| 章節 | 全民台語聖經全羅經文 | 註釋 |
| 18:1 | Siú-oa lâng Bil-tat ìn kóng: | 註釋 串珠 盧導讀台 |
| 18:2 | Lí teh chhńg ōe-phāng beh kàu tang-sî ah? Lí tio̍h chim-chiok siūⁿ, jiân-āu goán chiah kóng. | 註釋 串珠 盧導讀台 |
| 18:3 | Goán ná ē hō͘ lí khòaⁿ-chò chengseⁿ, hō͘ lí khòaⁿ-chò a-se? | 註釋 串珠 盧導讀台 |
| 18:4 | Lí chit-ê tōa siū-khì thiah-li̍h kakī ê saⁿ, tē kám ē ūi tio̍h lí lâi siū khì-sak? Chio̍h-pôaⁿ kám ē sóa-khui goân ūi? | 註釋 串珠 盧導讀台 |
| 18:5 | Pháiⁿ lâng ê kng si̍t-chāi ē hoa, i ê hóe-iām ē bô kng. | 註釋 串珠 盧導讀台 |
| 18:6 | I pò͘-pêⁿ lāi ê kng ē piàn-chò o͘-àm, i téng-bīn ê teng mā ē hoa-.khì. | 註釋 串珠 盧導讀台 |
| 18:7 | I giám-ngē ê kha-pō͘ ē tú tio̍h chó͘-gāi, i ê kè-bô͘ ē hō͘ i kakī poa̍h-tó. | 註釋 串珠 盧導讀台 |
| 18:8 | In-ūi i ê kha hāi i kakī ji̍p-khì hām-kheⁿ, i kiâⁿ tī oa̍h-tauh ê téng-bīn. | 註釋 串珠 盧導讀台 |
| 18:9 | Khoan-thò ē tîⁿ tio̍h i ê kha-āu-teⁿ, lô-bāng ē lia̍h tio̍h i. | 註釋 串珠 盧導讀台 |
| 18:10 | Oa̍h-khàu ūi tio̍h i tâi tī thô͘-.ni̍h, pòaⁿ-soh ūi tio̍h i tiuⁿ tī lō͘-.ni̍h. | 註釋 串珠 盧導讀台 |
| 18:11 | Sì-kho͘-ûi ū kiaⁿ-hiâⁿ, ē hō͘ i kiaⁿ, koh jiok i ê kha-āu-teⁿ. | 註釋 串珠 盧導讀台 |
| 18:12 | I ê khùi-la̍t ē soe-bî, chai-eh tī i ê sin piⁿ sûi-sî piān-piān. | 註釋 串珠 盧導讀台 |
| 18:13 | Chai-eh ē thun i ê phôe-bah; pháiⁿ chèng-thâu ē thun-chia̍h i ê ki-thé. | 註釋 串珠 盧導讀台 |
| 18:14 | I ē tī só͘ óa-khò ê pò͘-pêⁿ siū poe̍h chhut-.lâi, ah-kàu thang kiaⁿ ê ông hia. | 註釋 串珠 盧導讀台 |
| 18:15 | Bô sio̍k i ê ē tòa tī i ê pò͘-pêⁿ; ē ū liû-hông iā tī i só͘ tòa ê só͘-chāi. | 註釋 串珠 盧導讀台 |
| 18:16 | Tī ē-té, i ê kin-thâu ē ta-.khì; tī téng-bīn, i ê ki ē siū chián-tû. | 註釋 串珠 盧導讀台 |
| 18:17 | I ê kì-liām ē tī tē-chiūⁿ bia̍t-bông, i ê miâ-jī mā bô lâu tī ke-lō͘-.ni̍h. | 註釋 串珠 盧導讀台 |
| 18:18 | I ē tùi kng-bêng tiong siū kóaⁿ khì-kàu o͘-àm; koh ē siū kóaⁿ-chhut sè-kài. | 註釋 串珠 盧導讀台 |
| 18:19 | Tī i ê jîn-bîn tiong-kan ē bô kiáⁿ bô sun, tī i kià-kha ê só͘-chāi mā bô lâu chi̍t-ê lâng tī-.leh. | 註釋 串珠 盧導讀台 |
| 18:20 | Ūi tio̍h i ê ji̍t-chí, āu-lâi ê lâng ē kiaⁿ kah gāng-.khì, chhin-chhiūⁿ chá-chêng ê lâng ê kiaⁿ-hiâⁿ. | 註釋 串珠 盧導讀台 |
| 18:21 | Put-gī ê lâng ê chhù, si̍t-chāi sī ánne, che to̍h-sī m̄ bat Siōng-chú ê lâng ê só͘-chāi. | 註釋 串珠 盧導讀台 |