| 章節 | 全民台語聖經全羅經文 | 註釋 |
| 45:1 | Kun-ông Hun-in Chi Koa（ Khó-la̍h kiáⁿ-sun kà-sī ê si, koh sī ài-bō͘ ê koa; kau hō͘ ga̍k-koaⁿ; tiāu ēng " Pek-ha̍p-hoe ". ）Góa ê sim chhèng-chhut bí-hó ê ōe, góa kóng-khí góa ūi tio̍h ông só͘ chò ê si, góa ê chi̍h chhin-chhiūⁿ láu-liān chok-ka ê pit. | 註釋 串珠 盧導讀台 |
| 45:2 | Lí pí sè-kan lâng khah hó khòaⁿ, lí ê chhùi chhiong-móa un-hūi, só͘-í, Siōng-tè kā lí sù-hok, ti̍t-kàu éng-oán. | 註釋 串珠 盧導讀台 |
| 45:3 | Tōa koân-lêng ê ông, lí tio̍h phāiⁿ kiàm tī io-.ni̍h, hián-chhut lí ê êng-kng kah ui-giâm. | 註釋 串珠 盧導讀台 |
| 45:4 | Koh tī ui-giâm ê tiong-kan, ūi tio̍h chin-lí, khiam-pi kah kong-gī, lí chē bé-chhia chìn-chêng khì, pek-chiàn pek-sèng; lí ê chiàⁿ chhiú ē chò thang kiaⁿ-ùi ê tāichì. | 註釋 串珠 盧導讀台 |
| 45:5 | Lí ê chìⁿ chin lāi, siā tio̍h ông ê tùi-te̍k ê sim; lia̍t pang lóng tó tī lí ê kha-ē. | 註釋 串珠 盧導讀台 |
| 45:6 | Siōng-tè sù hō͘ lí éng-éng oán-oán ê pó-chō, sù hō͘ lí ê kok ū chèng-ti̍t ê koân-pèng. | 註釋 串珠 盧導讀台 |
| 45:7 | Lí ì-ài kong-gī, thó-ià put-hoat; só͘-í, Siōng-tè — lí ê Siōng-tè ēng hoaⁿ-hí ê iû kā lí boah, hō͘ lí iâⁿ-kòe lí hiahê tâng-phōaⁿ. | 註釋 串珠 盧導讀台 |
| 45:8 | Lí ê saⁿ-khò͘ lóng ū bu̍t-io̍h, tîm-hiuⁿ kah jio̍k-kùi ê phang-bī; tùi chhiūⁿ-gê ê ông-kiong ū si-hiân ê ga̍k-khì hō͘ lí hoaⁿ-hí. | 註釋 串珠 盧導讀台 |
| 45:9 | Tī lí chun-kùi ê chabó͘ lâng tiong-kan ū lia̍t kok ê kong-chú; ông-hō͘ ēng O͘-huil ê sûn-kim táⁿ-pān, khiā tī lí ê chiàⁿ pêng. | 註釋 串珠 盧導讀台 |
| 45:10 | Cha-bó͘ gín'á, lí tio̍h àⁿ hīⁿ-khang lâi chim-chiok thiaⁿ, tio̍h siông-sè khòaⁿ! M̄-thang siàu-liām lí ê jîn-bîn kah lí ê lāu-pē ê ke; | 註釋 串珠 盧導讀台 |
| 45:11 | Ông chiū ē him-bō͘ lí ê súi; i sī lí ê Chú, lí tio̍h sūn-ho̍k i. | 註釋 串珠 盧導讀台 |
| 45:12 | Tu-lô ê jîn-bîn ē sàng lé-mi̍h lâi; jîn-bîn tiong-kan ê hó-gia̍h lâng ē tùi lí kiû un. | 註釋 串珠 盧導讀台 |
| 45:13 | Ông ê chabó͘ kiáⁿ tī ông-kiong lāi hui-siông êng-hôa; i ê saⁿ-khò͘ sī ēng kim-sòaⁿ siù ê. | 註釋 串珠 盧導讀台 |
| 45:14 | I chhēng siù-hoe ê saⁿ-khò͘, hông chhōa kàu ông ê bīn-chêng; chò-phōaⁿ kin-tòe i ê chāi-sek-lí mā ē siū chhōa lâi-kàu lí ê bīn-chêng. | 註釋 串珠 盧導讀台 |
| 45:15 | In ē hoaⁿ-hí khoài-lo̍k hō͘ lâng chhōa-.lâi, chìn-ji̍p ông-kiong. | 註釋 串珠 盧導讀台 |
| 45:16 | Lí ê kiáⁿ-sun ē sòa-chiap lí ê chó͘-sian; lí beh siat-li̍p in tī choân tē chò ông. | 註釋 串珠 盧導讀台 |
| 45:17 | Góa beh hō͘ lí ê miâ tāi-tāi hō͘ lâng kì-liām; bān-bîn ē éng-éng oán-oán kám-siā Lí. | 註釋 串珠 盧導讀台 |