| 章節 | 全民台語聖經全羅經文 | 註釋 |
| 3:1 | Chá-tó Kiû Chō͘（ Ta-bi̍t siám-phiah i ê kiáⁿ Αp-sa-lôm ê sî só͘ chò ê si ) Siōng-chú ah, góa ê tùi-te̍k hiahni̍h chē! Hiah chē lâng khí-lâi beh kong-kek góa. | 註釋 串珠 盧導讀台 |
| 3:2 | In gī-lūn góa kóng, i bē tàng tit tio̍h Siōng-tè ê chín-kiù. [Sè-la̍h] | 註釋 串珠 盧導讀台 |
| 3:3 | Chóng-.sī, Siōng-chú, Lí sī pó-hō͘ góa ê tîn-pâi, sī góa ê êng-kng, Lí hō͘ góa ê thâu ē-tàng gia̍h koân. | 註釋 串珠 盧導讀台 |
| 3:4 | Góa chhut siaⁿ kiû-kiò Siōng-chú, I ē tùi I ê sèng-soaⁿ ìn góa. [Sè-la̍h] | 註釋 串珠 盧導讀台 |
| 3:5 | Góa tó-.leh, góa khùn, góa cheng-sîn, Siōng-chú lóng pó-hō͘ góa. | 註釋 串珠 盧導讀台 |
| 3:6 | Sûi-jiân ū chheng-bān lâng lâi kā góa ûi-kong, góa mā bô kiaⁿ-hiâⁿ. | 註釋 串珠 盧導讀台 |
| 3:7 | Siōng-chú ah, kiû Lí khí-.lâi; góa ê Siōng-tè ah, kiû Lí kā góa chín-kiù. In-ūi Lí siàn góa só͘-ū tùi-te̍k ê chhùi-phóe, phah-tn̄g pháiⁿ lâng ê chhùi-khí. | 註釋 串珠 盧導讀台 |
| 3:8 | Chín-kiù tùi Siōng-chú hia lâi; goān Lí sù-hok Lí ê chú-bîn. [Sè-la̍h] | 註釋 串珠 盧導讀台 |