| 章節 | 全民台語聖經全羅經文 | 註釋 |
| 19:1 | Io-buh ìn kóng: | 註釋 串珠 盧導讀台 |
| 19:2 | Lín hō͘ góa ê sim iu-khó͘, ēng ōe siong-hāi góa tio̍h kàu tang-sî? | 註釋 串珠 盧導讀台 |
| 19:3 | Lín chit cha̍p pái lêng-jio̍k góa, lín pháiⁿ khoán-thāi góa mā bô kakī kiàn-siàu. | 註釋 串珠 盧導讀台 |
| 19:4 | Góa nā kó-jiân ū kòe-sit, chit-ê kòe-sit sī chāi tī góa kakī. | 註釋 串珠 盧導讀台 |
| 19:5 | Lín kó-jiân beh tùi góa tōa khoa-kháu, koh ēng góa ê lêng-jio̍k chek-pī góa; | 註釋 串珠 盧導讀台 |
| 19:6 | lín chiū tio̍h chai che sī Siōng-tè óng-khut góa, ēng I ê lô-bāng ûi góa. | 註釋 串珠 盧導讀台 |
| 19:7 | Lí khòaⁿ, góa in-ūi oan-óng lâi tōa-siaⁿ hoah, mā bô tit tio̍h thiaⁿ, góa âu-kiò mā bô tit tio̍h kong-toàn. | 註釋 串珠 盧導讀台 |
| 19:8 | Siōng-tè ûi-cha̍h góa ê lō͘, hō͘ góa bē tàng kòe-.khì, koh hō͘ góa ê lō͘-kèng o͘-àm. | 註釋 串珠 盧導讀台 |
| 19:9 | Siōng-tè thǹg-khì góa ê êng-kng, kā góa ê thâu-khak téng ê bián-liû liù-.khì. | 註釋 串珠 盧導讀台 |
| 19:10 | I tī sì-kho͘-ûi húi-hoāi góa, góa chiū sí-.khì; góa ê ǹg-bāng poe̍h khí-.lâi, chhin-chhiūⁿ teh poe̍h chhiū. | 註釋 串珠 盧導讀台 |
| 19:11 | I ê siū-khì ke̍k-lia̍t kong-kek góa, I lia̍h góa chò I ê tùi-te̍k ê chi̍t-ê. | 註釋 串珠 盧導讀台 |
| 19:12 | I ê kun-peng chò chi̍t-hóe lâi, chō in ê lō͘ lâi kong-kek góa, chat iâⁿ tī góa ê pò͘-pêⁿ ê sì-kho͘-ûi. | 註釋 串珠 盧導讀台 |
| 19:13 | I hō͘ góa kah hiaⁿ-tī keh-khui hn̄g-hn̄g, sio-bat ê lâng kah góa chheⁿ-so͘. | 註釋 串珠 盧導讀台 |
| 19:14 | Góa ê chhin-lâng kah góa toān-choa̍t, góa chhin-bi̍t ê pêng-iú lóng bē kì-tit góa. | 註釋 串珠 盧導讀台 |
| 19:15 | Kià-kha tī góa chhù lāi ê lâng kah góa ê lú-pī, lóng kā góa khòaⁿ-chò sī gōa-lâng; in kā góa khòaⁿ-chò sī gōa-pang lâng. | 註釋 串珠 盧導讀台 |
| 19:16 | Góa kiò góa ê lô͘-po̍k kiò bē ìn, góa tio̍h chhin-chhùi kā i kiû. | 註釋 串珠 盧導讀台 |
| 19:17 | Góa chhùi ê khì-bī hō͘ góa ê bó͘ thó-ià; kah góa siâng-pak ê mā thó-ià góa ê chhàu-bī. | 註釋 串珠 盧導讀台 |
| 19:18 | Liân gín'á mā khòaⁿ-khin góa; góa nā khí-.lâi, in lóng kā góa khau-sé. | 註釋 串珠 盧導讀台 |
| 19:19 | Góa chhin-bi̍t ê pêng-iú lóng thó-ià góa; góa pêng-siông sî só͘ thiàⁿ ê lâng tùi góa pìⁿ-bīn. | 註釋 串珠 盧導讀台 |
| 19:20 | Góa ê phôe mo͘h kah liâm kut; góa ê chhùi-khí chí ū chhun khí hōaⁿ. | 註釋 串珠 盧導讀台 |
| 19:21 | Góa ê pêng-iú, lín tio̍h khó-liân góa, khó-liân góa; in-ūi Siōng-tè ê chhiú bong tio̍h góa. | 註釋 串珠 盧導讀台 |
| 19:22 | Lín ná ē chhin-chhiūⁿ Siōng-tè teh poek-hāi góa, lia̍h góa ê bah chò bô thang pá-chiok? | 註釋 串珠 盧導讀台 |
| 19:23 | Taⁿ goān kā góa ê ōe siá khí-.lâi, koh kì tī chheh-.ni̍h; | 註釋 串珠 盧導讀台 |
| 19:24 | Ēng thih-chām khek-tiâu koh ēng iân koàn tī chio̍h-thâu-.ni̍h; hō͘ i éng-oán chûn-chāi. | 註釋 串珠 盧導讀台 |
| 19:25 | In-ūi góa chai kiù-sio̍k góa ê sī oa̍h ê Siōng-tè; ji̍t-āu I ē khiā tī thô͘ ê téng-bīn; | 註釋 串珠 盧導讀台 |
| 19:26 | góa chit-ê phôe pāi-hoāi liáu-āu, góa ē tī jio̍k-thé ê gōa-bīn ē-tàng kìⁿ Siōng-tè. | 註釋 串珠 盧導讀台 |
| 19:27 | Góa pún-sin ē khòaⁿ tio̍h I sī ūi góa ê, góa chhin-ba̍k khòaⁿ tio̍h I m̄-sī gōa-lâng; góa ê sim-tn̂g tī góa lāi-bīn jia̍t kah kiông-beh iûⁿ-.khì. | 註釋 串珠 盧導讀台 |
| 19:28 | Lín nā kóng, goán ē án-chóaⁿ pek-hāi i! Tāi-chì ê kin-pún chāi tī i kakī. | 註釋 串珠 盧導讀台 |
| 19:29 | Lín tio̍h kiaⁿ to-kiàm, in-ūi siū-khì chiū ū to-kiàm ê hêng-hoa̍t, hō͘ lín chai ū sím-phòaⁿ. | 註釋 串珠 盧導讀台 |