kek A-si-ke-lông, kong-kek hái piⁿ ê tē, I í-keng tiāⁿ tio̍h phài lí, lí ná ē thêng-chí?
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。