Lī-bī kì/利未記簡介 線上收聽:中文和合本 台語聖經 客語聖經 福州話聖經 希伯來文讀經 下載檔案 關於語音聖經
3:1 Pêng-an-chè ê Kui-tēng
" I ê lé-mi̍h nā-sī siā-un ê chè, á-.sī tùi gû-kûn tiong hiàn, bô-lūn sī kang ê á-.sī bó ê, tio̍h ēng bô khoat-tiám ê hiàn tī Siōng-chú ê bīn-chêng.
3:2 I tio̍h tī lé-mi̍h ê thâu-khak téng hōaⁿ-chhiú, tī hōe-bō͘ ê mn̂g-kháu kā i thâi. A-lông kiáⁿ-sun chò chè-si ê, tio̍h ēng hoeh hiù tī tôaⁿ ê sì-kho͘-ûi.
3:3 Tùi siā-un-chè ê tiong-kan, tio̍h kā hóe-chè hiàn hō͘ Siōng-chú, ēng khàm pak-lāi ê iû kah pak-lāi só͘-ū ê iû,
3:4 í-ki̍p nn̄g lia̍p io-chí kah in só͘-ū ê iû, to̍h-sī óa-kīn io siang pêng ê iû kah koaⁿ-.ni̍h ê bāng-se, í-ki̍p io-chí, choân-pō͘ the̍h khí-.lâi.
3:5 A-lông ê kiáⁿ-sun tio̍h kā i sio tī tôaⁿ-.ni̍h sio-chè ê téng-bīn, to̍h-sī tī hóe-.ni̍h ê chhâ, che sī hiàn hō͘ Siōng-chú chò phang-phang ê hóe-chè.
3:6 " I ê lé-mi̍h chò siā-un ê chè hiàn hō͘ Siōng-chú ê, nā-sī tùi iûⁿ-kûn tiong, á-.sī kang ê, á-.sī bó ê, tio̍h ēng bô khoat-tiám ê.
3:7 Nā hiàn chi̍t chiah iûⁿ-á-kiáⁿ chò lé-mi̍h, tio̍h tī Siōng-chú ê bīn-chêng hiàn.
3:8 Mā tio̍h tī i ê lé-mi̍h ê thâu-khak téng hōaⁿ-chhiú, tī hōe-bō͘ chêng kā i thâi. A-lông ê kiáⁿ-sun tio̍h kā i ê hoeh hiù tī tôaⁿ ê sì-kho͘-ûi.
3:9 Tùi siā-un-chè ê tiong-kan, tio̍h kā hóe-chè hiàn hō͘ Siōng-chú, hit tiong-kan ê iû kah i choân-pō͘ pûi ê iûⁿ bóe tio̍h tùi óa-kīn chit-kut ê só͘-chāi the̍h khí-.lâi, khàm pak-lāi ê iû kah pak-lāi só͘-ū ê iû mā tio̍h the̍h khí-.lâi,
3:10 í-ki̍p nn̄g lia̍p io-chí kah in só͘-ū ê iû, to̍h-sī óa-kīn io siang pêng ê iû, koaⁿ-.ni̍h ê bāng-se kah io-chí, it-khài lóng tio̍h the̍h khí-.lâi.
3:11 Chè-si tio̍h tī tôaⁿ téng kā i sio, che sī hiàn hō͘ Siōng-chú chò hóe-chè ê chia̍h-mi̍h.
3:12 " I ê lé-mi̍h nā-sī soaⁿ-iûⁿ, tio̍h tī Siōng-chú ê bīn-chêng hiàn.
3:13 Tio̍h tī i ê thâu-khak hōaⁿ-chhiú, tī hōe-bō͘ chêng kā i thâi. A-lông ê kiáⁿ-sun tio̍h kā hoeh hiù tī tôaⁿ ê sì-kho͘-ûi.
3:14 I tio̍h tùi che hiàn i ê lé-mi̍h chò hóe-chè hō͘ Siōng-chú.
3:15 Ēng khàm pak-lāi ê iû kah pak-lāi só͘-ū ê iû, í-ki̍p nn̄g lia̍p io-chí kah in só͘-ū ê iû, to̍h-sī óa-kīn io siang pêng ê iû kah koaⁿ téng-bīn ê bāng-se, í-ki̍p io-chí, it-khài the̍h khí-.lâi.
3:16 Chè-si tio̍h tī tôaⁿ téng kā i sio, chò phang-phang ê hóe-chè ê chia̍h-mi̍h. Iû lóng sī Siōng-chú ê.
3:17 Tī lín só͘-ū tòa ê só͘-chāi, iû kah hoeh lóng m̄ thang chia̍h, che beh chò lín ta̍k sè-tāi éng-oán tiāⁿ tio̍h ê lē. "
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。