| 章節 | 全民台語聖經全羅經文 | 註釋 |
| 28:1 | Siōng-chàn Tì-hūiChhut gîn ū i ê khòng, só͘ toàn-liān ê kim mā ū i ê só͘-chāi teh chhut. | 註釋 串珠 盧導讀台 |
| 28:2 | Thih sī tùi tē-.ni̍h chhú chhut-.lâi, tâng sī tùi chio̍h-khòng iûⁿ chhut-.lâi. | 註釋 串珠 盧導讀台 |
| 28:3 | Lâng siau-bia̍t hit-ê o͘-àm, chhōe kàu chīn-té; ū o͘-àm kah sí-ìm ê chio̍h-khòng tiong. | 註釋 串珠 盧導讀台 |
| 28:4 | I lī-khui lâng kià-kha ê só͘-chāi khì khui hia̍t, kiâⁿ tī hit téng-bīn ê lâng bô siūⁿ tio̍h i; in lī-khui lâng soah tūi lo̍h-khì hia̍t tiong, hàiⁿ-lâi hàiⁿ-khì. | 註釋 串珠 盧導讀台 |
| 28:5 | Kóng tio̍h tē, bí-niûⁿ tùi hia chhut; i ê ē-té chhin-chhiūⁿ hō͘ hóe kā i péng khí-.lâi. | 註釋 串珠 盧導讀台 |
| 28:6 | Tē ê chio̍h-khòng tiong ū nâ-pó-chio̍h, i mā ū kim-soa. | 註釋 串珠 盧導讀台 |
| 28:7 | Hit tiâu lō͘ eng-chiáu m̄ bat; sió-eng ê ba̍k-chiu mā bô khòaⁿ-.tio̍h. | 註釋 串珠 盧導讀台 |
| 28:8 | Ok siù m̄ bat ta̍h tio̍h i, béng sai mā m̄ bat tùi hia keng-kòe. | 註釋 串珠 盧導讀台 |
| 28:9 | Siōng-tè chhun chhiú phah tēng chio̍h, tùi soaⁿ ê kin-ki kā i péng khí-.lâi. | 註釋 串珠 盧導讀台 |
| 28:10 | I tī chio̍h-thâu tiong khui kau, chhin-ba̍k khòaⁿ tio̍h ta̍k chióng ê pó-bu̍t. | 註釋 串珠 盧導讀台 |
| 28:11 | I kā chúi that-ba̍t hō͘ i bē tih lo̍h-.lâi; koh the̍h-chhut ún-ba̍t ê mi̍h lâi hō͘ i kìⁿ tio̍h kng. | 註釋 串珠 盧導讀台 |
| 28:12 | Chóng-.sī, tùi tó-ūi ē-tàng chhōe tio̍h tì-hūi? Chhong-bêng ê só͘-chāi tī tó-ūi? | 註釋 串珠 盧導讀台 |
| 28:13 | Tì-hūi ê kè-chîⁿ bô lâng chai, tī oa̍h-lâng ê tē mā bô tè chhōe. | 註釋 串珠 盧導讀台 |
| 28:14 | Chhim-ian kóng: bô tī góa chia; tōa hái kóng: bô kah góa tông-chāi. | 註釋 串珠 盧導讀台 |
| 28:15 | Bē-tàng ēng n̂g-kim lâi tit tio̍h i, mā bē tàng chhìn gîn chò i ê kè-chîⁿ. | 註釋 串珠 盧導讀台 |
| 28:16 | O-hui ê kim bē ta̍t tio̍h i; pó-kùi ê phek-ge̍k kah nâ-pó-chio̍h mā bē tàng. | 註釋 串珠 盧導讀台 |
| 28:17 | N̂g-kim kah po-lê bē pí-tit i; sûn-kim ê khì-kū bô kàu-gia̍h kah i sio ōaⁿ. | 註釋 串珠 盧導讀台 |
| 28:18 | Sian-ô͘ chúi-chiⁿ lóng bô kàu-gia̍h thang kóng; in-ūi tit tio̍h tì-hūi iâⁿ-kòe chin-chu. | 註釋 串珠 盧導讀台 |
| 28:19 | Kú-si̍t ê n̂g-ge̍k kah i bē pí-tit; chiok-siâⁿ ê kim mā put-jû i. | 註釋 串珠 盧導讀台 |
| 28:20 | Án-ne, tì-hūi sī tùi tó-ūi lâi? Chhong-bêng ê só͘-chāi tī tó-ūi? | 註釋 串珠 盧導讀台 |
| 28:21 | Kì-jiân tùi só͘-ū ê oa̍h-mi̍h ê ba̍k-chiu ún-ba̍t; tùi khong-tiong ê poe-chiáu am-khàm. | 註釋 串珠 盧導讀台 |
| 28:22 | A-bat-tóng（ chù, Hi-bú-lâi bûn ê im-tha̍k, ì-sù sī "bia̍t-bông". ）kah sí-sit kóng: goán hīⁿ-khang thiaⁿ tio̍h i ê hong-siaⁿ. | 註釋 串珠 盧導讀台 |
| 28:23 | Siōng-tè bêng-pe̍k tì-hūi ê lō͘, mā chai i ê só͘-chāi. | 註釋 串珠 盧導讀台 |
| 28:24 | In-ūi I kàm-chhat kàu tē ê ke̍k-thâu, piàn-khòaⁿ phó͘-thiⁿ-ē. | 註釋 串珠 盧導讀台 |
| 28:25 | I tiāⁿ tio̍h hong ê khin-tāng, koh niû chúi ê chē-chió. | 註釋 串珠 盧導讀台 |
| 28:26 | I kā hō͘-chúi tiāⁿ tio̍h lē, kā lûi-tiān tiāⁿ tio̍h i ê lō͘. | 註釋 串珠 盧導讀台 |
| 28:27 | Hit sî, I khòaⁿ tio̍h tì-hūi lâi kā i kóng bêng, I kā i chō-sêng, koh kā i cha-chhat. | 註釋 串珠 盧導讀台 |
| 28:28 | I tùi lâng kóng: Lí khòaⁿ, kèng-ùi Siōng-chú to̍h-sī tì-hūi, lī-khui pháiⁿ to̍h-sī chhong-bêng. | 註釋 串珠 盧導讀台 |