Hô-se-a su/何西阿書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
14:1 Hô-se-a Ho͘-io̍k I-su-la-el Lâng Kui-ǹg Siōng-chú
I-su-la-el lâng, lí tio̍h tò tńg-lâi kui Siōng-chú — lí ê Siōng-tè; in-ūi lí tùi lí ê chōe lâi poa̍h-tó.
14:2 Tio̍h chún-pī ōe tò tńg-lâi kui Siōng-chú, tùi I kóng, " Kiû Lí sià-bián góa só͘-ū ê chōe, ēng un-tián chiap-la̍p goán; goán chiū ēng chhùi oló lâi tāi-thè seng-lé.
14:3 A-siul bē tàng kiù goán, goán bô koh khiâ bé, mā bô koh tùi goán ê chhiú só͘ chō ê kóng: Lí sī goán ê sîn-bêng, in-ūi ko͘-jî tùi lí tit tio̍h liân-bín.
14:4 Siōng-chú Èng-ín I-su-la-el Sin Sèⁿ-miā
Siōng-Chú kóng: Góa beh i hó i ê pōe-poān, Góa beh pe̍h-pe̍h thiàⁿ in; in-ūi Góa í-keng bô koh tùi in siū-khì.
14:5 Góa beh tī I-su-la-el chhin-chhiūⁿ lō͘-chúi; i ē khui hoe chhin-chhiūⁿ pek-ha̍p hoe, i ē chhun kin chhin-chhiūⁿ Le-ba-nòng.
14:6 I ê ki ē chhun tn̂g, i ê súi ē chhin-chhiūⁿ kaⁿ-ná chhiū; i ê phang ē chhin-chhiūⁿ Le-ba-nòng.
14:7 Tiàm tī i ê ìm-ńg ê ē tò tńg-.lâi, in ē chhin-chhiūⁿ ngó͘-kok koh hoán chheⁿ, khui hoe chhin-chhiūⁿ phû-tô chhiū. I ê phang ē chhin-chhiūⁿ Le-ba-nòng ê chiú.
14:8 E-hu-laim ē kóng: Góa kah ngó͘-siōng iáu ū siáⁿ-mi̍h khan-liân? Góa ū kā i ìn, koh kā i khòaⁿ-kò͘. Góa chhin-chhiūⁿ chheⁿ-chhùi ê siông chhiū, lí ê kóe-chí tùi góa lâi tit tio̍h.
14:9 Kiat-bóe ê Ōe
Siáⁿ lâng sī tì-hūi ê lâng ē bêng-pe̍k chiahê tāichì? Siáⁿ lâng sī thong-ta̍t ê lâng ē chai chiahê? In-ūi Siōng-chú ê tō-lō͘ sī chèng-ti̍t, gī lâng ē kiâⁿ tī hit tiong-kan, pōe-ge̍k ê lâng ē poa̍h-tó tī hit téng-bīn.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。