| 章節 | 全民台語聖經全羅經文 | 註釋 |
| 41:1 | Pēⁿ-lâng ê Kî-tó（ Ta-bi̍t ê si, kau hō͘ ga̍k-koaⁿ. ）Chiàu-kò͘ sànchhiah lâng ê lâng ū hok-khì! Tng hoān-lān ê ji̍t, Siōng-chú ē kiù i. | 註釋 串珠 盧導讀台 |
| 41:2 | Siōng-chú ē pó-siú i sèⁿ-miā, hō͘ i oa̍h-.leh tī tē-chiūⁿ hióng-hok; kiû Lí m̄ thang chiàu tùi-te̍k só͘ ài lâi kā i kau hō͘ in. | 註釋 串珠 盧導讀台 |
| 41:3 | I tó tī pēⁿ chhn̂g, Siōng-chú ē kā i hû-chhî; i phòa-pēⁿ ê sî, Lí ē liāu-lí i ê chhn̂g-pho͘. | 註釋 串珠 盧導讀台 |
| 41:4 | Góa bat kóng, Siōng-chú ah, kiû Lí liân-bín góa, i hó góa ê sim-sîn! In-ūi góa ū tek-chōe Lí. | 註釋 串珠 盧導讀台 |
| 41:5 | Góa ê tùi-te̍k ēng pháiⁿ ōe húi-pòng góa, kóng, i tang-sî ē sí, i ê miâ tang-sî ē bia̍t-bông? | 註釋 串珠 盧導讀台 |
| 41:6 | I nā lâi khòaⁿ góa chiū kóng pe̍h-chha̍t ōe; i ê sim chek-chū kan-chà, chhut-khì gōa-kháu chiū sì-kè kóng. | 註釋 串珠 盧導讀台 |
| 41:7 | Só͘-ū oàn-hūn góa ê lâng chi-bú chi-chū teh gī-lūn góa; in kè-bô͘ beh hāi góa. | 註釋 串珠 盧導讀台 |
| 41:8 | In kóng, i ê seng-khu tì tio̍h koài-pēⁿ; i í-keng tó tī bîn-chhn̂g, bē tàng koh peh khí-.lâi. | 註釋 串珠 盧導讀台 |
| 41:9 | Liân góa ti-kí ê pêng-iú, góa só͘ óa-khò, chia̍h góa ê pn̄g ê, mā gia̍h-khí kha lâi that góa. | 註釋 串珠 盧導讀台 |
| 41:10 | Siōng-chú ah, kiû Lí liân-bín góa, hō͘ góa koh ióng-kiāⁿ khí-.lâi, thang kā in pò-ho̍k! | 註釋 串珠 盧導讀台 |
| 41:11 | In-ūi góa ê tùi-te̍k bē tàng tùi góa khoa-kháu khah iâⁿ, góa chiū chai Lí kah-ì góa. | 註釋 串珠 盧導讀台 |
| 41:12 | Lí in-ūi góa ê sûn-choân chiū hû-chhî góa, hō͘ góa éng-oán khiā tī Lí ê bīn-chêng. | 註釋 串珠 盧導讀台 |
| 41:13 | Tio̍h oló Siōng-chú — I-su-la-el ê Siōng-tè, tùi éng-oán kàu éng-oán. A-men! Koh A-men! | 註釋 串珠 盧導讀台 |