Iok-hān It su/約翰一書簡介 線上收聽:中文和合本 台語聖經 台語聖經(長老會傳播中心授權） 客語聖經 福州話聖經 粵語和合本 希臘文 下載檔案 關於語音聖經
1:1 Oa̍h-miā ê Tō
Goán beh lâi siá koan-hē oa̍h-miā ê tō, kā lín soat-bêng chit-ê tō tùi goân-khí-thâu to̍h chûn-chāi. Goán ū thiaⁿ-.tio̍h, chhin-ba̍k khòaⁿ-.tio̍h, ū siông-sè koan-khòaⁿ, mā ū chhin-chhiú bong tio̍h.
1:2 Chit-ê oa̍h-miā í-keng chhut-hiān, goán ū khòaⁿ-.tio̍h, chitmá lâi chò kiàn-chèng, beh pò lín chai hit-ê éng-oán ê oa̍h-miā; I pún-lâi to̍h kah Thiⁿ-pē tông-chāi, taⁿ tùi goán hián-hiān.
1:3 Goán kā só͘ khòaⁿ tio̍h kah só͘ thiaⁿ-.tio̍h ê thoân-pò hō͘ lín chai, thang hō͘ lín kah goán ū thoân-khè ê koan-hē. Chit-ê thoân-khè sī goán kah Thiⁿ-pē, í-ki̍p I ê Kiáⁿ I-é-su Ki-tok chi kan ê thoân-khè.
1:4 Goán siá chiahê tāichì hō͘ lín, sī beh hō͘ lán tāi-ke chhiong-móa hí-lo̍k.
1:5 Siōng-tè Sī Kng
Taⁿ goán tùi Siōng-tè ê Kiáⁿ thiaⁿ-.tio̍h, koh beh thoân hō͘ lín ê sìn-sit sī ánne, Siōng-tè sī kng, tī I lāi-bīn oân-choân bô o͘-àm.
1:6 Lán nā kóng lán kah Siōng-tè ū thoân-khè ê koan-hē, m̄ koh, iáu kè-sio̍k tī o͘-àm tiong seng-oa̍h, ánne sī teh kóng pe̍h-chha̍t, bô chiàu chin-lí teh kiâⁿ.
1:7 M̄ koh, lán nā tī kng-bêng tiong seng-oa̍h, chhin-chhiūⁿ Siōng-tè tī kng-bêng tiong, lán chiū hō͘-siong ū thoân-khè koan-hē, I ê Kiáⁿ I-é-su ê hoeh mā ē kè-sio̍k sé-tû lán it-chhè ê chōe.
1:8 Lán nā kóng kakī bô chōe, sī teh khi-phiàn kakī, lán ê sim-lāi chiū bô chin-lí.
1:9 Lán nā sêng-jīn lán ê chōe, Siōng-tè sī chin-si̍t koh kong-gī, I ē sià-bián lán ê chōe, sé-tû lán it-chhè ê put-gī.
1:10 Lán nā kóng m̄ bat hoān chōe, sī kā Siōng-tè khòaⁿ-chò kóng pe̍h-chha̍t, I ê tō-lí chiū bô tī lán ê sim-lāi.
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。