| 章節 | 全民台語聖經全羅經文 | 註釋 |
| 43:1 | Iô-sé-huh ê Chèng Hiaⁿ-tī Chhōa Biān-iá-mín Lâi-kàu Ai-gi̍pHit só͘-chāi ê ki-hng chin giâm-tiōng. | 註釋 串珠 盧華 盧導讀台 |
| 43:2 | In tùi Ai-gi̍p tòa tńg-.lâi ê ngó͘-kok í-keng chia̍h-liáu, in lāu-pē kā in kóng, " Lín koh khì kā lán tia̍h tām-po̍h-á bí-niûⁿ tńg-.lâi. " | 註釋 串珠 盧華 盧導讀台 |
| 43:3 | Iô-tah ìn i kóng, " Hitê lâng pek-chhiat hoan-hù goán kóng, ' Lín sió-tī nā bô kah lín chò-hóe lâi, lín chiū bē tàng kìⁿ góa ê bīn. ' | 註釋 串珠 盧華 盧導讀台 |
| 43:4 | Lí nā chhe goán sió-tī kah goán chò-hóe khì, goán chiū lo̍h-.khì, kā lí tia̍h bí-niûⁿ. | 註釋 串珠 盧華 盧導讀台 |
| 43:5 | Lí nā m̄ chhe i khì, goán chiū m̄ lo̍h-.khì, in-ūi hit-ê lâng kā goán kóng, ' Lín sió-tī nā bô kah lín chò-hóe lâi, lín chiū bē tàng kìⁿ góa ê bīn. '" | 註釋 串珠 盧華 盧導讀台 |
| 43:6 | I-su-la-el kóng, " Lín án-chóaⁿ beh ánne hāi góa, ná ē kā hit-ê lâng kóng lín iáu ū sió-tī? " | 註釋 串珠 盧華 盧導讀台 |
| 43:7 | In ìn kóng, " Hitê lâng tì-ì mn̄g goán kah goán chhin-cho̍k ê tāichì, kóng, ' Lín lāu-pē iáu tī-.leh bô? Lín iáu ū hiaⁿ-tī bô? ' Goán chiàu i só͘ mn̄g ê kā i kóng, goán ná ē chai i ē kóng: Tio̍h chhōa lín sió-tī lo̍h-.lâi? " | 註釋 串珠 盧華 盧導讀台 |
| 43:8 | Iô-tah koh kā i ê lāu-pē I-su-la-el kóng, " Lí chhe gín'á kah góa-.khì, goán chiū chhut-hoat khì, thang hō͘ goán kah lí, í-ki̍p goán ê gín'á tit tio̍h oa̍h, bián sí. | 註釋 串珠 盧華 盧導讀台 |
| 43:9 | Góa kā i tam-pó, lí thang tùi góa thó; góa nā bô chhōa i tńg-lâi khiā tī lí ê bīn-chêng, góa goān it-seng tam-tng chit-ê chōe. | 註釋 串珠 盧華 盧導讀台 |
| 43:10 | Lán nā m̄-sī ū iân-chhiân, í-keng tē-jī pái tńg-.lâi à. " | 註釋 串珠 盧華 盧導讀台 |
| 43:11 | In lāu-pē I-su-la-el tùi in kóng, " Nā-sī ánne, lín chiū tio̍h ánne chò, Tio̍h chhú chit só͘-chāi siōng hó ê lông-sán-bu̍t — jú-hiuⁿ tām-po̍h, phang-bi̍t tām-po̍h, í-ki̍p phang-liāu, bu̍t-io̍h, húi-chí, hēng-jîn, lóng siu tī khì-kū lāi, tòa-khì sàng hit-ê lâng. | 註釋 串珠 盧華 盧導讀台 |
| 43:12 | Lín koh tio̍h tòa gîn têng-pōe, mā tio̍h kā lín pò͘-tē kháu i hêng lín ê gîn, tòa tò tńg-khì hō͘ i; hit-ê kiámchhái sī sit-chhò. | 註釋 串珠 盧華 盧導讀台 |
| 43:13 | Lín mā chhōa lín sió-tī chhut-hoat, koh khì kìⁿ hit-ê lâng. | 註釋 串珠 盧華 盧導讀台 |
| 43:14 | Chóng-.sī, goān choân-lêng Siōng-tè hō͘ lín tī hit-ê lâng ê bīn-chêng tit tio̍h liân-bín, kā lín hit-ê hiaⁿ-tī kah Biān-iá-mín kau hêng lín. Góa nā it-tēng tio̍h sit-lo̍h góa ê kiáⁿ, mā tio̍h hō͘ i sit-lo̍h to̍h sī. " | 註釋 串珠 盧華 盧導讀台 |
| 43:15 | Jiân-āu in to̍h tòa hiahê lé-mi̍h, mā tòa gîn têng-pōe, koh chhōa Biān-iá-mín, chhut-hoat lo̍h-khì Ai-gi̍p, lâi-kàu Iô-sé-huh ê bīn-chêng. | 註釋 串珠 盧華 盧導讀台 |
| 43:16 | Iô-sé-huh khòaⁿ tio̍h Biān-iá-mín kah in chò-hóe lâi, chiū tùi koán-ke ê kóng, " Chhōa chiahê lâng khì chhù lāi, thâi chengseⁿ, chún-pī iàn-se̍k, in-ūi tiong-tàu góa beh kah chiahê lâng chò-hóe chia̍h pn̄g. " | 註釋 串珠 盧華 盧導讀台 |
| 43:17 | Hitê lâng chiū chiàu Iô-sé-huh ê ōe khì kiâⁿ, chhōa in hiahê lâng ji̍p-khì Iô-sé-huh ê chhù. | 註釋 串珠 盧華 盧導讀台 |
| 43:18 | Hiahê lâng in-ūi hō͘ i chhōa kàu Iô-sé-huh ê chhù, chiū kiaⁿ-hiâⁿ, kóng, " Chhōa lán kàu chia, it-tēng sī in-ūi thâu chi̍t pái hêng lán ê gîn tī pò͘-tē-á lāi, chitmá beh chhōe lán ê khang-phāng, hē chhiú hāi lán, kiông-kiông lia̍h lán chò lô͘-po̍k, chhiúⁿ lán ê lî-á. " | 註釋 串珠 盧華 盧導讀台 |
| 43:19 | In chiū óa-kīn Iô-sé-huh ê koán-ke, tī chhù mn̂g-kháu kah i kóng-ōe, | 註釋 串珠 盧華 盧導讀台 |
| 43:20 | kóng, " Góa ê chú ah, goán thâu chi̍t pái lo̍h-.lâi, si̍t-chāi sī beh tia̍h bí-niûⁿ. | 註釋 串珠 盧華 盧導讀台 |
| 43:21 | Āu-lâi-kàu hioh mê ê só͘-chāi, khui goán ê pò͘-tē, siūⁿ bē kàu goán ta̍k lâng ê gîn chiok-sò͘ iû-goân tī ta̍k lâng ê pò͘-tē kháu, taⁿ goán ū koh tòa-.lâi. | 註釋 串珠 盧華 盧導讀台 |
| 43:22 | Goán lēng-gōa ū koh tòa gîn beh lâi tia̍h bí-niûⁿ. Goán m̄-chai siáⁿ lâng kā goán ê gîn hē tī goán ê pò͘-tē lāi. " | 註釋 串珠 盧華 盧導讀台 |
| 43:23 | Koán-ke kóng, " Chò lín an-sim, m̄-bián kiaⁿ, sī lín ê Siōng-tè kah lín lāu-pē ê Siōng-tè, siúⁿ-sù hō͘ lín châi-pó tī lín ê pò͘-tē lāi, lín ê gîn góa í-keng siu liáu. " I chiū chhōa Si-miān chhut-lâi hō͘ in. | 註釋 串珠 盧華 盧導讀台 |
| 43:24 | Hitê lâng chiū chhōa hiahê lâng ji̍p-khì Iô-sé-huh ê chhù, phâng chúi hō͘ in, in chiū sé kha, koh the̍h chháu-liāu chhī in ê lî-á. | 註釋 串珠 盧華 盧導讀台 |
| 43:25 | In chiū chún-pī hiahê lé-mi̍h, thèng-hāu Iô-sé-huh tiong-tàu tńg-.lâi, in-ūi in thiaⁿ tio̍h beh tī hia chia̍h. | 註釋 串珠 盧華 盧導讀台 |
| 43:26 | Iô-sé-huh tńg-lâi-kàu chhù, in chiū kā só͘ tòa-.lâi ê lé-mi̍h the̍h ji̍p-khì chhù lāi sàng hō͘ i, koh phak tī tē-.ni̍h kā i pài. | 註釋 串珠 盧華 盧導讀台 |
| 43:27 | Iô-sé-huh kā in chhéng-an, koh kóng, " Lín ê lāu-pē, to̍h-sī lín só͘ kóng hit-ê lāu lâng, ū pêng-an bô? I kám iáu tī-.leh? " | 註釋 串珠 盧華 盧導讀台 |
| 43:28 | In ìn kóng, " Lí ê lô͘-po̍k, goán ê lāu-pē ū pêng-an, i iáu tī-.leh. " In chiū àⁿ thâu kā i pài. | 註釋 串珠 盧華 盧導讀台 |
| 43:29 | Iô-sé-huh gia̍h thâu khòaⁿ tio̍h i tâng-bú ê sió-tī Biān-iá-mín, chiū kóng, " Lí kā góa kóng ê soah-bóe sió-tī, kám sī chit-ê? " Koh kóng, " Sè-kiáⁿ, goān Siōng-tè si un hō͘ lí! " | 註釋 串珠 盧華 盧導讀台 |
| 43:30 | Iô-sé-huh thiàⁿ sió-tī ê chêng tōa kek-tōng, siūⁿ beh kóaⁿ-kín chhōe só͘-chāi thang thî-khàu, chiū ji̍p-khì i ê pâng-keng thî-khàu. | 註釋 串珠 盧華 盧導讀台 |
| 43:31 | Āu-lâi, sé bīn liáu chhut-.lâi, bián-kióng lún teh, chiū hoan-hù khui-toh. | 註釋 串珠 盧華 盧導讀台 |
| 43:32 | In chiū ūi Iô-sé-huh lēng-gōa pâi chi̍t tè toh, ūi hiahê lâng koh pâi chi̍t toh, mā ūi kah Iô-sé-huh chò-hóe chia̍h ê Ai-gi̍p lâng lēng-gōa pâi chi̍t toh, in-ūi Ai-gi̍p lâng bē tàng kah Hi-bú-lâi lâng chò-hóe chia̍h, che sī Ai-gi̍p lâng só͘ thó-ià ê. | 註釋 串珠 盧華 盧導讀台 |
| 43:33 | Hiahê lâng chē tī i ê bīn-chêng, tōa-sè chiàu in nî-hòe ê chhù-sū; hiahê lâng tāi-ke lóng tio̍h-kiaⁿ kah gāng-.khì. | 註釋 串珠 盧華 盧導讀台 |
| 43:34 | Iô-sé-huh kā i bīn-chêng ê chia̍h-mi̍h pun hō͘ in; to̍k-to̍k Biān-iá-mín só͘ tit tio̍h ê pí pa̍t lâng gō͘ pōe chē. In chiū lim chiú kah Iô-sé-huh chò-hóe iàn-lo̍k. | 註釋 串珠 盧華 盧導讀台 |