A-mô͘-sū su/阿摩司書簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
4:1 Lín Ba-siáng ê gû-bó, tiàm tī Sa-má-lī-a soaⁿ ê, lín tio̍h thiaⁿ chit-ê ōe: Lín khi-hū sànchhiah lâng, ap-chè kan-khó͘ lâng, tùi in ê tiōng-hu kóng: Phâng chiú lâi hō͘ goán lim!
4:2 Chì-koân Siōng-chú kí kakī ê sèng lâi chiùchōa kóng, " Lí khòaⁿ, ji̍t-chí teh beh lîm-kàu lín, lâng ē ēng kau kā lín lia̍h-.khì, ēng tiò-hî-kau lia̍h-khì lín só͘ chhun lo̍h-.lâi ê.
4:3 Lín ta̍k lâng ē tùi phòa-khiah ti̍t-ti̍t chìn-chêng khì, cháu ji̍p-khì Hal-móng. Che sī Siōng-chú kóng ê. "
4:4 I-su-la-el Iáu M̄ Hôe-thâu
Siōng-chú kóng, " Lín khì Be-thel hoān chōe, kàu Gil-gal ke-thiⁿ lín ê chōe; ta̍k chá-khí hiàn lín ê chè-mi̍h, múi saⁿ ji̍t hiàn lín ê cha̍p-hūn chi-it.
4:5 Mā hiàn ū kàⁿ ê mi̍h chò siā-un-chè, ēng kam-sim-chè lâi soan-iông, soan-pò͘; I-su-la-el lâng, che sī lín só͘ hoaⁿ-hí ê.
4:6 " Góa hō͘ lín tī ta̍k-ê siâⁿ lāi chhùi-khí lóng bô mi̍h thang pō͘, tī lín ê ta̍k só͘-chāi khiàm-khoeh bí-niûⁿ, lín iáu koh bô kui-ǹg Góa. Che sī Siōng-chú kóng ê.
4:7 Tī siu-koah í-chêng saⁿ goe̍h-ji̍t, Góa kìm-chí lo̍h hō͘ tī lín hia, Góa lo̍h hō͘ tī chit-ê siâⁿ, bô lo̍h hō͘ tī hit-ê siâⁿ; chit só͘-chāi ū hō͘, hit só͘-chāi bô hō͘ chiū ta-.khì.
4:8 Án-ne, nn̄g-saⁿ-ê siâⁿ ê lâng, sì-kè tian kàu chi̍t-ê siâⁿ chhōe chúi, mā bô thang chí chhùi-ta; lín iáu koh bô kui-ǹg Góa.
4:9 " Góa ēng ko͘-tâ, hiú-nōa kā lín kong-kek, lín ê hn̂g ê chhut-sán, lín ê phû-tô hn̂g, bû-hoa-kó chhiū, kaⁿ-ná chhiū lóng hō͘ chián-thâng chia̍h-.khì; lín iáu koh bô kui-ǹg Góa.
4:10 " Góa — Siōng-chú kàng un-e̍k tī lín tiong-kan, chhin-chhiūⁿ tī Ai-gi̍p ê khoán-sit; ēng to thâi-sí lín ê siàu-liân lâng, lín hiahê bé hō͘ lâng khan-.khì, iâⁿ lāi ê chhàu-bī chhèng kàu lín ê phīⁿ-khang; lín iáu koh bô kui-ǹg Góa. "
4:11 Siōng-chú ánne kóng, " Góa chhia-tó lín tiong-kan kúi-nā-ê siâⁿ, chhin-chhiūⁿ Siōng-chú chhia-tó So͘-tóm kah Am-mo͘-la̍h; lín chhin-chhiūⁿ chi̍t tè-á chhâ tùi hóe tiong thiu chhut-.lâi; lín iáu koh bô kui-ǹg Góa.
4:12 I-su-la-el, só͘-í, Góa beh ánne khoán-thāi lí; ūi tio̍h Góa beh ánne khoán-thāi lí, I-su-la-el lâng, lí tio̍h chún-pī lâi kìⁿ lí ê Siōng-tè! "
4:13 Hitê chhòng soaⁿ, chō hong, kā I ê sim-ì chí-sī lâng, hō͘ chá-khí sî piàn-chò o͘-àm, kha ta̍h tī tē-.ni̍h koân ê só͘-chāi ê, I ê miâ to̍h-sī bān-kun ê Siōng-tè — Siōng-chú.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。