Hô-se-a su/何西阿書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
8:1 Siōng-chú Khián-chek I-su-la-el Lâng Pài Ngó͘-siōng
Siōng-chú kóng, " Lí ê chhùi tio̍h pûn sàu-kak! Tùi-te̍k chhin-chhiūⁿ eng teh kong-kek Siōng-chú ê tiān; in-ūi chiahê jîn-bîn ûi-pōe Góa ê iok, hoān tio̍h Góa ê lu̍t-hoat.
8:2 In ē tōa-siaⁿ tùi Góa âu-kiò, kóng: Goán ê Siōng-tè ah, goán I-su-la-el bat Lí.
8:3 I-su-la-el pàng-sak siān-liông; tùi-te̍k beh jiok i.
8:4 " In siat-li̍p kun-ông, m̄-sī tùi Góa lâi siat-li̍p i; in siat-li̍p siú-léng, Góa mā m̄-chai. In ēng in ê gîn kah in ê kim chō ngó͘-siōng, tì-sú in siū chián-tû.
8:5 Sa-má-lī-a, I ū pàng-sak lí ê gû-á; Góa ê tōa siū-khì tùi in hoat-chok. In kàu tang-sî chiah ē tit tio̍h bô chōe?
8:6 Chit-ê chhut tī I-su-la-el, sī sai-hū só͘ chō ê, i m̄-sī Siōng-tè. Sa-má-lī-a ê gû-á choa̍t-tùi ē tú tio̍h siū phah-chhùi.
8:7 I só͘ chai-chèng ê sī hong, só͘ siu-sêng ê sī kńg-lê-á hong; m̄ chiâⁿ châng, só͘ hoat ê ki bē kiat kóe-chí; to̍h-sī kóng nā kiat kóe-chí, gōa-pang lâng mā ē kā i chia̍h tiāu.
8:8 I-su-la-el í-keng siū thun-bia̍t; chitmá tī lia̍t kok tiong chhin-chhiūⁿ lâng bô hoaⁿ-hí ê khì-kū.
8:9 In tńg-khì A-siul, chhin-chhiūⁿ kakī tòa ê iá-lî; E-hu-laim bé-siu lâng lâi kā i thiàⁿ.
8:10 In sûi-jiân tī lia̍t kok tiong bé lâng lâi kā in thiàⁿ, Góa beh kā in chū-chi̍p; in in-ūi kun-ông kah siú-léng só͘ hē ê tāng-tàⁿ chiām-chiām soe-bî.
8:11 " E-hu-laim ke khí chè-tôaⁿ tì-sú hoān chōe; in-ūi ánne, chè-tôaⁿ hō͘ in hoān chōe.
8:12 Góa ūi i siá Góa ê lu̍t-hoat chiâⁿ-bān tiâu, chóng-.sī, i kā i khòaⁿ-chò kah i lóng bô koan-hē.
8:13 Kóng tio̍h hiàn hō͘ Góa ê lé-mi̍h, in hiàn bah lâi kakī chia̍h, chóng-.sī, Siōng-chú bô chiap-la̍p in. Taⁿ Góa beh kì-tit in ê chōe-kò, pān in ê chōe-ok; in ē tò tńg-khì Ai-gi̍p.
8:14 " In-ūi I-su-la-el bē kì-tit chhòng-chō in ê Chú, khí keng-biō; Iô-tah ke khí kian-kò͘ ê siâⁿ, Góa beh kàng hóe tī i ê siâⁿ, sio in ê iâⁿ-pâng. "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。