Hô-se-a su/何西阿書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
6:1 Hō͘-siong Bián-lē Kui-ǹg Siōng-chú
I-su-la-el lâng kóng, " Lâi! Lán tio̍h kui-óa Siōng-chú! I kā lán thiah-li̍h, mā ē kā lán i hó; I phah lán, mā ē kā lán ê siong pau khí-.lâi.
6:2 Kòe nn̄g ji̍t, I ē hō͘ lán koh-oa̍h, kàu tē-saⁿ ji̍t, I ē hō͘ lán khí-.lâi, lán chiū ē oa̍h tī I ê bīn-chêng.
6:3 Lán tio̍h jīn-bat Siōng-chú, chhut-la̍t chìn-chêng lâi jīn-bat I. I ún-tàng ē chhin-chhiūⁿ thiⁿ-kng chá-khí ê kng chhut-hiān, I ē chhin-chhiūⁿ hō͘ lîm-kàu lán, mā ē chhin-chhiūⁿ chhun-thiⁿ ê hō͘ teh chu-jūn thó͘-tē.
6:4 Siōng-chú ê Hôe-tap
Chóng-.sī, Siōng-chú kóng, " E-hu-laim, Góa tio̍h án-chóaⁿ khoán-thāi lí? Iô-tah, Góa tio̍h án-chóaⁿ khoán-thāi lí? In-ūi lí ê siān-liông chhin-chhiūⁿ chá-khí sî ê hûn-bū, koh chhin-chhiūⁿ chin kín ta ê lō͘-chúi.
6:5 In-ūi ánne, Góa ēng sian-ti lâi kā in thâi-siah, ēng Góa chhùi lāi ê ōe kā in thâi-sí. Góa ê sím-phòaⁿ ē chhin-chhiūⁿ ū kng hoat chhut-.lâi.
6:6 In-ūi Góa ài liân-bín, bô ài chè-sū; ài lâng jīn-bat Siōng-tè, iâⁿ-kòe sio-chè.
6:7 " Chóng-.sī, in chhin-chhiūⁿ A-tám pōe-iok, tī hia ǹg Góa kiâⁿ kúi-chà.
6:8 Gi-lia̍t to̍h-sī kiâⁿ pháiⁿ-.ê ê siâⁿ, bak tio̍h hoeh-jiah.
6:9 Chhin-chhiūⁿ kui tīn ê chha̍t bâi-ho̍k teh tng-tán lâng; chè-si kiat-tóng, mā chhin-chhiūⁿ ánne tī Sī-khiàm ê lō͘ thâi lâng, jî-chhiáⁿ si̍t-chāi teh kiâⁿ siâ-îm.
6:10 Tī I-su-la-el ê chú-bîn, Góa khòaⁿ tio̍h ke̍k thang thó-ià ê tāichì; tī hia ū E-hu-laim ê îm-hēng, I-su-la-el bak tio̍h lahsap.
6:11 " Iô-tah, góa hō͘ siū lia̍h ê jîn-bîn tńg-.lâi ê sî, chiū beh ūi tio̍h lí chún-pī siu-koah. "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。