Thê-mô͘-thài Chiân su/提摩太前書簡介 線上收聽:中文和合本 台語聖經 台語聖經(長老會傳播中心授權） 客語聖經 福州話聖經 粵語和合本 希臘文 下載檔案 關於語音聖經
3:1 Kàu-hōe ê Léng-tō-chiá
Lâng nā him-bō͘ chò kàu-hōe ê léng-tō-chiá, i sī ì-ài hó ê kang-chok, chit kù sī chin-si̍t ê ōe.
3:2 Só͘-í, chò léng-tō-chiá ê eng-kai tio̍h bô khoat-tiám, chí ū chi̍t-ê bó͘, m̄ thang hò͘ⁿ-chiú, tio̍h an-hūn siú-kí, toan-chiàⁿ, hó khoán-thāi chhut-gōa lâng, gâu kà-sī;
3:3 Bô in-ūi chiú-chùi lâi jiá-sū, bô iá-bân, hoán-tńg tio̍h un-jiû, bô sio-cheⁿ, bô tham-châi;
3:4 Gâu koán-lí kakī ê ka-têng, hō͘ kiáⁿ-jî sūn-ho̍k, sū-sū kèng-tiōng.
3:5 In-ūi lâng nā bē hiáu koán-lí kakī ê ka-têng, ná ē-hiáu chiàu-kò͘ Siōng-tè ê kàu-hōe lè?
3:6 M̄-thang hō͘ chho͘-sìn ê lâng chò kàu-hōe ê léng-tō-chiá, kiaⁿ i ē chū-khoa, soah hām-lo̍h kah Mô͘-kúi só͘ siū kāng-khoán ê sím-phòaⁿ.
3:7 Kàu-hōe léng-tō-chiá mā tio̍h tī kàu-hōe gōa ū hó miâ-siaⁿ, chiah bián tú tio̍h lâng ê húi-pòng, soah hām-lo̍h Mô͘-kúi-ê lô-bāng.
3:8 Kàu-hōe Léng-tō-chiá ê Chō͘-chhiú, Chip-sū
Chò chip-sū ê mā kāng-khoán tio̍h toan-chong, bô kóng siaam bīn-ōe, bô hò͘ⁿ-chiú, bô tham put-gī ê chîⁿ-châi;
3:9 Tio̍h iōng chheng-khì ê liông-sim, lâi chhî-siú ò-biāu ê tō-lí.
3:10 Chit khoán lâng mā tio̍h seng hō͘ in chiap-siū khó-giām, nā bô thang hiâm chiah thang hō͘ in chò chip-sū.
3:11 Chò chip-sū-niû ê mā tio̍h toan-chong, bô kóng lâng ê pháiⁿ ōe, bô hò͘ⁿ-chiú, ta̍k hāng tāichì lóng tiong-si̍t.
3:12 Chip-sū tio̍h chí ū chi̍t-ê bó͘, gâu koán-kà kiáⁿ-jî, koh gâu koán-lí kakī ê ka-têng.
3:13 In-ūi nā hó-hó chīn chip-sū ê chit-bū, kakī ē tit tio̍h hó miâ-siaⁿ, mā chiah ē-tàng hó-táⁿ káng-lūn Ki-tok I-é-su ê tō-lí.
3:14 Ko-chhim ê Ò-pì
Góa siá chiahê hō͘ lí, sī ǹg-bāng góa pún-sin liâmpiⁿ ē-tàng khì lí hia.
3:15 Nā-sī iân-chhiân bān khì, chit tiuⁿ phoe ē-tàng hō͘ lí chai, tī Siōng-tè ê ke eng-kai tio̍h án-chóaⁿ seng-oa̍h. Chit-ê ke to̍h-sī éng-oán oa̍h ê Siōng-tè ê kàu-hōe, mā sī chin-lí ê thiāu-chio̍h kah tē-ki.
3:16 Tāi-ke lóng kong-khai sêng-jīn lán sìn-gióng ê ò-pì sī gōa-ni̍h-á tōa, to̍h-sī I-é-su hián-hiān chò lâng, ū Sèng Sîn lâi chèng-si̍t, ū chhut-hiān hō͘ thiⁿ-sài khòaⁿ, ū tī gōa-pang siū soan-iông, ū hō͘ sè-kan lâng siong-sìn, koh ū siū chiap-la̍p khì tī êng-kng ê thiⁿ-téng.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。