| 章節 | 全民台語聖經全羅經文 | 註釋 |
| 24:1 | Úi-tāi ê Kun-ông（ Ta-bi̍t ê si. ）Tē kah kî-tiong ê bān-mi̍h, sè-kài kah tiàm tī hit tiong-kan ê oa̍h-mi̍h lóng sio̍k Siōng-chú. | 註釋 串珠 盧導讀台 |
| 24:2 | I kā tē kiàn-li̍p tī hái ê téng-bīn, an-tì tī tōa hô ê téng-bīn. | 註釋 串珠 盧導讀台 |
| 24:3 | Siáⁿ lâng ē-tàng chiūⁿ Siōng-chú ê soaⁿ? Siáⁿ lâng ē-tàng khiā tī I ê sèng-tiān? | 註釋 串珠 盧導讀台 |
| 24:4 | Chiū-sī chhiú chheng-khì, sim sûn-kiat, chûn-sim bô àm hi-ké, chiùchōa bô khǹg kan-kúi-ê lâng. | 註釋 串珠 盧導讀台 |
| 24:5 | Chit khoán lâng ē tit tio̍h Siōng-chú sù-hok, koh tùi kiù i ê Siōng-tè tit tio̍h gī. | 註釋 串珠 盧導讀台 |
| 24:6 | Chiahê sī cháu-chhōe Siōng-chú ê cho̍k-lūi, Iâ-kop ê Siōng-tè ah, chiahê sī ài kìⁿ Lí ê bīn ê lâng. [Sè-la̍h] | 註釋 串珠 盧導讀台 |
| 24:7 | Siâⁿ-mn̂g, gia̍h-khí lín ê thâu! Éng-oán ê mn̂g, lín tio̍h siū kí-khí! Êng-kng ê ông beh ji̍p-.lâi. | 註釋 串珠 盧導讀台 |
| 24:8 | Hit ūi êng-kng ê ông sī siáⁿ lâng? To̍h sī tōa khùi-la̍t koh tōa koân-lêng ê Siōng-chú, tī kau-chiàn ū tōa koân-lêng ê Siōng-chú. | 註釋 串珠 盧導讀台 |
| 24:9 | Siâⁿ-mn̂g, gia̍h-khí lín ê thâu! Éng-oán ê mn̂g, lín mā tio̍h gia̍h-khí! Êng-kng ê ông beh ji̍p-.lâi! | 註釋 串珠 盧導讀台 |
| 24:10 | hit ūi êng-kng ê ông sī siáⁿ lâng? Sī bān-kun ê Siōng-chú, I sī êng-kng ê ông. [Sè-la̍h] | 註釋 串珠 盧導讀台 |