| 章節 | 全民台語聖經全羅經文 | 註釋 |
| 39:1 | Soaⁿ-.ni̍h ê soaⁿ-iûⁿ tang-sî seⁿ, lí kám chai? Lo̍k-bú seⁿ kiáⁿ, lí kám ū khòaⁿ-chhut? | 註釋 串珠 盧導讀台 |
| 39:2 | In ê hoâi-īn tang-sî kàu-goe̍h, lí kám ē-hiáu sǹg? In tang-sî seⁿ, lí kám ē liáu-kái? | 註釋 串珠 盧導讀台 |
| 39:3 | In khut-sin seⁿ kiáⁿ, pàng-chhut in ê lô-khó͘. | 註釋 串珠 盧導讀台 |
| 39:4 | In ê kiáⁿ chiām-chiām pûi-phauh, tī soaⁿ-iá tióng-tōa; in chhut-.khì, chiū bô koh tò tńg-.lâi. | 註釋 串珠 盧導讀台 |
| 39:5 | Siáⁿ lâng pàng iá-lî chhut-khì chū-iû? Siáⁿ lâng tháu soaⁿ-lî ê soh? | 註釋 串珠 盧導讀台 |
| 39:6 | Góa ēng khòng-iá chò i ê chhù, ēng kiâm tē chò i tòa ê só͘-chāi. | 註釋 串珠 盧導讀台 |
| 39:7 | I thí-chhiò siâⁿ lāi ê soan-hoa, kóaⁿ chengseⁿ ê teh hoah, i mā m̄-thiaⁿ. | 註釋 串珠 盧導讀台 |
| 39:8 | Piàn soaⁿ sī i ê chháu-tiûⁿ; i mā chhōe ta̍k chióng chheⁿ-chhùi ê chia̍h-mi̍h. | 註釋 串珠 盧導讀台 |
| 39:9 | Iá-gû kám khéng ho̍k-sāi lí? Á-sī hioh tī lí ê chô piⁿ? | 註釋 串珠 盧導讀台 |
| 39:10 | Lí kám ē ēng soh kā iá-gû pa̍k tī lê-kau? I kám ē tòe lí pê soaⁿ-kok? | 註釋 串珠 盧導讀台 |
| 39:11 | Kám thang in-ūi i la̍t tōa, chiū óa-khò i? Kám thang kā lí ê khang-khòe kau-tài i? | 註釋 串珠 盧導讀台 |
| 39:12 | Lí kám thang sìn-khò i ē kā lí ê chéng-chí tòa tńg-.lâi? Jî-chhiáⁿ siu-khioh lí ê tiūⁿ-tiâⁿ? | 註釋 串珠 盧導讀台 |
| 39:13 | Tô-chiáu ê si̍t hoaⁿ-hí teh ia̍t; chóng-.sī, i ê si̍t kah mn̂g kám ū chû-ài? | 註釋 串珠 盧導讀台 |
| 39:14 | In-ūi i kā i ê nn̄g pàng tī tē-.ni̍h, hō͘ i tī thô͘-soa tit tio̍h sio-lō; | 註釋 串珠 盧導讀台 |
| 39:15 | Ι bô siūⁿ tio̍h kha ē lap tio̍h, iá-siù ē ta̍h tio̍h. | 註釋 串珠 盧導讀台 |
| 39:16 | I bô khó-liân i ê kiáⁿ, ná chhin-chhiūⁿ m̄-sī i ê kiáⁿ; i ê lô-khó͘ khang-khang, i mā bô chhau-hoân. | 註釋 串珠 盧導讀台 |
| 39:17 | In-ūi Siōng-tè bô hō͘ i tì-hūi, mā bô hō͘ i ū lêng-khiàu. | 註釋 串珠 盧導讀台 |
| 39:18 | I théng-sin koân-koân ê sî, chiū biáu-sī bé kah khiâ bé ê lâng. | 註釋 串珠 盧導讀台 |
| 39:19 | Bé ê la̍t kám sī lí hō͘ i ê? Lí ēng ē chhàng khí-.lâi ê chang moa i ê ām-kún? | 註釋 串珠 盧導讀台 |
| 39:20 | Lí kám ē hō͘ i tiô-thiàu chhin-chhiūⁿ chháu-meh? I tián-ui phǹg-phǹg háu chin thang kiaⁿ. | 註釋 串珠 盧導讀台 |
| 39:21 | I tī soaⁿ-kok tiong ēng tê pê thô͘, kakī hoaⁿ-hí i ê la̍t; i chhut-khì gêng-chiap peng-khì. | 註釋 串珠 盧導讀台 |
| 39:22 | I biáu-sī thang kiaⁿ ê tāichì, mā bô lún, mā bô in-ūi to-kiàm lâi oa̍t tò-tńg. | 註釋 串珠 盧導讀台 |
| 39:23 | Chìⁿ-tē kah kng nà-nà ê chhiuⁿ, í-ki̍p chhiú-pio, tī I ê sin chiūⁿ khiang-khiang háu ū siaⁿ. | 註釋 串珠 盧導讀台 |
| 39:24 | I hoat sèng-tē kah tōa siū-khì, kā thô͘ thun lo̍h-.khì; chi̍t-ē thiaⁿ tio̍h sàu-kak ê siaⁿ, chiū m̄ tiāⁿtiāⁿ khiā-.leh. | 註釋 串珠 盧導讀台 |
| 39:25 | Kiàn-nā sàu-kak tân, I chiū kóng, Ā-hah, i tùi hn̄g-hn̄g phīⁿ tio̍h kau-chiàn kah kun-tiúⁿ chhin-chhiūⁿ lûi ê siaⁿ, í-ki̍p hán-hoah ê siaⁿ. | 註釋 串珠 盧導讀台 |
| 39:26 | Lāu-eng teh poe, thí-khui i ê si̍t, ǹg lâm khì, kám sī khò lí ê tì-hūi? | 註釋 串珠 盧導讀台 |
| 39:27 | Eng-chiáu chhèng koân tī koân ê só͘-chāi chò siū, kám sī chiàu lí ê bēng-lēng? | 註釋 串珠 盧導讀台 |
| 39:28 | I tiàm tī chio̍h-phiâⁿ, tòa tī kiā-piah kah kian-kò͘ ê só͘-chāi. | 註釋 串珠 盧導讀台 |
| 39:29 | Tùi hia chhōe chia̍h-mi̍h, ba̍k-chiu kim-kim khòaⁿ hn̄g-hn̄g. | 註釋 串珠 盧導讀台 |
| 39:30 | I ê kiáⁿ teh suh hoeh; si-thé tī tó-ūi, i mā tī hia. | 註釋 串珠 盧導讀台 |