| 章節 | 全民台語聖經全羅經文 | 註釋 |
| 33:1 | Siōng-chàn Chi KoaLín gī lâng tio̍h in-ūi Siōng-chú lâi hoaⁿ-hí; chèng-ti̍t ê lâng ê mā tio̍h oló Siōng-chú. | 註釋 串珠 盧導讀台 |
| 33:2 | Lín tio̍h tôaⁿ khîm lâi kám-siā Siōng-chú, ēng cha̍p tiâu hiân ê sek oló I. | 註釋 串珠 盧導讀台 |
| 33:3 | Tio̍h tùi I chhiùⁿ sin ê koa, tôaⁿ kah chin hó, siaⁿ-im hiáng-liāng. | 註釋 串珠 盧導讀台 |
| 33:4 | In-ūi Siōng-chú ê giân-gí chèng-ti̍t; I ê só͘ chò choân-pō͘ lóng sī sìn-si̍t. | 註釋 串珠 盧導讀台 |
| 33:5 | I ì-ài gī-lí kah kong-pêⁿ; Siōng-chú ê chû-ài phó͘-ki̍p choân tē. | 註釋 串珠 盧導讀台 |
| 33:6 | Kiong-chhong tùi Siōng-chú ê ōe lâi chhòng-chō, thiⁿ-.ni̍h ê chheⁿ-sîn tùi I ê chhùi ê khùi lâi chō-sêng. | 註釋 串珠 盧導讀台 |
| 33:7 | I kā hái chúi chū-chi̍p kui tui, kā chhim-ian siu-chông tī khò͘-pâng. | 註釋 串珠 盧導讀台 |
| 33:8 | Choân tē tio̍h kèng-ùi Siōng-chú; sè-kan lâng lóng tio̍h kiaⁿ-ùi I. | 註釋 串珠 盧導讀台 |
| 33:9 | In-ūi I chi̍t ē kóng-chhut, chiū chhut-hiān ú-tiū; I chi̍t ē bēng-lēng, chiū hêng-sêng bān-mi̍h. | 註釋 串珠 盧導讀台 |
| 33:10 | Siōng-chú hō͘ lia̍t pang ê kè-ōe kui tī khang-khang, hō͘ bān-bîn ê kè-bô͘ lóng bô kong-hāu. | 註釋 串珠 盧導讀台 |
| 33:11 | Siōng-chú ê kè-ōe éng-oán khiā chāi, I ê sim-ì sòa-kàu bān-sè-tāi. | 註釋 串珠 盧導讀台 |
| 33:12 | Jīn Siōng-chú chò Siōng-tè ê kok chin ū hok-khì! Siū kéng-soán chò I ê sán-gia̍p ê chú-bîn chin ū hok-khì! | 註釋 串珠 盧導讀台 |
| 33:13 | Siōng-chú tùi thiⁿ teh khòaⁿ, I kàm-chhat só͘-ū ê sè-kan lâng. | 註釋 串珠 盧導讀台 |
| 33:14 | I tùi I ê pó-chō khòaⁿ lo̍h-.lâi, khòaⁿ I tē-chiūⁿ só͘-ū ê chú-bîn. | 註釋 串珠 盧導讀台 |
| 33:15 | I sī chō chèng lâng ê sim ê, I chù-ì in it-chhè ê chok-ûi. | 註釋 串珠 盧導讀台 |
| 33:16 | Kun-ông bē tàng in-ūi peng chē chiū tit tio̍h kiù; ióng-sū bē tàng in-ūi khùi-la̍t tōa chiū tit tio̍h kiù. | 註釋 串珠 盧導讀台 |
| 33:17 | Óa-khò bé, bô it-tēng ē tit tio̍h kiù; khò tōa khùi-la̍t mā bô it-tēng ē-tàng kiù lâng. | 註釋 串珠 盧導讀台 |
| 33:18 | Siōng-chú ê ba̍k-chiu khòaⁿ-kò͘ kèng-ùi I ê lâng, chiàu-kò͘ gióng-bōng I ê chû-ài ê lâng. | 註釋 串珠 盧導讀台 |
| 33:19 | I ē kiù in ê sèⁿ-miā thoat-lī sí-bông, pó-chûn in ê oa̍h-miā tō͘-kòe ki-hng. | 註釋 串珠 盧導讀台 |
| 33:20 | Goán ê sim-sîn sî-sî teh thèng-hāu Siōng-chú; I sī chò goán ê pang-chān, chò goán ê tîn-pâi. | 註釋 串珠 盧導讀台 |
| 33:21 | Goán ê sim ē in-ūi óa-khò I lâi hoaⁿ-hí, in-ūi goán sî-sî óa-khò I ê sèng-miâ. | 註釋 串珠 盧導讀台 |
| 33:22 | Siōng-chú ah, goān Lí chiàu goán só͘ gióng-bōng Lí ê, si-lo̍h Lí ê chû-ài hō͘ goán. | 註釋 串珠 盧導讀台 |