| 章節 | 全民台語聖經全羅經文 | 註釋 |
| 1:1 | Sa-tán Chhì-thàm Io-buhU-chuh ê tē bat ū chi̍t-ê miâ kiò-chò Io-buh ê lâng, hit-ê lâng oân-siān koh chèng-ti̍t, kèng-ùi Siōng-tè, lī-khui pháiⁿ lō͘. | 註釋 串珠 盧導讀台 |
| 1:2 | I ū chhit-ê kiáⁿ kah saⁿ-ê chabó͘ kiáⁿ. | 註釋 串珠 盧導讀台 |
| 1:3 | I ê ka-gia̍p ū iûⁿ chhit chheng chiah, lo̍k-tô saⁿ chheng chiah, gû gō͘ pah tùi, lî-bó gō͘ pah chiah, mā ū chin chē chhe-ēng ê lâng. Án-ne, chit-ê lâng tī tang-hong chèng lâng ê tiong-kan sǹg-chò tē-it tōa. | 註釋 串珠 盧導讀台 |
| 1:4 | I ê kiáⁿ chiàu kakī ê ji̍t-chí, lûn-liû khì ta̍k-ê hiaⁿ-tī ê chhù pâi-siat iàn-se̍k, koh chhe lâng khì chhiáⁿ in saⁿ-ê chí-mōe lâi kah in lim-chia̍h. | 註釋 串珠 盧導讀台 |
| 1:5 | Iàn-se̍k ê ji̍t-chí móa liáu-āu, Io-buh chhe lâng khì kiò in lâi kā in sèng-kiat. Koh thàu-chá khí-.lâi, chiàu in chèng lâng ê sò͘-gia̍h hiàn sio-chè; in-ūi Io-buh kóng, " Kiám-chhái góa ê kiáⁿ ū hoān chōe, sim-lāi khì-choa̍t Siōng-chú. " Io-buh tiāⁿtiāⁿ ánne chò. | 註釋 串珠 盧導讀台 |
| 1:6 | Ū chi̍t ji̍t, Siōng-tè ê chèng kiáⁿ lâi, khiā tī Siōng-chú ê bīn-chêng, Sa-tán mā lâi tī in tiong-kan. | 註釋 串珠 盧導讀台 |
| 1:7 | Siōng-chú tùi Sa-tán kóng, " Lí tùi tó-ūi lâi? " Sa-tán chiū ìn Siōng-chú kóng, " Góa tī tē-chiūⁿ kiâⁿ-lâi kiâⁿ-khì, piàn kiâⁿ tī hia, tùi hia lâi. " | 註釋 串珠 盧導讀台 |
| 1:8 | Siōng-chú tùi Sa-tán kóng, " Lí kám ū chù-ì tio̍h góa ê lô͘-po̍k Io-buh? In-ūi tē-chiūⁿ bô lâng chhin-chhiūⁿ i hiah oân-siān koh chèng-ti̍t, kèng-ùi Siōng-tè, lī-khui pháiⁿ lō͘. " | 註釋 串珠 盧導讀台 |
| 1:9 | Sa-tán ìn Siōng-chú kóng, " Io-buh kèng-ùi Siōng-tè, kám sī bô-iân bô-kò͘? | 註釋 串珠 盧導讀台 |
| 1:10 | Lí kám m̄-sī ēng lî-pa kā i ûi-.leh, koh ûi i ê ke kah i sì-kho͘-ûi it-chhè só͘-ū ê? I ê chhiú só͘ chò ê, Lí kā i sù-hok, i ê ka-gia̍p tī tē-.ni̍h mā ke-thiⁿ chin chē. | 註釋 串珠 盧導讀台 |
| 1:11 | Taⁿ Lí nā chhun Lí ê chhiú, kha̍p tio̍h i lóng-chóng só͘-ū ê, i it-tēng ē tng-bīn kā Lí khì-choa̍t. " | 註釋 串珠 盧導讀台 |
| 1:12 | Siōng-chú tùi Sa-tán kóng, " Lí khòaⁿ, i it-chhè só͘-ū ê lóng tī lí ê chhiú-thâu; to̍k-to̍k m̄ thang hē chhiú tī i ê seng-khu. " Sa-tán chiū tùi Siōng-chú ê bīn-chêng chhut-.khì. | 註釋 串珠 盧導讀台 |
| 1:13 | Io-buh Sòng-sit Kiáⁿ-jî kah Châi-sánŪ chi̍t ji̍t, Io-buh ê kiáⁿ-jî tú-á tī in tōa-hiaⁿ ê ke teh chia̍h teh lim chiú, | 註釋 串珠 盧導讀台 |
| 1:14 | ū sù-chiá lâi Io-buh hia, kā i kóng, " Gû teh lê-chhân, lî-bó tī piⁿ-á teh chia̍h chháu; | 註釋 串珠 盧導讀台 |
| 1:15 | Sí-bah ê lâng hut-jiân lâi chhiúⁿ-toa̍t, ēng to thâi-sí hiahê lô͘-po̍k; chí ū góa chi̍t-ê lâng cháu-lī, lâi kā lí pò-kò. " | 註釋 串珠 盧導讀台 |
| 1:16 | I iáu teh kóng ê sî, koh ū chi̍t-ê lâi, kóng, " Siōng-tè ê hóe tùi thiⁿ kàng lo̍h-.lâi, sio iûⁿ-kûn kah hiahê lô͘-po̍k, lâi kā in siau-bia̍t; chí ū góa chi̍t-ê lâng cháu-lī, lâi kā lí pò-kò. " | 註釋 串珠 盧導讀台 |
| 1:17 | I iáu teh kóng ê sî, koh ū chi̍t-ê lâi, kóng, " Kal-tí-ah lâng hun-chò saⁿ tūi hut-jiân lâi, phah lo̍k-tô lâi chhiúⁿ-toa̍t, sòa ēng to thâi-sí hiahê lô͘-po̍k; chí ū góa chi̍t-ê lâng cháu-lī, lâi kā lí pò-kò. " | 註釋 串珠 盧導讀台 |
| 1:18 | I iáu teh kóng ê sî, koh ū chi̍t-ê lâi, kóng, " Lí ê kiáⁿ kah lí ê chabó͘ kiáⁿ, tī in tōa-hiaⁿ ê ke teh chia̍h teh lim chiú; | 註釋 串珠 盧導讀台 |
| 1:19 | hut-jiân ū tōa hong tùi khòng-iá chhoe-.lâi, sàu chhù ê sì-kak-thâu, chhù tùi siàu-liân lâng ê téng-bīn tó lo̍h-.lâi, in chiū lóng sí; chí ū góa chi̍t-ê lâng cháu-lī, lâi kā lí pò-kò. " | 註釋 串珠 盧導讀台 |
| 1:20 | Io-buh chiū khí-.lâi, thiah-li̍h gōa-saⁿ, thì thâu, phak tī thô͘-kha lâi pài, | 註釋 串珠 盧導讀台 |
| 1:21 | kóng, " Góa thǹgpaktheh chhut lāu-bú ê thai, mā beh thǹgpaktheh tńg-khì hia; Siōng-chú siúⁿ-sù, Siōng-chú the̍h-.khì. Tio̍h oló Siōng-chú ê miâ. " | 註釋 串珠 盧導讀台 |
| 1:22 | Tī che it-chhè ê tāichì, Io-buh pēng bô hoān chōe, mā lóng m̄ bat bâi-oàn Siōng-tè ê chok-ûi. | 註釋 串珠 盧導讀台 |