| 章節 | 全民台語聖經全羅經文 | 註釋 |
| 3:1 | Kàu-hōe ê Léng-tō-chiáLâng nā him-bō͘ chò kàu-hōe ê léng-tō-chiá, i sī ì-ài hó ê kang-chok, chit kù sī chin-si̍t ê ōe. | 註釋 串珠 盧華 盧導讀台 |
| 3:2 | Só͘-í, chò léng-tō-chiá ê eng-kai tio̍h bô khoat-tiám, chí ū chi̍t-ê bó͘, m̄ thang hò͘ⁿ-chiú, tio̍h an-hūn siú-kí, toan-chiàⁿ, hó khoán-thāi chhut-gōa lâng, gâu kà-sī; | 註釋 串珠 盧華 盧導讀台 |
| 3:3 | Bô in-ūi chiú-chùi lâi jiá-sū, bô iá-bân, hoán-tńg tio̍h un-jiû, bô sio-cheⁿ, bô tham-châi; | 註釋 串珠 盧華 盧導讀台 |
| 3:4 | Gâu koán-lí kakī ê ka-têng, hō͘ kiáⁿ-jî sūn-ho̍k, sū-sū kèng-tiōng. | 註釋 串珠 盧華 盧導讀台 |
| 3:5 | In-ūi lâng nā bē hiáu koán-lí kakī ê ka-têng, ná ē-hiáu chiàu-kò͘ Siōng-tè ê kàu-hōe lè? | 註釋 串珠 盧華 盧導讀台 |
| 3:6 | M̄-thang hō͘ chho͘-sìn ê lâng chò kàu-hōe ê léng-tō-chiá, kiaⁿ i ē chū-khoa, soah hām-lo̍h kah Mô͘-kúi só͘ siū kāng-khoán ê sím-phòaⁿ. | 註釋 串珠 盧華 盧導讀台 |
| 3:7 | Kàu-hōe léng-tō-chiá mā tio̍h tī kàu-hōe gōa ū hó miâ-siaⁿ, chiah bián tú tio̍h lâng ê húi-pòng, soah hām-lo̍h Mô͘-kúi-ê lô-bāng. | 註釋 串珠 盧華 盧導讀台 |
| 3:8 | Kàu-hōe Léng-tō-chiá ê Chō͘-chhiú, Chip-sūChò chip-sū ê mā kāng-khoán tio̍h toan-chong, bô kóng siaam bīn-ōe, bô hò͘ⁿ-chiú, bô tham put-gī ê chîⁿ-châi; | 註釋 串珠 盧華 盧導讀台 |
| 3:9 | Tio̍h iōng chheng-khì ê liông-sim, lâi chhî-siú ò-biāu ê tō-lí. | 註釋 串珠 盧華 盧導讀台 |
| 3:10 | Chit khoán lâng mā tio̍h seng hō͘ in chiap-siū khó-giām, nā bô thang hiâm chiah thang hō͘ in chò chip-sū. | 註釋 串珠 盧華 盧導讀台 |
| 3:11 | Chò chip-sū-niû ê mā tio̍h toan-chong, bô kóng lâng ê pháiⁿ ōe, bô hò͘ⁿ-chiú, ta̍k hāng tāichì lóng tiong-si̍t. | 註釋 串珠 盧華 盧導讀台 |
| 3:12 | Chip-sū tio̍h chí ū chi̍t-ê bó͘, gâu koán-kà kiáⁿ-jî, koh gâu koán-lí kakī ê ka-têng. | 註釋 串珠 盧華 盧導讀台 |
| 3:13 | In-ūi nā hó-hó chīn chip-sū ê chit-bū, kakī ē tit tio̍h hó miâ-siaⁿ, mā chiah ē-tàng hó-táⁿ káng-lūn Ki-tok I-é-su ê tō-lí. | 註釋 串珠 盧華 盧導讀台 |
| 3:14 | Ko-chhim ê Ò-pìGóa siá chiahê hō͘ lí, sī ǹg-bāng góa pún-sin liâmpiⁿ ē-tàng khì lí hia. | 註釋 串珠 盧華 盧導讀台 |
| 3:15 | Nā-sī iân-chhiân bān khì, chit tiuⁿ phoe ē-tàng hō͘ lí chai, tī Siōng-tè ê ke eng-kai tio̍h án-chóaⁿ seng-oa̍h. Chit-ê ke to̍h-sī éng-oán oa̍h ê Siōng-tè ê kàu-hōe, mā sī chin-lí ê thiāu-chio̍h kah tē-ki. | 註釋 串珠 盧華 盧導讀台 |
| 3:16 | Tāi-ke lóng kong-khai sêng-jīn lán sìn-gióng ê ò-pì sī gōa-ni̍h-á tōa, to̍h-sī I-é-su hián-hiān chò lâng, ū Sèng Sîn lâi chèng-si̍t, ū chhut-hiān hō͘ thiⁿ-sài khòaⁿ, ū tī gōa-pang siū soan-iông, ū hō͘ sè-kan lâng siong-sìn, koh ū siū chiap-la̍p khì tī êng-kng ê thiⁿ-téng. | 註釋 串珠 盧華 盧導讀台 |