| 章節 | 全民台語聖經全羅經文 | 註釋 |
| 28:1 | Ta-bi̍t Tùi Khí-chō Sèng-tiān ê Chí-sīTa-bi̍t chio-chi̍p I-su-la-el ê siú-léng, kok chi-cho̍k ê siú-léng kah lûn-pan ho̍k-sāi ông ê kun-tiúⁿ, iâⁿ-tiúⁿ, liân-tiúⁿ, chiáng-koán ông kah ông ê kiáⁿ ê sán-gia̍p chengseⁿ ê kah thài-kàm, í-ki̍p tōa koân-lêng ê kah tōa koân-lêng ê ióng-sū, lóng lâi-kàu Ê-lú-sa-lèm. | 註釋 串珠 盧導讀台 |
| 28:2 | Ta-bi̍t ông chiū khiā khí-lâi kóng, " Góa ê hiaⁿ-tī, góa ê jîn-bîn, lín tio̍h thiaⁿ góa ê ōe, góa ê sim pún siūⁿ beh ūi tio̍h Siōng-chú ê iok-kūi, koh ūi tio̍h lán ê Siōng-tè ê kha-ta̍h-í, khí tiān lâi kā i an-tì; góa í-keng chún-pī beh khí, | 註釋 串珠 盧導讀台 |
| 28:3 | chóng-.sī, Siōng-tè tùi góa kóng, " Lí bē tàng ūi Góa ê miâ khí tiān, in-ūi lí sī chiàn-sū, ū hō͘ lâng lâu hoeh. ' | 註釋 串珠 盧導讀台 |
| 28:4 | M̄ koh, Siōng-chú — I-su-la-el ê Siōng-tè, tī góa ê pē choân ke kéng góa chò I-su-la-el ông ti̍t-kàu éng-oán. In-ūi I kéng Iô-tah chò siú-léng, tī Iô-tah ê chi-cho̍k tiong-kan kéng góa ê pē ê ke, tī góa ê pē ê chèng kiáⁿ tiong-kan kah-ì góa, siat-li̍p góa chò I-su-la-el jîn-bîn ê ông. | 註釋 串珠 盧導讀台 |
| 28:5 | Siōng-chú siúⁿ-sù góa chin chē kiáⁿ, tī góa ê kiáⁿ ê tiong-kan, kéng góa ê kiáⁿ Só͘-lô-móng tī Siōng-chú ê kok chē-ūi, tī-lí I-su-la-el. | 註釋 串珠 盧導讀台 |
| 28:6 | " I koh tùi góa kóng, ' Lí ê kiáⁿ Só͘-lô-móng ē khí Góa ê tiān kah Góa ê īⁿ, in-ūi Góa kéng i chò Góa ê kiáⁿ, Góa mā beh chò i ê pē. | 註釋 串珠 盧導讀台 |
| 28:7 | I nā kú-tn̂g chun-thàn Góa ê kài-bēng kah hoat-tō͘, chhin-chhiūⁿ kin-á-ji̍t, Góa chiū beh kian-kò͘ i ê kok-ūi, it-ti̍t kàu éng-oán. ' | 註釋 串珠 盧導讀台 |
| 28:8 | " Taⁿ tī Siōng-chú kah I-su-la-el jîn-bîn ê bīn-chêng, lán ê Siōng-chú mā ū thiaⁿ-.tio̍h, lín tio̍h chhâ-khó lín ê Siōng-tè — Siōng-chú ê kài-bēng, lâi kā i chip-siú, ánne lín chiū thang hióng-siū chit-ê hó ê tē, lâu hō͘ lín āu-tāi ê kiáⁿ-sun, éng-oán chò sán-gia̍p. | 註釋 串珠 盧導讀台 |
| 28:9 | " Góa ê kiáⁿ Só͘-lô-móng, lí tio̍h jīn-bat lí ê pē ê Siōng-tè, ēng sêng-si̍t ê sim lâi hoaⁿ-hí ho̍k-sāi I; in-ūi Siōng-chú kàm-chhat kûn-chiòng ê sim, chai só͘-ū ê sim-su liām-thâu. Lí nā chhōe I, I ē hō͘ lí tú-.tio̍h; lí nā pàng-sak I, I ē éng-oán kī-choa̍t lí. | 註釋 串珠 盧導讀台 |
| 28:10 | Lí tio̍h kín-sīn, in-ūi Siōng-chú kéng lí lâi khí chhù chò sèng-só͘. Lí tio̍h ióng-kám khì chò. " | 註釋 串珠 盧導讀台 |
| 28:11 | Ta-bi̍t kā sèng-tiān ê mn̂g-lông, pâng-keng, kim-khò͘, lâu-koh, lāi-tiān kah si-un-só͘ hit keng, só͘-ū ê tô͘-iūⁿ kau hō͘ i ê kiáⁿ Só͘-lô-móng, | 註釋 串珠 盧導讀台 |
| 28:12 | Koh ēng tùi Sèng Sîn só͘ tit tio̍h it-chhè ê tô͘-iūⁿ, to̍h-sī Siōng-chú tiān ê īⁿ, sì-kho͘-ûi ê pâng, Siōng-chú tiān ê kim-khò͘ kah sèng-mi̍h ê kim-khò͘ chiahê tô͘-iūⁿ lóng kau hō͘ i; | 註釋 串珠 盧導讀台 |
| 28:13 | koh chí-sī i iú-koan chè-si kah Lē-bī lâng ê pan-lia̍t kah Siōng-chú tiān lāi ho̍k-sāi ê kang, í-ki̍p Siōng-chú tiān lāi ho̍k-sāi ê khì-kū; | 註釋 串珠 盧導讀台 |
| 28:14 | koh chhìn kim hō͘ i chò ta̍k chióng èng-iōng ê kim-khì, mā chhìn gîn hō͘ i chò ta̍k chióng èng-iōng ê gîn-khì, | C註釋 註釋 串珠 盧導讀台 |
| 28:15 | to̍h-sī chiahê kim teng-tâi kah i ê chóaⁿ, chiū chhìn kim lâi chò ta̍k-ê teng-tâi kah i ê chóaⁿ, koh ēng-chò gîn teng-tâi ê gîn lâi chhìn hō͘ i, teng-tâi kah i ê chóaⁿ lóng sī ánne, chiàu ta̍k-ê teng-tâi ê lō͘-ēng; | 註釋 串珠 盧導讀台 |
| 28:16 | koh chhìn kim hō͘ i lâi chò pâi-lia̍t piáⁿ ê toh, mā chhìn gîn lâi chò gîn ê toh, | 註釋 串珠 盧導讀台 |
| 28:17 | koh ēng sûn-kim hō͘ i chò bah-chhe, pôaⁿ kah poe, koh chhìn kim hō͘ i thang chò ta̍k-ê kim óaⁿ, chhìn gîn hō͘ i chò ta̍k-ê gîn-óaⁿ, | 註釋 串珠 盧導讀台 |
| 28:18 | koh chhìn sûn-kim hō͘ i thang chò hiuⁿ-tôaⁿ, mā ēng kim chò ki-lō͘-peng chhia ê khoán-sit, in thí-khui si̍t, jia-khàm Siōng-chú ê iok-kūi. | 註釋 串珠 盧導讀台 |
| 28:19 | Ta-bi̍t kóng, " Téng-bīn chiahê kui-bô͘, lóng sī góa tit tio̍h Siōng-chú be̍k-sī siá chhut-.lâi ê. " | 註釋 串珠 盧導讀台 |
| 28:20 | Ta-bi̍t koh kā i ê kiáⁿ Só͘-lô-móng kóng, " Lí tio̍h ióng-kám chòng-táⁿ khì chò, m̄-bián lún, mā m̄-bián kiaⁿ, in-ūi Siōng-chú — Siōng-tè, to̍h-sī góa ê Siōng-tè kah lí tông-chāi, I it-tēng bô lī-khui lí, mā bô pàng-sak lí, it-ti̍t kàu Siōng-chú tiān ê kang lóng oân-sêng. | 註釋 串珠 盧導讀台 |
| 28:21 | Lí khòaⁿ, ū chè-si kah Lē-bī lâng ê ta̍k pan, ūi tio̍h beh pān-lí Siōng-chú tiān ta̍k hāng ê tāichì, koh ū kî-khiáu ê lâng, tī ta̍k hāng ê kang hoaⁿ-hí pang-chān lí, mā ū chiahê siú-léng kah chèng lâng tâng-sim chun-thàn lí ê bēng-lēng. " | 註釋 串珠 盧導讀台 |