| 章節 | 全民台語聖經全羅經文 | 註釋 |
| 47:1 | Chì-koân ê Thóng-tī-chiá（ Khó-la̍h kiáⁿ-sun ê si, kau hō͘ ga̍k-koaⁿ. ） Lín chèng lâng lóng tio̍h phah pho̍k-á! Tio̍h ēng tek-sèng ê siaⁿ tōa-siaⁿ oló Siōng-tè! | 註釋 串珠 盧導讀台 |
| 47:2 | Siōng-chú — Chì-koân-.ê tio̍h siū kèng-ùi, I sī tōa kun-ông, koán-lí choân tē. | 註釋 串珠 盧導讀台 |
| 47:3 | I hō͘ bān-bîn khut-ho̍k tī goán ê ē-bīn, mā hō͘ lia̍t pang khut-ho̍k tī goán ê kha chêng. | 註釋 串珠 盧導讀台 |
| 47:4 | I thè goán kéng goán ê sán-gia̍p, to̍h-sī I só͘ thiàⁿ ê Iâ-kop ê êng-kng. [Sè-la̍h] | 註釋 串珠 盧導讀台 |
| 47:5 | Siōng-tè tńg-khì I ê pó-chō, ū hoan-ho͘ ê siaⁿ kin-tòe I; Siōng-chú tńg-khì I ê ông-ūi, ū kó͘-chhoe ê siaⁿ kin-tòe I. | 註釋 串珠 盧導讀台 |
| 47:6 | Lín tio̍h chhiùⁿ koa oló Siōng-tè, tio̍h chhiùⁿ koa oló! Tio̍h chhiùⁿ koa oló lán ê ông, tio̍h chhiùⁿ koa oló. | 註釋 串珠 盧導讀台 |
| 47:7 | In-ūi Siōng-tè sī choân tē ê ông, tio̍h ēng tì-hūi chhiùⁿ koa oló I. | 註釋 串珠 盧導讀台 |
| 47:8 | Siōng-tè chò ông tī-lí bān-kok; Siōng-tè chē tī I sèng ê pó-chō. | 註釋 串珠 盧導讀台 |
| 47:9 | Lia̍t-pang ê kùi-cho̍k chū-chi̍p, beh chò A-bu-la-hàm ê Siōng-tè ê chú-bîn; in-ūi choân tē ê kun-ông lóng sio̍k tī Siōng-tè, I sī ke̍k koân siū chun-chông ê. | 註釋 串珠 盧導讀台 |