| 章節 | 全民台語聖經全羅經文 | 註釋 |
| 14:1 | Tùi chabó͘ lâng só͘ seⁿ ê lâng ji̍t-chí té, koh ū chin chē hoân-ló. | 註釋 串珠 盧導讀台 |
| 14:2 | I chhut chhin-chhiūⁿ hoe, sòa siā-.khì, i cháu-.khì chhin-chhiūⁿ iáⁿ, mā bô thêng-.leh. | 註釋 串珠 盧導讀台 |
| 14:3 | Chhin-chhiūⁿ chit khoán ê lâng, Lí kám ē khui lí ê ba̍k-chiu khòaⁿ i? Koh chhōa góa siū Lí ê sím-phòaⁿ? | 註釋 串珠 盧導讀台 |
| 14:4 | Siáⁿ lâng ē hō͘ chheng-khì ê tùi bô chheng-khì ê chhut-.lâi? Bô chi̍t-ê ē. | 註釋 串珠 盧導讀台 |
| 14:5 | I ê ji̍t-chí kì-jiân siū hān-tiāⁿ, i ê goe̍h ê sò͘-gia̍h chāi tī Lí; Lí mā kā i siat kài-hān, hō͘ i bē tàng pôaⁿ kòe-.khì; | 註釋 串珠 盧導讀台 |
| 14:6 | kiû Lí ba̍k-chiu oa̍t tńg-.khì bô khòaⁿ i, hō͘ i ē tit an-jiân, chhin-chhiūⁿ kang-lâng chò oân i ê kang. | 註釋 串珠 盧導讀台 |
| 14:7 | In-ūi chhiū-á nā chhò khí-.lâi, iáu koh ū ǹg-bāng koh puh íⁿ, nńg ê ki hoat bē soah. | 註釋 串珠 盧導讀台 |
| 14:8 | Sûi-jiân i ê kin tī tē-.ni̍h chin lāu, i ê châng mā sí tī thô͘-.ni̍h ; | 註釋 串珠 盧導讀台 |
| 14:9 | nā tit tio̍h chúi chu-jūn chiū ē koh hoat íⁿ, mā chhin-chhiūⁿ chai-chèng ê mi̍h hoat ki. | 註釋 串珠 盧導讀台 |
| 14:10 | Chóng-.sī, lâng sí chiū tó ti̍t-ti̍t; khùi chi̍t-ē tn̄g, lâng tī tó-ūi? | 註釋 串珠 盧導讀台 |
| 14:11 | Hái tiong ê chúi ē toān-choa̍t, hô chúi ē siau-sit ta-.khì. | 註釋 串珠 盧導讀台 |
| 14:12 | Lâng mā sī ánne, tó lo̍h-.khì bē koh khí-.lâi, kàu thiⁿ lap lo̍h-.lâi mā bē cheng-sîn; kú-kú khùn-.khì kiò bē chhéⁿ. | 註釋 串珠 盧導讀台 |
| 14:13 | Goān Lí kā góa khǹg tī im-kan, kā góa siu tī ún-ba̍t ê só͘-chāi, thèng-hāu Lí ê siū-khì soah, kā góa tiāⁿ tio̍h ji̍t-kî lâi kì-liām góa. | 註釋 串珠 盧導讀台 |
| 14:14 | Lâng sí-.khì kám ē koh oa̍h? Góa tio̍h jím-nāi góa lô-khó͘ ê ji̍t-chí, thèng-hāu góa thè-ōaⁿ ê ji̍t-chí kàu. | 註釋 串珠 盧導讀台 |
| 14:15 | Lí chi̍t-ē kiò, góa chiū ìn Lí; Lí ē him-bō͘ Lí ê chhiú só͘ chò ê lâng. | 註釋 串珠 盧導讀台 |
| 14:16 | Chóng-.sī, taⁿ Lí sǹg góa ê kha-pō͘, kám bô kàm-chhat góa ê chōe-kò? | 註釋 串珠 盧導讀台 |
| 14:17 | Góa ê kòe-sit hō͘ Lí hong tī tē-á lāi; góa ê chōe-kò hō͘ Lí pa̍k tiâu-tiâu. | 註釋 串珠 盧導讀台 |
| 14:18 | Soaⁿ pang chiū sòaⁿ-sòaⁿ-.khì, chio̍h-thâu sóa-lī i ê pún ūi. | 註釋 串珠 盧導讀台 |
| 14:19 | Chúi ē kā chio̍h-thâu bôa tiāu; tōa-chúi ē kā tē-chiūⁿ ê thô͘ chhiong tiāu; Lí mā ánne teh choa̍t lâng ê ǹg-bāng. | 註釋 串珠 盧導讀台 |
| 14:20 | Lí éng-oán khah iâⁿ i, i chiū kòe-.khì; Lí piàn-ōaⁿ i ê bīn-māu, lâi chhe i khì. | 註釋 串珠 盧導讀台 |
| 14:21 | I ê kiáⁿ-jî tit tio̍h êng-kng, i m̄-chai; in tú tio̍h kàng kē, i mā m̄-chai. | 註釋 串珠 盧導讀台 |
| 14:22 | Chóng-.sī, i ê jio̍k-sin kakī teh thàng-thiàⁿ, i ê sîn-hûn kakī teh iu-būn. | 註釋 串珠 盧導讀台 |