| 章節 | 全民台語聖經全羅經文 | 註釋 |
| 12:1 | Kiû Chō͘ ê Kî-tó（ Ta-bi̍t ê si, kau hō͘ ga̍k-koaⁿ; tiāu ēng tē-peh ）Siōng-chú ah, kiû Lí chín-kiù; in-ūi khiân-sêng ê lâng choa̍t-bia̍t à; sè-kan tiong-sìn ê lâng bô-.khì à. | 註釋 串珠 盧導讀台 |
| 12:2 | Lâng-lâng tùi chhù-piⁿ kóng pe̍h-chha̍t; ēng phô͘-tháⁿ ê chhùi-tûn kah nn̄g khoán ê sim lâi kóng-ōe. | C註釋 註釋 串珠 盧導讀台 |
| 12:3 | Siōng-chú ē hong ba̍t phô͘-tháⁿ ê chhùi-tûn, koah-tn̄g kóng tōa-ōe ê chhùi-chi̍h. | 註釋 串珠 盧導讀台 |
| 12:4 | In bat kóng, goán beh khò chhùi-chiap lâi khah iâⁿ; chhùi-tûn sī goán ê, siáⁿ lâng ē-tàng chò goán ê Chú? | 註釋 串珠 盧導讀台 |
| 12:5 | Siōng-chú kóng, ūi tio̍h khùn-khó͘ ê lâng ê oan-óng kah sànchhiah lâng ê thó͘-khùi, taⁿ góa beh khí-.lâi, kā in an-tì tī in só͘ pek-chhiat him-bō͘ ún-tàng ê só͘-chāi. | 註釋 串珠 盧導讀台 |
| 12:6 | Siōng-chú ê ōe sī sûn-choân koh chheng-khì, chhin-chhiūⁿ gîn tī thô͘ chō ê hóe-lô͘ toàn-liān chhit pái. | 註釋 串珠 盧導讀台 |
| 12:7 | Siōng-chú ah, kiû Lí pó-hō͘ in; pì-iū in éng-oán thoat-lī chit sè-tāi ê lâng. | 註釋 串珠 盧導讀台 |
| 12:8 | Bô lō͘-ēng ê lâng hō͘ sè-kan lâng khòaⁿ-tiōng, pháiⁿ lâng tī ta̍k só͘-chāi teh kiâⁿ ta̍h. | 註釋 串珠 盧導讀台 |